بين الضلوع الحدب شبت حريقـه=حريقةٍ ماهيـب بمثـل الحرايـق
لو انها ابطت في حشايـا دقيقـه=انهت حياتي والرجا فـي دقايـق
تعبـت ادوٌر بالطرايـق طريقـه=واحتار فكري في جميع الطرايـق
من جور وقتي شلت حملٍ مااطيقه=خدعت نفسي ،، قلت للحمل طايق
اضحك مع العالم وبالصدر ضيقه=ماغير اجامل كن مانيـب ضايـق
البارحه وكلن يسامـر عشيقـه=عديت في ضلعٍ منيـف وموايق
اللًه واكبر كل ما اضقـت اويقـه=اصير رايـق لـو مانيـب رايـق
اكشف عن اسرارٍ بصدري عميقه=مايعلم ابهـا غيـر رب الخلايـق
سجيت افكـر بالسلـوم العريقـه=عقب اصبحت مثل النشب والعوايق
وين الصديق اللي يقف مع صديقه=لا اصبح صديقه فالزمان امتضايق
ووين الرفيق اللي يساند رفيقـه=لا احتاج له في وقفته جاك وايـق
هذا الزمن حتى الشقيق وشقيقـه=متخالفين الراي والفـرق فايـق
مشاعر الاصحاب صارت رقيقـه=كلن على الثاني يعكس الوثايـق
ومايغبن الرجال غيـر الحقيقـه=لا حرفوهـا امحرفيـن الحقايـق
قلته وانا في جوف صدري حريقه=اللٌـه يستـر لاتزيـد الحرايـق
حريقة البارح لـو ابطـت دقيقـه=انهت حياتي والرجا فـي دقايـق

الله الله الله

الشاعر القدير تركي الشيخ

ماذا نقول امام هذا الأبداااااع

بيض الله وجهك

وصح لسانك

ابدااع غير مستغرب من شاعر مثلك

لله درك

تقبل اجمل التحايا

ودمت بخير

المشاركة الأصلية كتبت بواسطة غازي الزغيبي (المشاركة 298075) الشاعر القدير تركي الشيخ اهلا وسهلا ونا لازلت الرهن على موهبتك موهبت شاعر متمكن صح لسانك وشكرا لهذا العطا على صدر هذ المنتدى الذي لايوصف بغيره

المشاركة الأصلية كتبت بواسطة تركي الشيخ (المشاركة 298068) الاعزاء في ملتقى حرب يسرني ان اطرح بين ايديكم قصيده كلي امل ان تحوز على استحسانكم بين الضلوع الحدب شبت حريقـه=حريقةٍ ماهيـب بمثـل الحرايـق لو انها ابطت في حشايـا دقيقـه=انهت حياتي والرجا فـي دقايـق تعبـت ادوٌر بالطرايـق طريقـه=واحتار فكري في جميع الطرايـق من جور وقتي شلت حملٍ مااطيقه=خدعت نفسي ،، قلت للحمل طايق اضحك مع العالم وبالصدر ضيقه=ماغير اجامل كن مانيـب ضايـق البارحه وكلن يسامـر عشيقـه=عديت في ضلعٍ منيـف وموايق اللًه واكبر كل ما اضقـت اويقـه=اصير رايـق لـو مانيـب رايـق اكشف عن اسرارٍ بصدري عميقه=مايعلم ابهـا غيـر رب الخلايـق سجيت افكـر بالسلـوم العريقـه=عقب اصبحت مثل النشب والعوايق وين الصديق اللي يقف مع صديقه=لا اصبح صديقه فالزمان امتضايق ووين الرفيق اللي يساند رفيقـه=لا احتاج له في وقفته جاك وايـق هذا الزمن حتى الشقيق وشقيقـه=متخالفين الراي والفـرق فايـق مشاعر الاصحاب صارت رقيقـه=كلن على الثاني يعكس الوثايـق ومايغبن الرجال غيـر الحقيقـه=لا حرفوهـا امحرفيـن الحقايـق قلته وانا في جوف صدري حريقه=اللٌـه يستـر لاتزيـد الحرايـق حريقة البارح لـو ابطـت دقيقـه=انهت حياتي والرجا فـي دقايـق وسلامتكم

المشاركة الأصلية كتبت بواسطة المحايد (المشاركة 298090) اللًه واكبر كل ما اضقـت اويقـه اصير رايـق لـو مانيـب رايـق شيخ الشعر أو شعر الشيخ كلاهما نقرأه هنا . الكثير من الجمال نثرته هنا بحرفية شاعر متمكن لايجيده نهجه إلا القلة الله على كل شي ء هنا وعلى هذا البيت تحديدا

المشاركة الأصلية كتبت بواسطة القيصر (المشاركة 298109) نعم نعم نعم نحن بصدد موهبه جديده نستطيع ان نقول ان تركي سوف يكون شيخا للشعر في يومن من الايام الله يحفظك ويرعاك ياولدعمي والله العظيم قصيده مطنوخه تليق بشاعرها صح لسانك وبيض الله وجهك وجمل الله حالك وننتظر باحر من الجمر ابدعاتك القادمه