يالعجمي اللي كل يومينه تغير بالاسم
الاخ سالم العجمي اللعب معك شرف ومكسب يالذيب واستلم لاهنت
يالعجمي اللي كل يومينه تغير بالاسم=يابدر ياسالم يافارس واطبعي يامطبعه الله يستر لاتغير بالقبيله والرقم=ونقول هذا وين دارس واطبعي يامطبعه |
هههههه
اررحب اررحب احمد والشرف لى طال عمرك : :
بس المهم ان العلوم الطيبه تبقي الاهم=ونشد تعلمك المجالس ..وطبعي يامطبعه حنا ليا رحنا وجينا وصفنا مثل العلم=لن كان تاخذك الوساوس.. وطبعي يامطبعه |
الحر والله مايغير بالسلوم وبالقيم =لان كان في راسك تنافس واطبعي يامطبعه والنعم بالعجمان وانته يبيض الشارب نعم=حذرا تجي لسيد عاكس واطبعي يامطبعه |
الله الله
: :
انا احمد الله وشكره فالمرجله ماخذ سهم=واضحك من ارجال الفلايس..وطبعي يامطبعه ياحمد ليقينا صفكم فاخر زمانه منقسم!=فى حرب صفينن!! دسايس.. وطبعي يامطبعه |
مراجلك كثر الاسامي ماهي بطيب وكرم=ارتاح لاتقعد تقابس واطبعي يامطبعه حنا عرب ماهمنا هرج يجينا من عجم=تسبنا ام الزين رايس واطبعي يامطبعه |
الله الله واطبعي يامطبعه
محاوره من الوزن الثقيل صح لسانكم وبيض الله وجيهكم |
يابلشت الفاهم ليا منه لقي اللى مافهم=مسلم يصلى فالكنايس.. وطبعي يامطبعه ان كان ماتعرف مغازيها تريح ونلجم=تكل ام عابس كل يابس .. وطبعي يامطبعه |
اخوي بواردي صح بدنك وجهك ابيض وتسلم على التواجد
|
بواردي حرب مرحبابك وجودك شرف
|
الشاعر العذب احمد الطريسي
الوقت متأخر جداً وحنا شياب :) هات بيتك وان الله اعطانا عمر كملنا باكر |
الله الله
يابلشت المسلم ليا منه لقا عبد الصنم=الله ولابعض الطفايس واطبعي يامطبعه دايم مغازيها على العجمان لاكن انكتم=طلعت وانته كنت خافس واطبعي يامطبعه |
اخوي فارس الحرف الشاعر سالم العجمي تصبح على خير وان الله اعطانا عمر وعافيه الوعد بكره
|
طيب طيب :)
انته سواة النمله اللى يجرها ريح الدسم=لاكن تحّول فالمتارس.. وطبعي يامطبعه اليا زعلت اقضم حصم وليا رضيت اقضم حصم=يا شين فرسات الفرايس .. وطبعي يامطبعه |
وانت من اهله وتراك غالى ههههههه
بس الظاهر لعب الفجر يفجر الغام هههه تصبح على خير يالغالى |
ياليت سالم عن كلام ينكبه هح وسلم= لسيف فيه اليوم غارس واطبعي يامطبعه ياسالم العجمي توقع لايثور ابك اللغم=اصبح على خير وتلايس واطبعي يامطبعه |
تلقى على خير واحسلك لاترجع ههههههههههه
|
بيض الله وجيهكم
ملعبه من وزن ثقيل وألغام الله يستر |
اخوي المحايد وجهك ابيض وتسلم على المرور المشرف
|
احمد الطريسي
سالم العجمي ( فارس الحرف) بيض الله وجيهكم وصحت السنتكم ملعبة رائعة |
ياسلام ياسلام
الأخوان الشعار احمد الطريسي وسالم العجمي ملعبه رااائعه بيض الله وجيهكم ابداااع كبار تقبلوا اجمل التحايا ودمتم بخير |
صح لسان الجميع ،،،
|
|
ترا الامامه للشيوخ اللى تصلي فالحرم=فرق الرخيص امن النفايس.. وطبعي يامطبعه الشاعر العذب احمد الطريسي تشرفت باللعب معك سيدي الكريممره ينوشك حد سيف ومر مطرق من سلّم=والمشكله فاللى متايس .. وطبعي يامطبعه واستبيحك عذراً على اى هفوات ولنا لقاءات متجدده بأذن لك مني وللأخوة الكرام كل محبه واحترام |
اقتباس:
بالله كم صليت مره بالسنه يامحترم= يالطالب اللي بالمدارس واطبعي يامطبعه اخي سالم العجمي فارس الحرف تشرفت باللعب معك وانت استاذ ولا جاء منك الا الوفاء يالوافي وسامحنا اذا جاء قصور بالكلام الدعوى مزح يالغالي تبغى السراحه والله اني واسمن سمحه وسم=لونها قامت ترافس واطبعي يامطبعه واشكر جميع اخواني الاعظاء اللذي شرفونا بمرورهم العطر |
صحت السنتكم
ابداع في ابداع الله يعطيكم العافيه |
صحت السنتكم ياشعار
والله يعطيكم العافيه |
الــحــر والله مـايـغـيـر بـالـسـلـوم وبـالـقـيــم
لان كان في راسك تنافس واطبعي يامطبعه والنعم بالعجمان وانته يبيـض الشـارب نعـم حذرا تجي لسيـد عاكـس واطبعـي يامطبعـه مشاها احمد على العجمي ومشت على احمد واحمد ركب البيت بدون النظر للمعنى حيث انه المتعارف عليه الشارب الابيض هو القط وجهة نظــــــــــر لا اكثر ولا اقل |
اقتباس:
وهالكلام موجه للشباب اللى توهم يتعلمون المحاورات كل من يفسر على كيفه ياعزيز ابيض الشارب يقولونها كبار الشعراء لكبار الشعرا ومعناها طيب يالاخو وارجو ان لا تضع معلومات مغلوطه ويفهمون شبابنا اللى توهم ويسيرون على معلومات ومفاهيم مغلوطه ولو عندك دليل يثبت كلامك ارجو ان تضعه ونستفيد منه اما تأويل فأرجو ان لا تزرع مفاهيم مغلوطه والشعراء الجدد يحتاجون من يوجهم وجهة نظرى وانا اكبر منك بالعمر واعرف اشياء يمكن انت ماتعرفها |
هههههههههههههههههههههه
عصب ساااااالم العجمي حسب فهمي يوم قريت أبيض الشاااارب فسرتها على كبر السن يعني شايب تقبلوا هذه اللقااااااافة ولكم خاااالص التقدير( الشيااااب شواربها بيض ) وهنا السياق سياق تقدير |
صحت السنتكم وبيض الله وجيهكم
|
أحمد الطريسي
صح لسانك .. و بيض الله وجهك .. الحقيقة انت أعجبت الجميع في هذا الصرح الشاااااااامخ فأنت دائماً متألق محاورةٌ و نظم ارجوا لك التوفيق |
فارس الحرف مساء الخير
اول شئ بعض الرجال كبير في السن لاكنه درج ونا اخوك ثانيا ابيض الشارب لو عرف العجمي رد علية بالرد المناسب لان المحاورة فتل ونقض وتصيد للاخطاء وزرع الغام ماهوب طقها ورقها وجهة نظر فقط لا اكثر ولا اقل ابدعتونا شباب |
الساعة الآن 08:06 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir