ديوان الشاعر محمد سعد اليوبي ( لافي)
سلام لافي لكم من شام =عصـــاب يبقى محقيـــه يفداكم اللي مضى قـدام =وش عندكم ذا السنة ليه ترحيـب للـي لفـى بحـكـام=بحـضـو قـومـأ شـكـاويـه نبغـا نعلـق عليـك اوســام=مشهود بالروحه والجيه عسى البقى يا رجال حشام =في قصر وحصون محمية لو جيتكــم حــافي الأقـــدام =النــــار مــا تنطفي حيــــه نكـرمـك بالحـيـر والايــدام=والكـيـف زهــر اليمانـيـه حنـا معـك منـعـه وإقــدام=عـلـى صهـيـل الصويتـيـه سلام منا مدار العام=ونضاعفه كل حولية أبشر بما خطت الأقلام=في سلم وعلوم حربية يا مرحبــا وأنت مــا تنلام =آخذت ما لك وشـويه وصاحبك ما يضمن الأيام =ولا بد ما نحط حديه |
هب الهوى من نسيم الجوف =واهتز منه الخفوق الصلب وقفوا وأنا بالعيـون أشــوف =وللآن عـــايش بليــا قلــب قلبك رحل والضلوع صفوف =الله يعوضك لاتتعب يبقى على من يبيه يطوف =والسارق اللي نهب يلعب من يسمع العاشق الملهوف =والنار وسط الحشا تشتب من داء ما له دواء معروف =لا طب خافي ولا مجرب ماظن مالك دوا موصوف =اسعى ترى فالامل مكسب خبر غريمك عساه يروف =باسبابه الداء وهو لك طب وين الدواء التعب مخلـوف =وين أنت يا غاية المطلب اليـوم مـن حـالي المعزوف =لا عـــاد آكل ولا أشـرب كــان التحيــز لـكم مــألـــوف =الأمــر ذا فــالحشــا يتعب وواحد حشا ما يضد صفوف =وبالطيب نخرج من الملعب |
يــا الله يــا مجـــري الأفـــلاك =يا من فطرنا على التوحيد عبدك تعب واجتهد في رضاك =لا تحــرمه في نهار العيـد |
بعد الشهــر تُقفل أبوابه =بانصحــك في باقي الأيام داوم على الخير وكتابه =والفرض ومواصل الأر حام |
أشكـي ألـم كل يوم يجــــد =من جرحي اللي منه عانيت لاصبحت نبض الفؤاد يشد =ويزيــد همي معــه لامسيت سلامتك ياعريب الجد =من جرحك اللي منه قاسيت موج البحر لو عليك ارتد =اصبر وسوسه ليا طبيت دقات قلبي عليـه تعــد =أنزف ألـم كل ما مــريت والصبر مهما بلغ له حد =ولو الصبر ينفعــه جزيت بنصحك عن ذا الطريق ابعد =يمكن لعلك عسى ياليت تبرى من اللي بكم وترد =والفكر يسلم من التشتيت يصعب علي أبتعد واشـد =من خـدمة الروح ما مليت كيف أهتني والشقي يسعد =واطمــــن القــلب لاقفيت ابشر يالافي ولا تنكد =عندي خبر لك بالتثبيت صاحبك خايف يبي يشرد =محبوس فالركن وسط البيت أبعدتني في أول المشهد =وفي آخره بالوفا وفيت الله يبشـــــرك بالمبعــــــد =ويجمعك مع الذي حبيت بعد التحري كتبت الرد =و اهدي لك احلى خبر لاقيت يمكن بعد وقت تلقى الود =يجمعك مع الذي عاديت |
أقبل نسيم الصباح وناح =قمري والأسلاك من دونه الله عليهــم قبـل يرتاح =لحظة تهاوت به غصونه الـزيــن إذا اقـبــل ونــــوره لاح=الـكـل يـرمــي لـــه شـطـونـه فــي كــل الأحــوال مــا نـرتـاح=لـــو فـــر أوطـــاح بطـعـونـه ما شفت يوم أثخنوه جـراح =وفي مأمنه غـدر يرمونه أرخى ســدول العبير وفاح =ومال الهدب وأغمض عيونه مـا تملـك الحـل فـي الـلـي طــاح=ضـحـيــة أقــــدار مـسـنـونـة وإيــاك تـحـزن عـلـى الـلــي راح=خَـلَّـك مـــع الـيــوم وشـئـونـه عطنا حكم واترك الإصلاح =مبني على حسب قانونه منه قبـل وقتنا يا صــاح =يرمي غــدر قوم يلفـونه هـذا الحـكـم وانكـتـب فــي ألــواح=مــع نـهـج الاســـلام يمـشـونـه وقـت الشُّـبَـه والحـمـى مــا يـبـاح=وحـقــوق الانـســان مـضـمـونـة روحت مع بالج الأصباح =باسلم الحكم مامـونه لقيت طيـر الغلى مــــزَّاح =يمزح على ناس يغلونه |
روحت أبحث عن الأخبار =وعودت من عندهم دوبي لا هـو بـلادي ولا بحــار =يا صاحبي عابــد اليوبي يامرحبـا بالصـديـق الـبـار=يامرحـبـا بـاعـز محبـوبـي دورت كسـره لـهـا تـذكـار=ماغير لافـي و مكتوبـي |
اللي غرام البحـر شاقه =وأمسى تلاطم به الأمواج ويش الذي بعثر أوراقه =من بعـد مـا قفــل الأدراج من يبحر بهاجس أشواقه=من دون لا يرقب الأبراج يصدم بالأهوال فأعماقه=وخط الأمل يفقده لوماج الـنـفــس تـطـمــع وسـبـاقــه=ودايـــم حــيــاة الـفـتــى دواج تبـحـث عــن الـزيــن واذواقـــه=ومايهمـهـا مـواجـه الأحــراج نفـس الفتى حيـل توَّاقه =عنده أمل في بلاط التاج ومن بعد بانت لهم فاقه =أنت تعــرف الذي محتـاج اللي معه روح منساقه =ويتبع هواها فما تحتاج ماتقتنع دوم مفتاقه =دايم مع اللي تبي فازعاج نارالهوى تقود عُشَّاقه=والحَظّ لِمْلُوكهم وهِّاج يبان الرضا وساعة اشراقه=لجله تخوض البحر لوهَاج ماله عن المـوج وعناقه =لا أف ستـه ولا ميــراج وياكم من حاول اغراقه =لو ما الله الساتر الفراج إجـنــوبــكــم مـــلــــس ورقـــاقــــه=وابــوابــكـــم مــابــهـــا مـــــــزلاج إن كـــــان كــلـــن فــتـــح طـــاقـــه=أفـــــــواج زواركـــــــم بـــأفــــواج فنجال من راسي عشاقه =يا مرحبــا والهبوب أنواج مـا اعدمك حمًّـاي للساقه =مثل القمرفي الظلام سراج فنجال علقم لمن ذاقه=ياعل فدوتكم الهلباج خل الزمل ليه تستاقه=علة نحر مايفيد علاج الوضع يا مكثر أطواقه =ولا كل لجـه بحـرها ساج قليل من طاق مطـراقه =لو كان يمشي على منهاج |
مدري عمـد وابتلاه الدود =والا ذرى البيت فيه الســوس والا هوى جسمه المقرود =من سم وسط العسل مدسوس ابــــداع رايــــع عـلـيــه ردود=الـحـب مـثـل الـرحــاء لـلــروس امـــا ثـبــت وسـتـقـر اركـــود=ولا ضـــرب دربـــه الـمـنـحـوس راع النقـا مـا عليكــم زود =وإن جس في خاطره هاجوس والوقت الأول ما عاد يعود =الله يرحــــم زمــان الــــروس بـارع والابـداع بـك موجـود=والحـب ماينشـرى بفـلـوس واحمد وحمـدان مـع مسعـود=الكـل ماشـي كمـا الملمـوس |
ما كل ما ينسمــع ينقـــال =ولا كل كلمه لها جابه وقالوا لنا قبل في الأمثال =الصقر يشبع بمخلابه ياطـيـب الـعـرف كـيــف الـحــال؟=يــامــدرك الـعـلــم وأسـبـابــه كــد قـيـل : مـابـه علـيـه إشـكـال=الــخــوف لاجــــاه طــلاّبـــه طيب لعلك بطيب الفـال =طيب وشرواك يقدابه وكل عـدله لها معــدال =ومنه طلب حق يعناب إصـبـر وعـقـب الـظــلام خـيــال=مـايـنـعـرف مــيــن يـحـيـابـه كــان برصـيـدك كـسـبـت ريـــال=راجــع حسـابـك وش أقـفـابـه ضو القمر في سمـاهم عال =واليـــوم هيـف بمغيـابه ويمكن يعقب الظلام ظلال =إن كان ما حسَّب حسابه يبدى القمر يالعميل هلال=وأتلا الشهر مثل ما جابه أتوام والفرق بالأعمال=واللي يبا الخير يسعابه |
استحكمت واستــدار الكون =وتناغمـت مــع رحى الأيـام يا الله عساها تجينا بهـون =ضاع اليمن مع كسير الشام دارت رحاها مع المجنون =اصبر ترى نكبته قدام لايغرك الوضع مهما يكون=اللي حصل يشبه الأوهام سميتهــــا وأنت المـامــون =لاعل شــرواك مــا ينظــام ولو ما الصفا يحكمه قانون =كان انتهى من هذاك العام الـنــاس يـاصـاحـبـي يــــدرون=ويكـتـبـونـه بــــروس اقــــلام يبـغـون لـحـظـه بـهــا يـمـشـون=لـنـصـرة الـديــن ولأســـلام |
اللي لهـم في القسى واللين =واستكثروا يذكــرون اسمـه اليـوم يذرف دمــوع العيـن =من سوء حظـه على قسمـه ترحيب يااصحابنا الوافين=في خط واضح لنا رسمه الحظ ما ينقسـم لثنيـن=ولا لك الأمر في حسمـه يمكن بها خيره وتمكين=وقفه بها ينكشف خصمه الّيا صبر اجرها بـاثنين=والّيا جزع زودت همـه عسى البقا والمعاني دين=والربح في الجابه الدسمه ومن يشتري مايبيع الزين=وكلٍ يفصل على جسمـه طبعك وفي مابها تخمين=ياجامع القاف والحكمه تباعت الهون مغبونين=والكايـده دوم بالقمـه دلت رموزك على التعيين=دلالة الغصـن والنسمـة وصفو المعاني مع التمكين=عن الذهب زاد في حكمـه برق الحيا من بعيد يبيـن=ويذري ليا هل في وسمـه ماأدري نخيله على أم الرَّين=و الا على حرة الوسمـه ؟ |
هوِّن علامك عسى ما باس=عساك طيِّب عكست السير استخلف الله وبيع الفاس=لا ربَّعت ما تحصل خير الرزق أمره عجب في الناس=مقسوم من صاحب التدبير البعض سعيه ذهب والماس=والبعض رزقه في ضر الغير ما ذم راع الحطب قرناس=جاب الحطب في قرار البير وشبه على غفلة الحراس=رجال.. لاكل الفطير يطير |
يا أبو روان استمع لا هنت=واسمع معه يا أبو سامي لو لان صم الحجر ما لنت=أنا لها والبحر طامي ترحـيـب وافــي عـلــى مـاكـنـت=مـاشـي مـــع الـكــل بنـظـامـي تـلـقــى جــوابــي إذأ بـيـنــت=حاسـي لهـا ســرج والجـامـي يامرحـبـا يـــوم انـــا عـيـنـت=وشــوف انــا الأســـم قـدامــي لافــي ومـــن كلـمـتـه ايـقـنـت=يـرمـي عـلـى رمـيــت الـرامــي جـل الــذي مــا خـطـا والا أنــت=مــا ظــن مـعـصـوم وعـصـامـي وأنــا عـجـزت آتحـمـل صـمــت=والنـاس فـي المجلـس السـامـي لك حق تزعل إذأ اعلنت=فالملتقى وانت فهامي لاكن ياصاحبي امعنت =في رقمكم ماهو قدامي مهما حصل من عتب كملت=وياليتها طول الأيامي شَفِّي ليا شفتكم سلمت=وأطفيء لظى قلبي الظامي كفـيـت انــا الـيـد وانــت اوفـيـت=ورفـعـت انـــا كـــل الأقـلامــي ومثـلـك تــرى عنـدهـم مـاجـيـت=تشـريـف مـاهـو تــرى الـزامــي هيا اسمحوا لي بعد ماشفت=أشارك أخوان وحشامي قلب العنا تاهبي في خبت==فيه المشي قوّس عظامي |
سلام من قلب حام وجس=في قلوب أقفت وعوَّد تو قلي تقنَّع بعد ما جس=مافيهم اللي يخيل النو اهـلـيـن بـالـفــل والـنـرجــس=عـسـاك طـيـب ومـاشــي ســـو والقـلـب دايــم تـــرى يـوجــس=يـعـرف ديــار(ن) تـشـب الـضــو القلب ما يوم كيله هسّ= و لا يوم خوَّع و غيَّر جوّ من لا يطاوع خفوقه طسّ= و خلّى حبيبه و رام البوّ والله ليا شفتكم ءأنس=وأعنالكم مثل ما تعنو لكنَّه القلب لاعسعس=ما ردت القلب كلمة لو هــذا الـزمـن زاد فـيـه الـلـبـس=والـكــل فـــي حـالـتـه يـلـهـو واهــم حـاجـه تـكــون الـنـفـس=بالـطـيـب تــــزداد او تـعـلــو |
أنا مع القلب شيـل وحـط=كيف أقنعه.. يا عرب مادري أخاف بين الضلـوع ينـط=ويظهر أمر سر في صدري حاسب على مشيتك بالخط = وحذر من النصب والغدري شغل برامجك ثم القط = الفكره اللي بها تسري |
أبني أمل والهموم تهد=واهد وأبني من الهوجاس من جرحي اللي عليَّه جد=عقَّب ألم عطل الإحساس ابني امل لجل الغد=وانتبه من صحبت الجلاس وانتبه لايجيكم سد=وترى الهموم لها الوناس جرح ٍلجا من بلاه تعد=دقات قلبي بدون قياس حتى بلغ مبلغه واحتد=وممَّ بحالي كرهت الناس ارفق بحالك ولا تشتد=صعبه ترى تعلن الأفلاس الصبر من عادتك وركد=ماينفع مصادق الوسواس مهما بلغ جرحكم واشتد = خل الأمل لاتزيد الياس وانا معك باجتهد واجد = إن كان بتفكك الأقواس كيف أهتني والشقي يسعد=وآخذ معه في الهنا مرواس ونارالألم في الحشا تلهد=تطلع وتنزل مع الأنفاس ذل الهوى ذل من يشحد= فكر وخذ فكرتك من راس لاتطلب العون لاتنحد=من يلعب بجهد جاب كاس |
قال الذي مل به صبره=ولا عاد له في الكتابة شف جف القلم وانتهى حبره=ولا عاد بكتب بعد ما جف ميصير هذا ويش الدبره=لابد ناقف لنا موقف ولاهو غروراً ولا كبره=والله علينا كذا يخلف ياللي كسب فالمثل خبره = إنت الذي تحمي الموقف لابد ماتشوف له دبره = ياصاحبي مثلكم مايكف |
زلة ليا جات من جاهل=الجود قالوا من الماجود لكن بلاءأبوك في العاقل=لا صار ما يعرف المنقود حكيم ذا الوقت متغافل=ساير أموره على المعبود للبعض دون العقل فاصل=ما يبصر الحق والمشهود غير الذي فوق ما نعامل=والود هو غاية المقصود ولو كان بانتبع الحاصل=إليا نوينا رقينا سنود إن كان حبل الوفا واصل=مابينكم والصفا منشود دورمعه واعدل المايل=ومايضيع للمجتهد مجهود |
سلَّم وكلَّم ولا علَّم=وقفَّى قبل لا يجيب العلم يا ليت عدَّ ولا سلَّم=ولا زاد همِّي عليَّ بهم حـرام للأدمـي يظلـم=يمكن يكون السبب مبهم راجع دفاتـرك وتكلـم=وعلاج الأجراح بالمرهم الهرج سامع ومتكلم=يازين نقد المعاني سلم وإن كنت شاكي ومتظلم=اسمع منه قبل لاتحكم |
لقيت له في فؤادي ود=وعاتبت قلبي على وده عاتبني الطرف قال يسد=أنا الذي بحت به سده الطرف فالأولة ينرد=وان ناظر القلب ماترده ثم تنكتب في صميمه ود=وماهي على كيف ما يوده. ينعي لكم طرفه اللي لـد=صابه سهم طرف مع لده وحام الجسم واعتلى وارتد=في القلب حتى بلغ حـده |
ســلام مبـنـي عـلــى سـيـسـان=ومتـكَـامـلـة كــــل أركــانــه أقــرب مــن الـقـلـب للـشـريـان=وأعلـى مـن سهيـل فـي شانـه ترحيب من غالي الأثمان=ثابت على الطيب ميزانه ومادامت إن الوفا عنوان=لابد ياصل لميدانه عـسـى البـقـاء ومثلـكـم لا بــان=يجـلـى عــن الـقـلـب أحـزانــه فــي دار مــن عـلَّــوا البـنـيـان=نعمـيـن سـاســه وبنـيـانـه تسلم ومن شارك الأخوان=شرواك كسبان بآمانه والآن قود المثل يافلان=عطنا حروفه وتبيانه خــرَّج سـحـاب الـبـحـر ربـــان=حـتـى عـلــى فـــوق ربـانــه لاجــل ايــش ماشـافـت الأعـيـان=بـرقـه ولا شـافـت أمـزانــه مادري عن الخافيه للآن=العلم فيدين سبحانه يمكن هوى حرك الأمزان=حتى تناحت عن أوطانه نــور انحـجـب والمـقـدر كـــان=أقـفـى مــع الـطـيـف بـالـوانـه إن مــا أنجـلـى والـفـرج مـاحـان=شوفـه غــدا والنـظـر خـانـه الرب له فالخلايق شان=وحكم القدر معتلي شانه والحظ لوخالف الإنسان=لايقرب الياس وجدانه |
ســلام مثـل القمــر نـوره=ضافي يشعشع من الوجدان من نفس بالحيل مسرورة=بعد انجـــلا والمصافا حان يامدونٍ صادق شعوره = يالشاعر الفاهم الفنــــان بنعيش وياك بالصورة = ونزيدها سامري واللحان لي نفس للطيب مأسورة=تبغى الصفا والصفا ما زان وقلبي على حسب مقدوره=والله عني والكريم معان لابد لأمرالصفا دوره = وبعدالعجاج الفضا يزدان ويعجبك بدر المسا بنوره = والنجم لك يبتسم طربان لو ملة الروح معذورة=عنيتها والأمــل ما بان بين الهواجيس محصور=في القلب ومقفله البيبان يالافي الروح مغروره = وهواجسك مالها برهان ابليس لاياخذك شوره = عَــوّد ترى كلنا أخــوان ترحيب يا حايز الكورة=في القول تمشي على الميزان رسالتك جات ممهورة=بزين المعاني من العنوان لا يا فتى النفس مأموره=والله يجيرك من الأحزان والرمي توسيق ماصوره=أشوف بندق بلا نيشان تبقى عسى النفس منصوره=نعم الخوي والصحيح يبان ولابد الأيام من دورة=تكمل بعد تذرف الآوزان يا لافي لاتعلن الثوره = ارجوك لاتدمر الأوطان لا تجعل الدم نافـــوره = وتصير كل العلوم الوان قلوب في صدور مستورة=إن ما ابصرت عميت الأعيان وليا خرج عبد عن طوره=أقول يامضعف الانسان ما دامها الروح معموره = بالذكر مايفرح الشيطان واضح لنا مخطط عبوره = يجري كما الدم بالشريان أمامي أوراق منظورة=فيها الأدلة مع البرهان والعلم واضح بدستوره=ولأصلها ترجع الأغصان |
بعد انجلت وانطفت بالعمد=وأقبل بعدها سواد الليـل ان كان ما الله فرج للعبد=آضنها مقفيـة بالحيـل خل الأمل فالإله يسد=وفالناس خل الأمل لاتشيل وآنا بقلبي معك واليد=يمكن هموم الصحيب نزيل |
احـتـرت فــي خـدمـت المـوجـود=واحـتـرت فــي الـلـي يخـدمـونـه مـا ادري هـوى فـي العيـون السـود=والا خـطـأ مـــا يشـوفـونـه إيــاك تـخــرج عـــن المـعـهـود=الـنـبــع لــلـــي يـريــدونــه بــرق الـحـيـا تقتـفـيـه رعـــود=وأهـــل المـخـايـل يعـرفـونـه أنت وأنا والعباد شهود=والذيب أنتم تخبرونه ولاني مبيح كثبر سدود=الطيب الناس يشرونه العـيـن فــي الـــوِرْد والـمــورود=والــكــل يــاخــذ بمـضـمـونـه وعـيــد مـــن ربـنــا المـعـبـود=لـلـي يحـاكـم عـلـى ظـنـونـه فـــي البـيـنـه ماعـلـيـكـم زود=ولا ادري عـــن الـلــي تكـنـونـه وليـا استـوى الطلـع مــال الـعـود=ولا مــــال لازم يـجـدونــه الـقـن مـاشـي وحـســب الـكــود=مـــا يقـتـصـر فـنَّـكـم دونـــه وراعِ الـفـضـل دايـمــاً مـحـسـود=حتى علـى الشـوك فـي غصونـه من قبل طرف النهار يعود=أدري عن القاف ولحونه وآمد له لأجلكـم ممـدود=وأنتم عليـه تحدونـه ؟ الـلـي مـضــى جـونــا فـسـعـود=مــا هــو كـمـا الـنـاس يطـرونـه والـكـاس طــازج مـــن العـنـقـود=والـيـوم غـيَّـر عـلـي لـونــه قَــوْد المـثـل غـايـة المـقـصـود=والـقــن والـطـيــب يـبـرونــه والـلـي لـكـم يـامـحـل الـجــود=مـن داخــل القـلـب تقـرونـه |
لايــا فـتـى قــوم بـــا لـواجــب=وبـلـغ سـلامـي بـيــان الـصـمـت وقلـه عـسـى خـيـر يــا الصـاحـب=مــا تظـهـر الا نـهـار السـبـت ســــلام لا تـظـنـنـي غــايــب=يوصـل سـلامـك عـلـى مــا كـنـت قـاصــد لـربــعٍ لـهــم جـانــب=عـنـدك خبـرهـم بعـلـمٍ ثـبـت قــال الــذي ســد فــي الـنـايـب=إنـــك وفـــي والـوفــاء قـدمــت ولـيـا عـطــى راعـــي الـصـايـب=لانـــي مـعـلـم ولا عـلـمــت البـعـض يحـمـل صـفــة غـالــب=تـلـقــى نـصـيـبـك إذا ولــمــت وبـعـد المواجـيـب مـــن سـالــب=تبقـى النصايـف مـتـى عـزمـت |
مـجـبــورلاحــارة الأفـــكـــار=مسـعـود مـالــك مـعــه قـــدره يـفــز مـــع دقـــة الـمـنـقـار=لاحـرب الـزيـر فــي العـمـره يالافي إنته من الشعار=ومسعود شاعر وله خبره وسالم هنا مامعه معذار=لابد مايشوف لك دبره مـنــي لـكــم زايـــد الـمـقـدار=ولا فيـكـم الـلـي قـصــر شـبــره ومـــادام تـــرس الــزمــن دوار=لابــد نـأخـذ مـنـه عـبــره فمراجعه لأول الإصدار=يامترجم القاف من شعره مسعود ليه معاه أشعار=كثير ياكم وكم كسره |
الـنـاس عـبــر الأثـيــر تـــزف=فـيــض الأحـاسـيـس والـوجــدان وأنــــا فــــؤادي أدفــــه دف=مــن زايــد الـهـم والأحــزان لازم شريط الحياه يلف=والقلب داريه مهما كان يامكالي الهمم كيف يخف=إن كان مافضفض الإنسان |
ليلي وأنا بالعيون أشوح=آصك وآفـــك في الأقفــــال وللآن مابيَّن المنضوح=ما أدري عسى ماتغير حال |
اللـي انجـرح مــن بقـايـا جــروح=وتـعـاونــوا وثِّــقــوا قــيـــده الـيـوم مـالــه بـهــم مـصـلـوح=مــن بـعـد مـاحـرروا قـيـده احيان بعض الجروح تروح= لا تحك فالجرح وتزيده وباب الأمل اتركه مفتوح = يكفل لك الوقت تضميده ياليت ماهو قبل مشروح=كان اشرح الأمر وآعيده لكن بلايه شريك الروح=يجرح لي الجرح ما يفيده كــــلــــش لأجـــــــــل الــــغـــــلا مـــســـمـــوح=يــــامــــن لـــــــــه الـــصـــفـــح ويـــجـــيـــده لــلــطــيــب شــــــــرواك يــبـــنـــي صـــــــــروح=والــــــــــــود يــــقــــطــــف عـــنـــاقـــيــــده كــم لــي وأنــا محتـمـل مـابـوح=لاجـلـي بـعـض حـــال مـاريــده واليـوم بـعـد انكـتـب فــي الـلـوح=مـنــه يتـكـفـل بـتـسـديـده اللي انكتب لك امر مطروح= من رب كل الأمر بيده بالصبر تلقى المزون تلوح = وتشارك الطير تغريده |
يـامــن يـخـبـر عـــن الـربــان=الـلــي يـجــي كـــل عـصـريـة وأدرى عـلــى الـســر بالكـتـمـان=لـوى كــان بــرَّى السعـوديـة لابد يظهر لكم ويبان=ربانك اللي على النيه وتسمع منه جابته يافلان= إنته وباقي الأفنديه كانك معه تعرف العنوان=لا تحط هذيك مع ذيه قلِّي شرب من جبل لبنان=وألا حدر يتبع الفيه ســلام وافــي لـكــم يـــا اخـــوان=بالـمـسـك والـطـيـب فـــي طــيــه خـويّــكــم يـشــكــر الـرحــمــن=لـكـنـهـا ظــــروف وَقْـتِــيَّــة |
الساعة الآن 03:18 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir