ياكيف بسلا عن الغالي=اللي له الروح خضاعه
اسج ويمر في بالي=وتذكره واعشق اطباعه
ياعاذلي مالك ومالي=نار الغلا في ولاعه

درقتني با الهوا درقا=حطيت با القلب ماريه
انصحك حاول معي ترقا=وبني لك اقصور عاجيه

يامر الايام جنبني=الصبر ماني بقاويته
غلاه با لود جاذبني=وأنا على موعده جيته

الشعر ماكنت متقنته= اخر مجالي ثمان بيوت
في ملتقى حرب حبيته= ونقيت درة من الياقوت
في فضل دعمً تلقيته = كلً يقول الخطا لايفوت
تشجيع تقدير لاقيته =مني لهم شكر با اعلى صوت

احيان ودي اموت اليوم=واحيان ودي بعد بكره
اعيش حالة قهر مظلوم=لولا الغلا مت في سكره

اليوم بكتب تقاريري= وبستلم باقي الاوراق
يارب فيديك تدبيري=ماكنت عاصي ولاسراق

يكفي حكي يا معاديني=عساه يجيك مجاني
صبرت له كامل اسنيني= واليوم با الشر يجزاني

تضحك ومبسوط يا هاذا= اتحسب علومك تسليني


با الله قلي على ماذا=عقب الذي شافته عيني

درقتني با الهوا درقا=حطيت با القلب ماريه
انصحك حاول معي ترقا=وبني لك اقصور عاجيه

اليوم عندي سعادة غير =شمس الضحى بان مشرقها
ريحت عقلي من التفكير= وسعا دتي هل بارقها