مشعل النويمي=
شكيت حالي على القهار = من علتي والذي بية
بالقلب غصةجسم منهار = مدري وش اللي حصل فية
أبو ذياب=
لا يتوه فكرك من الاخطار = ولا تزيد من علتك تيه
وضح لنا ... واكشف الأسرار = اِفتيلك الشرح بعقليه

بمطارنا البارحة ودعته = لأجل يستكمل التعليم
حاولت قدايش ماقنعتـه = وكان مقدرلي التسليم

يابويا قريت كسراتك = وكل كسرة لها معنــــا
مشهود للناس قدراتك = واحناعلى اثرك ماضعنا
وكان رد الوالد رحمه الله=
وصلت الينا تحياتك = مبسوط من قولنا احنا
ياما من اقوالنا فاتك = من جيلنا واللذي معنـا

يازين جلسة مع الاحباب = حلوه جميلة ترد الروح
تلقى المودة والترحــــاب = وتطيب الخاطر المجروح

اللي آمنته على سري = روح وشاعه وزود فيه
ياحسرتي اه ياحري = وش الحكم كيف اقاضيه

سبعة ليالي وسبعة ايام = اصبر واحسب لجيتهم
من عمرنا تنحسب اعوام= مشتاق ياخي لشوفتهم

اه ياشجر سبحي ربك = واهدي ثوابك للمرحوم
اللي غرس بذرتك كبك = حكم القدر واللذي مقسوم

النفس توله عليه اتجن = هو اللي دايم يراضيها
قولو لغيره اروح لمن = وين العواطف الاقيها

ياارض بيضاء مابك شي = ياغالية من اثر احباب
تبقى بقلبي اثرها حي = واللي رحل عننا ماغاب

مشعل النويمي=
ودي اجابة ومصدر صح = من ناس خيرة توافينا
ليه الوفا في زمنا شح = والوضع ماعاد يرضينا
ابوذياب=
خذ الاجابه تهناء ارتاح = من مصدر القلب ياخينا
أعملك (بأصلك) ... ترى ياصاح = الناس أصناف تعمينا
ابن شريف=
الناس في عالم المسرح= يم الطرب والمغنينا
تفكــيرهم كيف كم تربـــح= فيهم نقدم تعـازينا

زمن علينا يلف يدور = جميعنا اقدار بتقوده
ياحظ من جنب المحظور= ودرب التقاهي مقصوده

لي كابتن مسير الرحلات = قابلته اليوم بالدرة
مابين كلمة خذ وهات = عاهدته جية في مرة

ابغى نصيحة تعلمني = القلب كيف انااوصله
المسألة صدق تألمني = بعداللقاشاله واحتله

ياشاغل العمر في عدك = وتجمع المال وتربيه
اصرف بمالك على قدك = وخرج زكاتك بمايرضيه

العمر يمضي علينا يروح = والشيب بانت علاماته
ياهل ترى فالبقايا فسوح = ولا قريبه نهاياته

يادار يللي هجرك اهلك = سابو حنانك وراحوفين
يرحم زمانك من مثلك = لقصوربرحة ولا برجين

نلعب ونلهي ولا بنحس = والكل يمشي على مايريد
يامن درى وش علينا تدس = هي حلااو مرارة تزيد

ياناس مشتاق للغايب = ابغيبته قلبنا ملهود
يجوزعن وصلناتايب = ولا بيرجع لناويعود

ان كان رب العباد يتوب = ويغفر ذنوبا لنا ويرحم
البعض يمسك خطاوعيوب= من السنتها ماتغنم

ياعاصي الرب باللذات = ماشي على غر شيطانك
الحق مايبقى من لحظات = من قبل ماينقضي شانك

لاتخاف ياراضي الوالدين = مادام تسعى برضا امك
اللي عملته يجي بعدين = من صلب ظهرك ولا يهمك

انصحك يامبتلي بالحب =اترك دروب الهوى وارجع
ياما يجرح وفيه الغلب = واللي ابتلا بنارها يوجع

احنا مشينا مع الاخيار = صحبة قوية وندية
جميعهم للوفا مقدار = رفاقة وقت الجدية

ارجوك لاتردني خايب = تلبي دعوتي وتزور
بقدومكم خاطري طايب= ويصبح حالنامسرور

الجو ممطر وشكله لطيف = والقلب سارح فمحبوبه
ودي بهدية مع التغليف = توصل لمن قلبنا صوبه

يافاعل الخير لاتندم = ان كان قصدك وجه الله
اللي لغيره سعي معدم= يبغى وراه العلا والجاه

الصاحب اللي لكم ينصح = يبغى لدرب التقا يهديك
حطه فيمينك هو المربح = واحد بهذا الزمن يكفيك

فرحت وارتاح لوجوده = دعاني وقمت له لبيت
صفالي وعندي شهوده= عشانه كل ذا سويت

بالصبح نسري على الاعمال = لجل نحافظ على العيشه
ماعندنا شي من الاهمال = ومانخلط الشغل بالطيشه

فالليل قبل المنام اقبل = جاني بطيفه وهناني
مثل العطر ريحته وانبل= ياليت يعود حلمنا ثاني

سلام لاهل الوفا وتقدير = بالملتقى نرسل المكتوب
الكل وافي بوصفي جدير= والكل يكتب برقى اسلوب

والله عجب حاضرالايام = ياكل شي فيها بيهول
الحق ليه صاحبه ينلام = عند البشر صار متسول

سلام للملتقى واهله = من صافي القلب والنية
الكل طيب ونرتحله = سجلت وهذا الشرف لية

عانيت من قلبه القاسي = قابل جميلي بالنكران
سقاني المر فى كاسي = ايش السواة معه ياخوان

العيب ماهو قليل الحال = من قل وضعه يزرونه
العيب اللي يجي يحتال = ياكل خويه ويخونه

يللي تجاهر فعصيانك = تفضح ذنوب سترها الله
ثقيلة فحمل ميزانك = وعسرة عند ما تلقاه

اصحابي اللي لهم معروف = فديتهم لو بالغالي
اوقف معاهم باشد ظروف = بالمر معهم وبالحالي

ياعام يللي مودعنا = رايح مودع كعاداتك
ياهل مافيك يسعدنا = ولا المئاسي بسجلاتك

ياقلبي لاتغرك اللمعة = تجري وراها وكلك شوق
كل المعادن مجتمعة = ماتسوى عند الذهب فالسوق

ياصاحبي وصايتي جارك = اوقف معه بالشدايد قوم
اصحك معه فيوم تتعارك = تصفى معك والمحبة تدوم