طير الفرح بالخفوق يحوم=ارسل لقلبي تباشيره
يقول ولفك لفانا اليوم= نور حضوره. على الديره

تسلل الود بالاعماق= واستحكم الكل مافيني
واصبح فراق الغلا مايطاق=كيف انزعه. من شراييني

ماينفع القول والتلميح=خذ الحقيقة على الواقع

الوضع يحتاج له تصحيح=قدام اسميك بالقاطع

بين العنا وزدحام الهم=ومصارعة وقتي الجاير

القاه واحة نخيل ويم=غلاك للروح يامكابر

سار الجدي وقتفاه سهيل=لمخاطبة. نجمة الشعراء
غصن الهوى وين دوم يميل؟=قالت لمن هو على قدرا

الله ياقسوة الايام=متفرده بالشقى فيني
اعوام راحت وراها اعوام=وانتي من المر تسقيني

ليه البطى. يا اقرب الخلان=ماحن قلبك المضنونه.؟!!
في شاطي الهم والحرمان=خليتها الروح مسجونه

ضيقة تفج النحر وتزور=قلبي وتلعب على اعصابي

لجله توفى الفرح مغدور=في يوم ماكان بحسابي

تقول يا اهل الهوى عذرا=ماني بليلى ولاهو قيس
اللي بخافي خفاه ادرا=ماينعطى. بالموده فيس

ماتدري انك بعد ماغبت=مات الامل داخل حساسي

مافرق الاربعاء والسبت=تبلد القلب ياقاسي