مطرز الحرف=
سطرت لك من صميم القلب = حرفين عذبه معانيها
لجلك من اللي يزيل الغلب=وجروح دايم تداويها
هزيم الرعد=
صبيت حلو المعاني صب = بحروف تطرب مبانيها
ومن خصني بالكلام العذب = لابد يظهر خوافيها
مطرز الحرف=
العين لمن رجاها القرب = والشوق فأول مساعيها
مافادني في جروحي طب =غير الأسى في مآسيها
هزيم الرعد=
أشواقنا والجروح تغب=والبعد يبدي مواريها
ونسهل اللي تشوفه صعب = بحلول واللا نواسيها
مطرز الحرف=
كل ماهبوب الشمال تهب=بعزوف تعزف مغانيها
يهفني الشوق لين أتعب == يعجز وصولي مصافيها
هزيم الرعد=
مادام ماللوصل من درب = من يوم بعدت خطاويها
أصبر عسى ربنا يكتب = لجراحكم طب يشفيها