عبر من القلب يا حرفي = عن ما تكنه خفايا الروح
وخذ حبر الأقلام من طرفي = اللي على وجنتي مسفوح

نامت عيون البشر وانا = سهران طرفي مانام الليل
والقلب من كثر ما عانا = كلما انتها ويل يشكي ويل

معنى الأبوه عظيم وهام = والأب يسأل عن ابنائه
يدعي لهم بالصلاح التام = ويكسب محبة احبائه
ويكون قدوه لهم ووسام = وعونا على الوقت واعبائه
ويحقق الله له الأحلام = والكل يحرص على إرضائه

وش ذنبه المرهف الحساس = يحرق فؤاده لهيب الشوق
ويعيش بين الرجا واليأس = يبكي وعينه جرحها الموق

عطرت حرفي بدهن العود = والفل والورد والكادي
ونظمت فيه المعاني عقود = من فيض فكري واعدادي
واهديتها والحنين يزود = لأغلا المحبين وودادي
اللي لهم بالفؤاد وجود = ولا غيرهم ساكن فؤادي

زايد على سابق جروحي = الود جدد عليا جروح
وتعبت بمعالجة روحي = اللي تجنت عليها روح

لي قلب يوم انصحه يعصا = وغصبا ورى رغبته ينساق
ووصلت معي لين حد اقصا = ماعاد فيه جهد ونطاق

راشد الزهراني (المحيط)=
موج المحيطات مثل الطور = ماكل بحار يسريبه
وبحر المعاني وراه بحور = نلقى المثل فيه ونجيبه
امير الكسرة ناصر الحجوري=
ماينكر محيطنا المشهور = إلا مروج اكاذيبه
والشاهد اللي مايشهد زور = ينطق مع الحرف ياذيبه
راشد الزهراني (المحيط)=
مشكور ياصاحبي مشكور = ياعد معروف في طيبه
دايم شهادتك مثل النور = شاعر وقوله نماريبه
شاعر مثل بالمثل مقرور = دايم وهو فوق راقيبه
طيبك سوات العطر منثور = معناك كلن يغنيبه
امير الكسرة ناصر الحجوري=
يامن حروفك سناء بلور =يامحيط لُجة أكاريبه
لبستني ثوب ياغندور = عسى غروري مايدريبه
ياراشد الشعر يادكتور= معناك عذبه مشاريبه
واللي يزيد السرور سرور= رقة كلامك وتهذيبه

ناداك نبض الفؤاد وحن = وانتا ولا تسمع الداعي
سنين راحوا عليه وجن = ونار الوله تحرق اضلاعي

جهد وسهر واجتماع هموم = تكونت كلها ضدي
وانا المعنى وانا المظلوم = في معظم الوقت من ودي
اللي دواما عليا يلوم = والقاه دايم وهو ندي
وانا على مسايره ملزوم = بالحلم والمزح والجدي

نبرة حزن هزة الخافق = اللي عليه الضلوع صفوف
من مصدر إحساس متوافق = عبر عن إحساسي المكفوف

ساعة صفا منك تكفيني = اعيشها مستريح البال
تنعش فؤادي وتحييني = وتجدد الود والآمال

اتصوره في لجين الما= واشرب واصدّر وانا ضامي
وبالشمس والضل والضلما = حتى بمنامي واحلامي

وش تنتظر يا عذاب الود = لما تجنا على روحي
مرات تنزل ومره تشد = وترحل وتترك لي جروحي
كأن هذا الأسى مايسد = اللي حصل ضد مصلوحي
ودايم جروحي عليا تجد =وفي علاجها يطول مشروحي

هاجس من الخوف والحيره = يمر داخل خفايا الروح
كلما يجي للزمن سيره = اللي منه خاطري مجروح

ابو سالم الرحال=
ياراشد الشعر وينك فيه=لك عدة ايام ماشفناك
لاغاب مثلك اخو نبكيه=لإنه يهمنا شرواك
امير الكسرة =
يافاقد الاخ ومناديه = ماحلا جميل الوفاء في نداك
يابيه يمكن ظروف البيه = متساعده يعترض معناك
راشد الزهراني=
شكر ووفا اقدمه واهديه = وانثر عبيره هنا وهناك
للأحمدي عايش يوافيه = راعي المواجيب والادراك
وناصر صديقي عليه اهديه = واقول له ربنا يحماك
يامقدم الطيب وموفيه = تسلم وتسلم لنا يمناك

ماحيلتي غير دمع العين = اللي ذرفته بعد فرقاه
راح الهنا والكلام الزين = من يوم قفا وودعناه

ياليل يوم اذكر الماضي = غصبا عليا اسهرك يا ليل
واشاهده طيف برياضي = حزن وفرح واشتياق وويل

مافيه للماضى عواضى=وماراح ماعاد له تحصيل
والكل فى واقعه راضى=ماله ياراشد عنه تبديل

وين اتجه واتجه لاوين = وانا كثير اتجاهاتي
البعض اشوفه امام العين = والبعض مسجون في ذاتي

احاول انسى الجفا والصد = اللي لقيته من احبابي
واعاتب القلب لما ود = وحتم عليا اشتكي مابي

كيف اكسر الصمت واصرح = وابيح له عن خفايا الذات
والقلب بالحيل متجرح = من كثرة الصد و الآهات

ياليتهم يرحموني يوم = ويجربوا يوم مأساتي
يمكن عليا يخف اللوم = وارتاح من كثرة آهاتي
اللي حرمتني لذيذ النوم = ومن لومهم حطمت ذاتي
وان قلت يكفي اسى ياقوم = زادوا بلايا وحرقاتي

ان كان ربي كتب لي عمر= وحقق الله لي احلامي
لجعل عليك الليالي قمر = وارفعك فالمنزل السامي

مجروح وابكي من الحرمان=واضحك مع الناس واجامل
لا قادر اقدر على النسيان = ولا ني محصل صفا كامل

ياهاجري ليه هجرك طال = واتعبتني وانشغل بالي
ماغير عايش على الآمال = وكثر الهجر متعب احوالي

ياظلم الأيام يكفي جور = ظلمي من الود يكفيني
كلما انتهى دور جالك دور =يخلف عليا موازيني

تفتحي ياورود الود = محلا مناضرك برياضك
وروحي هناها عليها يرد = يوم اشرب الما من احواضك

يامن لكم فالهوى تجريب = وذقتم مراره ولذاته
جرح المحبين كيف يطيب = والقلب مجروح من ذاته

لو ترجمان الدموع يقول = ويبيح لك سدي الخافي
ماكان هجرك عليا يطول = ويسير ودك معي صافي

اطوع الحرف بيديه = وارسم عذابي على اوراقي
ومكتوب فحواه في طيه = يحمل لك الود واشواقي
مشاعر الود بي حيه = تنساب من نبعها الناقي
رغم ان ودي طفى ضيه = وخيم ضلامه على اعماقي

دقات قلبي لها رجاف = بالذات لما عليك اشتاق
والشوق بيا خياله طاف = وزلزل فؤادي من الأعماق

قلنا زمان الجهل ولىَ = وعصر الظلام انجلى بالنور
واللي بهم جهلهم ضلا = باقين في الجانب المغمور

اللي معي طول غيابه = يوم اذكره ماعليه لوم
الطرف ماتغفي اهدابه = من يوم قفى لهذا اليوم

واروحي اللي لهايبها =ماتنطفي في نهار وليل
قلبي تعب من سبايبها = ومنها يعاني عذاب وويل

آه الذي خيب ضوني =واتعب فؤادي جزى المعروف
ويحجب الوصل من دوني = ويصدني والعيون تشوف

شمس الأمل لشرقت غابت = ويبدي لها شروق بعد غروب
وقلوبنا مالهجر ذابت= ولا حصل طبها المطلوب

تجاهل إني جسد ولسان = وسار يقسى على قلبي
انا اتعامل معه بحسان = والقاه دايم معي سلبي

لا تجرحون الفؤاد الخصب =اللي به احساس وعذوبه
الود ماينكسب بالغصب = ولا يكون والروح مغصوبه

الله على كل شي محيط = وكل خافي عنه يدري
وراعي المكر لو عمل تخطيط = عمايله تنكشف بدري
عليه من خالقه تسليط = وحالته دوم في حدري
ماله تحيه ولا تقليط = ولا ينشرح له ابد صدري