ياملتقى حرب يااهل الطيب = سلام مرفوع راياته
يامن لكم فالمثل تجريب = وانتم رجاله وساداته

المشاركة الأصلية كتبت بواسطة راشد الزهراني (المشاركة 939987) بسم الله الرحمن الرحيم السلام عليكم ورحمة الله وبركاته اتشرف بانظمامي لهذاالصرح الكبير وتلبية لطلب الاخوان ابوفياض النويمي وعلي حاسن المحترمين ارجو ان افيد واستفيد ياملتقى حرب يااهل الطيب = سلام مرفوع راياته يامن لكم فالمثل تجريب = وانتم رجاله وساداته

يا ذيب لبّى دعاوي ذيب=ترحيب شامخ بهاماته
نايب عن الملتقى توجيب=للضيف والطيب غاياته

يمر بي من خياله طيف = ويلامس اعماق وجداني
ويحل بين الحنايا ضيف = يستقبله قلبي الحاني

حكم الصداقه حكم سامي=مطلوب فيها صفا واخلاص
ومبدى على المنهج السامي =ومعامله للصديق الخاص
وهذا طموحي واحلامي = ماعندى خضوع واستنقاص
ولا حب اصدر وانا ظامي =واحب اقص الطريق قصاص

من طبعي الود في دمي = قلبي رهيف وفي حساس
واعوذ بالله واسمي = من كل قاسي عديم احساس
ياموجهين الاسى يمي = خفواعلى قلبي الحساس
مجهد واباارتاح من همي = حالي مثل حال كل الناس

اكتب وحبر القلم يكتب = اللي انكتب من معاناتي
والعين من دمعها تسكب = وتشارك الحرف مأساتي

غربه وكربه وبعد بلاد = وشوق وهجر من محبيني
تجمعوا كلهم في ماد = اقصى حدوده شراييني

على جبال السراه النوف = نسنس نسيم الهوى الهادي
اللى بريح النفل محفوف = مع ريحة الورد والكادي

من مبدئ من صغر سني = رفعت نفسي عن الزلات
حتى الخطا لوبدر مني = اندم واحاسب عليه الذات

ياود بين اضلعي مسكنك = لا تغيب عني وتنساني
انا مدى الدهر اسأل عنك = وانجيت بنساك مامداني

سقيت روضك من دموعي = وطول الدهر مستعد اسقيه
ولايلومني حي في ربوعي = لو كان دمعي نهر مجريه

شفت الوفا في بحر عينك = وشفت فيها الصفا والود
اللي انكتب بيني وبينك = عن منزله مستحيل يشد

لا تلومني ماعليالوم = ارجوك جور الزمن كافي
لو شفت ماشاف طرفي يوم = توقف معي نفس ميقافي

انا هوايه جنوبي بحت = واود منهم يودونه
ياكم صدرى انشرح وارتحت = يوم اسمع الناس يطرونه

عن خافقي يابن عمي بحت= بسـر شوقـي ومكنونـه
وفي ذكريات الصبا روحت = اتذكـر الغيـم ومـزونـه

نور القمر ياخذ ويعطي = ياباهي الخد من خدك
ومن قال لا لا هو المخطي = ماعطاك حقك ولا سدك

اغليك يا غالي الاثمان = يا ايهاالجوهر الصافي
مااخترت غيرك مدى الازمان = انتا وليفي وميلافي

ياليت لأهل الهوى حاكم = حتى اشكي الود واقاضيه
هجره معي سار متراكم = وطالت معاناة قلبي فيه

ابث عبر الاثير إحساس = عساه ياصل محبيني
اللي لهم ود غير الناس = مخفيه من ماضي اسنيني

الناس ماهم سوى واجناس = ولا تغشني نظرتي فيهم
الله وهبني لهم مقياس = اختار منهم وانقيهم

لك عين مثل الضبا نجلا = مكحله كحل رباني
وشوفتك يا حبيبي تجلا = عن قلبي الهم واحزاني

ياماحلا ياقمر نورك = لماهلا لك علينا يهل
تستبشر النفس بحضورك = وطرفي من مشاهدك مايمل

جداول الماء وزهر الروض = اشقت عيوني مناظرها
تكونت كلها في حوض = صورتك وسطه واناظرها

ياليل طول معي هجري = وفراق ودي عليا طال
ياليل انااسهرك للفجري = وتمسي عليا بنفس الحال

سئمت من كثرة افكاري = وتعبت احدد لها مقياس
كاتم ولا بوح باسراري = من خوف لا يعلمون الناس

دمعة وله هلها طرفي = وقت السحر في عتيم الليل
جعلت منها حبر حرفي = لما يترجم خفايا الويل

مجروح يوم ادعي مجروح = لما الالم زاد عداني
لا قادر اخفي خفايا الروح = ولا اكف دمعى من اعياني

مسكين طرفي حزين ينوح = واسيه لاتتركه يهلك
واشفق على قلبي المجروح = واحساسي اللي وهبته لك

لك ود وسط الدما يجري = وعودت عيني على شوفك
ياللي تماديت في هجري = من غير ماتشرح ظروفك

لا تسألوني عن الاسباب=شوقي لشوف الحبيب يسد
من حقي اسئل عن الاحباب=اللي لهم في فؤادي ود

برق السحاب الجنوبي ناض = وامطر على ديرة احبابي
دار بها للحبيب رياض = ودايم لها الشوق ينحابي

طب الطبيب الذي مشهور = عنه المقادير تمنعني
وانا الذي بحاجته مجبور = ازهم ولا حي يسمعني

دمعى تنثر على خدى = وبانت معاناة قلبي فيه
غصباعليه كشف سدي = اللي عن العالمين اخفيه

ياليت ذاك الزمان يعود = ويعود عهده وتذكاره
واشوف ذيك العيون السود = اللي بها الود واسراره

طرفي من العام يذرف دم = وقلبي نزف داخل اضلاعي
من جرحي اللي معي مالتم = لا طب فاده ولا ساعي

ماكنت احسب الحياة وفوق = ياحظ من وفقه ربي
ويلوح له في سماه بروق = قلبه لها محب وملبي

طفت المحيطات عرض وطول = وعندي ركوب الخطر عادي
وعندي لها سيطره واسطول = من يوم تاريخ ميلادي

كيف اكسر الحاجز النفسي = واحط له في حياتي حد
لايزيد محصوله العكسي = ويكبر وكثر الاسى يمتد

اشتاق لك في هجير وبرد = دايم وانا تحن لك روحي
ياحبيبي ياشبيه الورد = ياعذب يابلسم جروحي

سحر العيون النواعس صاب = مركز احاسيس عشاقه
ياصحاب من نظرته ماخاب = قلبي تحت رحمة اشواقه

اخفيت خلف المحاجر دمع = وقلت طيب ومتعافي
ولو ذاب قلبي سوات الشمع = ما أظهر خفى سدي الخافي