|
ديوان الشاعر على غلاب الجابري
سلام تسليم الوفاء يالحويفي=من خاطر"صوغ القوافي يشوقه يابدر برق الوسم جاله رفيفي=مزنه من المنشا الهبايب تسوقه مزنن ورى مزنن ومزنن رديفي=ركز نصوبه واستناضت ابرقه وحس الرعد يابدر جاله رزيفي=وملأ المحاجر والمخايل حقوقه ملا الخباري والقطاله رفيفي=على الخباري زايدات"فروقه يابدر ابو سلمان عيدي وريفي=سج القدم غب المطر مع شروقه على شروق الشمس والأرض ريفي=والعشب بالريضان مالت عذوقه قلبي لذعذاع الهبايب وليفي=لا ذعذع الغربي ينشط نشوقه في راس مرجوم" طويلن منيفي=قلبي على مبداه يزداد شوقه وانته على طرد الولع يالحويفي=حر"شهر مايرد عنه سبوقه لاكن ابي خوتك وتصير ضيفي=الجيب جاهز والمعاميل فوقه وارد مديله من حفيزه نضيفي=وفي شايت الله ماش شي يعوقه وليا لقينا اثر حباري نقيفي=والطير نطلق يالحويفي سبوقه ويطيب كيفك يالحويفي وكيفي=العلم صامل والنوايا صدوقه |
ياذيب وهنيك ترود المراقيب=وليا بغيت تويق تقدر تويقي تأخذ هواك امع السهال العباعيب=وتمشي لحالك لومالك رفيقي مالك هدف ياذيب ولا مطاليب=الا الحلال اليا ضوى للفريقي وترضا على مايقسم الله ياذيب=منته على مافات مثلي شفيقي وانا أتقضب مال كفي مقاضيب=حبلي قصير ولا ينٌجي غريقي في حال ولابحال ليه مقاضيب=كفي مقاضيب" تفك الوثيقي لاكن حادني عداه وزواريب=لوقلت كلمت حق عاقوا طريقي أجامل المبغض اجازيه بالطيب=واصبر على عوجاه كنه شقيقي أجامله حتى أقطع الشك بالريب=واضحك لو ان الضحك ماهو حقيقي ولا انت ياذيب الخلى لك مهاذيب=تأخذ هوى نفسك وكفك طليقي ياذيب وهنيك ترود المراقيب=وليا بغيت تويق تقدر تويقي |
بديت بسم الله عزيز الجلالي=الواحد المعبود رب" عبدناه مذري هبايبها ومنش الخيالي=جميع مابالكون يرجون حسناه وخلاف ذاء ياحسين جاوب سوالي=بلي سمعت وشفت ماعرف معناه عطني حلول المشكله لاتبالي=أنا أترك الموضوع ولا أتبناه وش راي فكرك ياكريم السبالي=في من بعد كشف الحقايق عرفناه عمن لسانه بالمجالس يلالي=ومن سمع قوله قال ياطيب مجناه لوكان مايسواء سمول النعالي=تغتر فيه الناس والأمر لنثاه يشذب رفيقه كان جاله مجالي=ويثني عليه إن حضر ون غاب يشناه هو ما دراء أن الطيب عسر المنالي=ولا كل رجلا" تكسب الطيب يمناه مايكسب الطوله قصير الحبالي=لوكان يملك قاصي الكون ودناه من عافنا عفناه لو كان غالي=ومن لا يدانينا ترانا ماندناه من عافنا لوهو رفيق" أموالي=نبديله البغضاء ولن زعل زدناه ون جاء نهار" فيه طامن وعالي=نارد على العد الروي ماحتريناه ولا ترى الطَيب بعيد المدالي=نعتز فيه ولو غلط ماكرهناه نعطيه حقه بالوفاء والكمالي=ولوكان به عيب" يعيبه كنيناه والخاتمه ياحسين هاذا مقالي=عن ما سمع سمعي وبالعين شفناه |
أنا هوايه طلعة الرجم ياعبيد=مبداه والله صار عندي عباده اسير حب البر ومطارد الصيد=وفي طلعة المرقاب عندي سعاده واحب خوت ناقلين البواريد=اللي لهم بمطارد الصيد عاده واحب دارن سيلها جا تراديد=دارن سقاها الوسم وبله زياده يلقابها القناص بالصيد مايريد=ويلقابها المهموم غاية مراده هذا هواي وكل ما احتاج واريد=يومن كلن بالحياه له اراده |
ياعبيد سوق الجيب ياعبيد سوقه=الجيب سوقه وحفظ الدرب ياعبيد انصا بنا مزنن تلاعج بروقه=تلقى الخباري في سهال الجراهيد يوم الردي ياعبيد تقصر سبوقه=عن طلعة المرقاب والمشي بالبيد عسى الردي ياعبيد ربي يعوقه=عساه مايفلح ولا يكسب الفيد وبعد بناء عن منَ يفتح شدوقه=أهل النفاق مكثرين المناقيد اللي لجاء بالمجلس يقوم سوقه=ويصير شيخ "للرخوم الرعاديد هذا ينافقبه وهذا يعوقه=واللي ينافق عنده يصير له سيد نفسي على شرواه ماهي شفوقه=اللي راعيت البيت تفقتله القيد وصلات ربي عد نون يسوقه=على نبين شيد الحلق تشييد |
سلام ياشبل الأسد بعرينه=سلام تسليم الوفا سر وجهار يامير يازبن الدخيل وعوينه=الله ينجي والدينك من النار أنته سعد طير السعد خابرينه=ذخر الحرار اللي لهم بالوفا أذكار ضد الخصيم اليا لعبه قرينه=كسابت العليا طويلين الأشبار ذخر الملوك أهل الحصون المتينه=في حكمهم نفخر على كل الأقطار يامن على الطولات تسبق يمينه=حلال صعبات المهمات جبار أشكي لكم قلب" تزايد حنينه=على طلوع الرجم في دو الأقفار قلب" تولع من قدايم سنينه=بطرد الولع ماينفعه كثر الأعذار يشفق لدارن للأثر فيه عينه=مع خوة اللي مثلكم شهم وخيار خوة سعد ذخر السعد عارفينه=عوق الخصيم إن كان عمين الأبصار على مديل ألفين مستوردينه=من مصنع اليابان عداده أصفار يرتاح سواقه لصوت المكينه=ليا دق سلفه قبل تشتيت الأفكار يبعد هموم اللي فواده حزينه=دنياه عنده ماسوت ربع دينار هذا هوى قلبي ولاكن وينه=اللي يقرب دار ويبعد اديار ورجل" سواتي ماقدر سد دينه=يصعب عليه أشراه يانسل الأحرار وصلاة ربي عد ماضي سنينه=على النبي بعداد همال الأمطار |
الله يعينك ياجيبي في مشاويرك=نوب" مع القار ونوب" مع الحره كلن يسومك وأنا يالشاص مابيعك=لو زودو بالثمن ماأرخصك بالمره لن صرت ناوي على المقناص بمشيبك=واصُل ديار" لنا يذكربها جره ياسعٌد منهو بتال الليل يسريبك=مع تختخا" راحتي في برده وحره يالشاص يشناك مثبورا" مايدريبك=يسرح ويضوي على بيته كما الذره يشناك خبلا" مايدري عن مواصيلك=ينفخ لهاته وفيه الناس مغتره |
ياناشدن راع الولع والمطاريش=طيور الحجل عنها تنشد أهلها صيدي وعول الضلع وقت المغابيش=أطلع لها بدري بعالي جبلها كانك تنوش عني العلم تنويش=ماني من اللي يقتنص في سهلها وإن كان مالك في تهامه عراميش=دور عن تهامه وتلقى بدلها وبهل المدينه لوتولعت حتى أيش=مايسقي الظميان شوفة ضحلها الحر مثلك ينهظ وينفض الريش=يبدي براس النايفه عن وحلها العلم واضح مايبى العلم تفتيش=مالله خلق نفسن وضيع عملها وأنا أدري أنك من رجال" مداغيش=زيزوم لثقال الحمول وجملها هذا حسب ظني ولاتقول ذا ليش=مايغني الفقران جمعت هللها والخاتمه أعداد وبل الرشاريش=العذر لله ثم لك من زللها |
لا والله ألا شبت النار بالكبد=شبت لهيب النار بين الضلوعي وون ونت من نزل فوقه الحد=حد القصاص وباقيله سبوعي على اللذي ياحسين مايبدي السد=هرجه معي يقطع ضمايه وجوعي أنشهد أنه بين الأضلاع ورد=ورد غرامه بين حدب الضلوعي أتلا العهد ياحسين به قبل مايشد=ولا ضنتي عقب شديده رجوعي ولا لي جداء ياحسين غير التوجد=اليا ذكر ليه حسًين الطبوعي هو اللذي حبه بقلبي تجند=وأصبحت له مرهون من غير طوعي |
ماني على زلت رفيقي شفاوي=أدمح له الزله ولو زل ياحسين يضحك حجاجي له ليا جاء لفاوي=وفزع معه في حزت العسر واللين وصبر على عوجاه لوكان غاوي=وليا تمادى بالخطاء قلت له وين اصير له مثل الطبيب المداوي=واكتب له الجرعات مابين قوسين بالطيب اعالج مخطي الربع واوي=ودراه من زلت لساني عن الشين ومٌاتشافى له جبت المكاوي=اكوي مرض قلبه وبكحله العين وأغليه لونه بعيد ونحاوي=ورفا خماله في حضور المعادين ياحسين ربعي مبعدين الهقاوي=ربعي بني جابر رجوم الشياطين ربعي هل الميقاف بظرب الأهاوي=زبن الدخيل وبالمواقف سلاطين أكفاهم الله من عظيم البلاوي=كسابت العليا من أول وهالحين |
ليا دق هاجوسي مع البر سجيت=ذي منوتي لوقالوا الناس غاوي تبعد هواجيسي ليا مني ابديت=في راس مزموم" طويل" نباوي ويرتاح بالي كان بالرجم عديت=وتبعد هواجيسن لها الصدر حاوي وليا بديت الرجم له قلت ياليت=ليتك تكلم ياخوي الشقاوي كني مريض ليا بديتك تشافيت=يارجم كنك لي طبيبن مداوي اوحيتني يارجم ولا انت ما اوحيت=رد الأجابه ياخوي المخاوي قال أنت همك بالحشاء بانين بيت=وظن همك من عيون النداوي لا عاد ترقابي وأنا منك مليت=ريح ركابك يابعيد الهقاوي كم مرتن عديتبي ماتداويت=حيثن مبدأ الرجم موت الهواوي دور على اللي حي وانته منه ميت=ذكره يجيك مع أسمر الليل ضاوي ثم قلت له يارجم أنا منك ناديت=على وليفن عنه ماني غناوي يزتاد همي كل ما اصبحت وأمسيت=وأصبروانا ماني على الصبر قاوي أسباب من يارجم في حبه أبٌليت=أبلٌيت بلوى قيس وخلي ماياوي صبرت لين أني على الصبر عديت=صبري وصل حده وانا له رجاوي الله يلم الشمل بلي تمنيت=ويجبر عزاء قلب" لقربه شفاوي |
يافيصل ابن حمود قلبي لـه أيـام=يجيه همـه كـل مايظلـم الليـل كلا" ينام وعين صاحبـك ماتنـام=يسري مع الهاجوس ويحط ويشيل بين الرجاء والياس يبني له أخيام=يهـد يبنـي مايجيلـه محاصيـل هذي ثنا عشر عام من غير هالعام=ومن قبلها عشرين جمله وتفصيل اصارع الدنيا وعايـش بالأوهـام=وليا طمعت بعدلهـا زادت الميـل أركض وقول الفوز ابلقـاه بقـدام=واثر عناي مـن الليـال المقابيـل لياقضينـا زام يـبـدي لـنـا زام=شتات فكر وهـم وزودت غرابيـل أحلام ليل وضاع تفسيـر الأحـلام=علت حشاء ماتنكشـف بتحاليـل دنيا تزايد ميلهـا يابـن الأكـرام=لو ساعفت لابد ماتضعـف الحيـل الله يجيرك من صودايـف الأيـام=قامت علينا تسرج الجيش والخيـل الحر فيها يابـن الاجـواد ينظـام=وطير الرخم توفي له الوزن بالكيل والخاتمه بعـداد ذعـذاع الانسـام=أقبل تحياتـي ياذخـر المشاكيـل |
لا ياخـلف قـا لولي الصبر محدود=وأنا صبرت ولا كسبت المثوبه عشرين عام وعشر وايضا بها زود= صابر ولا حصلت غير العقوبه قـام الزمان يسـوقني سوقت الـقود=ليا سـاقها البياع قـدمه جـلوبه وقـتن عليٌه شـأيـل السـيف مجرود=قـام يتحـاني وينـفـخ ذروبه وأنا له أكـابر ولا عنك مجحود=وغليبته فيـها عليه صـعوبه وقتي يبيني عن مسـاعيه مـنشـود=وانا معيي لا أستنع مع دروبه حبل الشـقى من بيننا صار ممـدود=وضيق عليه والعرب مادروبه لاجيت ابسعى قدمي الدرب مسدود=ينطحني بسيفه وقوت جنوبه وزريت لا اطلع يابونايف امردود=وأيـامه الـلي فـايتات محسوبه وأجحد وأكابرله وصابر على الكود=وقـتن سـلوبي ما تلايم سـلـوبـه والخاتمه أعداد ما ذعذع النود=أقبل سلامي والوفاء لك وجوبه |
ياأكحل العينين حبك بقلبي مستكن=بانين تحت ضلوع المحاني شيد البنيان حبك تحت حدب الضلوع=ليت وأنك ترحم القلب ولا تقتله حالوا الحساد بيني و بينك وأنتحيت=وصارت الذكرى عليه حبيبي مشكله لو عذلت القلب عن حبكم ماينعذل=مايطيع القلب لو كل حي" يعذله ليش تنسى اللي مضى وتهجرني ياقطوع=الوفا والود بالهجر ليش تبدله خانك الله كيف تنسى العهد يوم الوداع=والعزيز بحبك اليوم تذللله |
كف الحلاقة
يلي تقول اني ما أعرف المساعير=السكت وقدم لك من الورد باقة البذخ كبه والعياء والمعايير=قدام لا ونسك كف الحلاقة عرفي مقديني واعرف المعابير=واطيب اعشقة في حياتي عشاقة تلقا مع الأجناب ذكري على خير=ولا أنت ماتسوى من الخام طاقة ولا أقول انا عنتر ولا سالم الزير=لاكن فيه للمنافق حماقة أنا ونجري ودلال المباهير=على وجار النار دايم رفاقة وأنا وجيبي والبكار المغاتير=خويا ولو جا فزمان اصطتفاقة وانا خوين لنشاما المناعير=افرح بفعل الطيب ماني علاقة أفرح لياجوني ضيوف ومسايير=وشفق على شوف النشاما شفاقة ورزقي على من عاش عكف المناقي=الواحد الي كلنا له أبفاقة |
الساعة الآن 01:27 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir