![]() |
مع الشاعر ابوبتال نعيم السيد , .
ابوبتال= سلام صافي صفاة الخد=الي عن الشمس واقينه قلبي ( قرنبع ) يحب الورد=والشوك متلف شرايينه ابوفرح= ترحيب واصحى معي للرد = حتى اختصر درب ماشينه مافاالقرنبع احد بيلد = يااللي لنا الحال شاكينه ابوبتال= جيتك تعاون لقيتك ضد=وقلبي تركته لكاوينه احسبك تحسب حساب الود=محسبك ترمي مودينه ابوفرح= حسابها كاش وقت الجد = مانجامل انسان مغلينه واللي طموحه تعدى الحد = لايحسبنا معادينه ابوبتال= بنيان الاحـباب ما يـنهد=اللي على الطيب بانينه خلك معي فالطريق وسـد = لا تزيد بله على الطينه ابوفـرح= ساسٍ بنيناه يد بيد = ماني مزكي مضامينه يااللي عن الحق دوم تصد = ولاتعالج الوضع في حينه المسأله ماتجي باالعند = خل الزهر في بساتينه لملم قرايضك عنه وشد = لاتزعل اللي حوالينه |
كم يحضن الليل من باكين = ضاقت باالآفاق شكواهم عاشوا حيارى ومحتارين = ماجمّل الوقت مسعاهم |
شوقي ظما 00 واللظى يصلى = لهفة خفوق اللذي يهواك مدري معاك العمر يحلى = والا الشقى انكتب وياك |
الحب احساس ماله وصف = مع كل نبضه له حكايه يقصف جميع المشاعر قصف = حتى تحقق له الغايه |
سرور البشري= ســــلام للمـسـتـشـار الــقــار= وســم الـوفـاء فـيــه مـاريــة صمعرت ياصاحبي لك نار= ولاتـنـطـفــي نــاركـــم حــيـــة ابوفــرح= ترحيب واسمع من البيطار = جابـة عـلـى ســاس مبنـيـة صمعـرتـهـا نــــار لـلأخـيــار = والـمـلـعـبـة مـــعـــك نـــاريـــة سرور= الجيزة اللي على المسيار = عـقـودهــا عــنــك مـخـفـيــة دارت رحاها علـى التجـار = رغمـا"عـن الأنــف جبـريـة ابوفــرح= ياسرور ماحـارت الافكـار= لــو البـشـر تصـلـح النـيـة صحيح ماتنعمى الابصار = تعـمـى القـلـوب الشقـاويـة |
ابـــــــــــــــــــــــوفــــــــــــــــــــــــرح = وش للمعنّـا عـلاج وطــب = يرضيـبـهـا قـلــب متـلـهـف لاسار عند الحبيب الحب = كذبـه واحـسـاس متخـلـف آراء الخبراء= هـــــــــمـــــــــس الــــــقــــــوافــــــي = سالت . وانصحك تدرا القلب = قـــــــدام يــــاخــــوي لايــتـــلـــف مـــــادام مــالـــه فــحــبــك درب = شوف الذي فالهوا منصـف* حـــــفــــــيــــــد الــــحــــجـــــيـــــري = مــا قــول مـالــك دوا يالـقـلـب = لكـن عـلـى حـسْـبْ ؛ يتـوقـف زيــده مشـاعـر و زيــده قــرب = يمكن على الحـب مـا أتولـف ولــــــــــيــــــــــف الـــــــطـــــــيـــــــر = قــــدام جـهـلــه يــدمـــر قــلـــب = وتــدمــيــرة الــقــلــب بـتـكــلــف حبـه فـي قلبـك لاعــاد يـطـب = لاصـــار قـلـبــه كــــذا مـغـلــف قيصر الحرف = يا من سلكت الطريق الصعب=وقلبك عشق ود متطرف الحل تقلب حياته قلب=ومبادئك فيه تتألف راسم مشاعر= قـولـه بــلا حــب. بـطــل كـــذب = علـى ايـش هـذا الاســى يـدلـف و أركان ساس المحبه ( محب = وحبيب ) في الحب مستعـرف احمد الغانمي= دامه سكن في ضمير الصب=وإمسى مع الوقت متولّف حاول تغير قناعة قلب=وإشري هوى الروح لو كلّف الداهيه= الحل واضح وماهو صعب = مادامه القلب متوذلف يحتاج له الوضع فركة كعب = لسوق الذهب والذهب يبلف بخيتان البشري= جلسات متخصصة 0 وكّتُب = فـيـهـا الــوّلــه درس مـتـكـلـف يمـكـن لجهـلـه عــلاج تّـطُــب = او تكتـشـف عـقــل مُتـصـلِّـف |
ابوفـرح= سـلام مثـل العسـل ينـسـاب = مــع صـافي الهيل والبنا لـلي بـلا عـذر او اسـباب = غـابوا ولا كـنهـم منا يااصحابنا فا البريد خطاب = يـالـيـتكم تـسألوا عنا حنا عـلـى عهدكم احـباب = ولا هـنتوا انكاننا هنا جباره العروي= يامر حـبا والنفوس طياب = فاالصاحـب الى يعاتبنا وافى وللطـيبه كسـاب = ونكن لك مــل مـاتـكــنــا عاتبتنا معاتب الأصـحاب = وحـنا رضيناه ماازعـلنا مفروض نسأل عن الى غاب = وعـليه نــكثر تـسـائلنا |
ابوفـــرح= قـلـبـي عـلـيّـه يـزيــد الــهــم = كـل مانـصـيـتـه يـفـشـلـنـي وان قلت اسمع يقول انطم = مـابـغــاك حــتـــى تـكـلـمـنـي ماهر ابوخالد= تــبــغــى فــؤادك يــقلـك سـم = خلـك مـع الوضــع مـتأني واحساسك اللي فمجرى الدم = راعــيــه وتعيش متهني |
بــيان الـصـــمـت = طاح الذهب من خبايا السوق = مــع نـــاس ما تـعــرف عـياره غابـت أصـولـه وغــاب الــذوق = فــحــضـور أهــلـه وتـجاره ابـــوفـرح = مـاطــاح بـاقي مـكانه فـوق = عــنـد اللذي صان مــقـداره عـلـى اصـولـه يـسـوقـه سـوق = اهـله ولاترخص اسـعاره بيـان الـصـمـت = بـيــن الـبـشـر فالـعـلـوم فـروق = واللـي على القـد مـنظاره عنـهـم عـيـار الـذهـب مــدروق = وراع الصـفـر زاد مــســعـاره ابــوفـرح = لاشـــك راع الـبـصــر مـحـقــوق = لاطـــاوع الدون بــافكـاره واللـي علـى المـركـز المـرمـوق = مــايـغُـره اللون وشـعـاره بيان الصمت = بالـعـهـد راع الـبـصـر موثوق = والــغــش بــاني على اقـراره والمـركـز امـسـى علـيـه بروق = تـخـلــط لـه الـبــنج بـجهاره ابوفـــرح= يافيلسوف المعاني روق = سوق الغلا مانطفت ناره في مسأله كرتها محروق = لاتشن غاره ورا غاره خل الامانات في صندوق = في داره ماتُحجب انواره ماينول منه ولا مخلوق = مدامنا ساس لجداره |
الطيـب لـه شـمـس ماتُحـجـب = مـالـك بـها عـلـم ودرايـه واخـطـاءك اللي لها نعجـب = فيـهـا استـمـع اصــدق روايه طشيتـهـا فـي غـياهـب جـب = وعـديــتـها لـك بــرضـايـه وان شفت انا الامر يستوجب = حـطـيــت لـك حــد ونـهـايـه |
من خبرتي فالحياة اقول = دنيا تقلب كما الكورة حاور وناور وسجل قول = تحطك الناس فاالصورة |
نبضي ألم والحروف احساس = تسعر في قلبي لهايبها آنا الذي من اساي الناس = هانت عليها مصايبها |
بدون نقاط
. .
ماهل دمع المود ألا = لما رأى للهوى اطلال كل ماعطر دارها هلّا = رده هواها ودمعه سال |
عزاااه ياكسرة الخاطر = وش يعدل الحال ويسويه لاسار دمع الأسى حادر = في وقت قل الموافا فيه |
ابو بتال= ســــــلام تـسـلـيـمــة الاســــــلام = حسب الشريعة على الملـه اعـــداد مـــا هـبــت الانــســام = واعــداد عـطـر الـزهـر كـلــه ابـو فـرح= ترحيـب يـا عــازف الانـغـام = اقـلـط عـلـى الـكـيـف والـدلــه ايــــام راحــــت وجــــات ايــــام = والــقــلــب شــــــرواك مـحـتــلــه ابو بتال= ذبـحـنــي الـــــي عـلــيــه لــثـــام = ابــــــوه لا ابــــــوه مـــــــن قـــلــــه يـرسـل عـلـي الـغــرام اكـــوام = وانــــــا تــلــوعــت مــــــن دلـــــــه ابـو فـرح= اعتب علـى طرفـك الحـوام = الــلـــي مـــــن الــعـــام يـرســلــه من بعد جته المنايا سهام = مــا ينفـعـه سـيــف لـــو سـلــه ابو بتال= عـنـيـد راســـي واشــــد حــــزام = والـلـغـز فالـعـيـن مـــن حــلــه يــرمــي سـهـومــه ولا يــنـــلام = والــمــدعــي يـــونـــس الــعــلـــه ابـو فـرح= لو كنت ماشي معه بنظام = لـغـزه فـالأعـيـان تـفـطـن لـــه لكـن تـدربـى ورى الاحــلام = والـريــق الاحـــلام مـــا تـبـلــه ابو بتال= آنا السبب عشت فالأوهـام = ومنيـت قلبـي عـلـى وصـلـه والآن يـــــا قــاضـــي الـفــهــام = وش ظــنـــك الـقــلــب بـنـقــلــه ابـو فـرح= قــلــه كـفـايــه من الاســقـــام = يـا قلـب خـل الغضـي خـلـه مـــــا نــابـــك إلا قــهـــر والآم = ولا عـــاد لـــك دمـــع وتـهـلــه |
بخيتان = ســـلام يـابـوفـرح مـاتـهـون = في نون عين الذي مبديه ياللـي تمـد الـوفـا عـربـون = للي معك دوم يمشـي فيـه ابوفرح = ترحيب مثل الذهب مصيون = بالصاحب اللي كثير اغليـه اهـل النقـا عـنـك مايـزيـدون = والطـيـب مـثـلـك تـــرا راعـيــه بخيتان = عندي على النايفة تبقـون = ياصاحـبـي والـوفـا مـحـريـه وابغى الافادات منك يجون = علـى حـسـب لــك مانـرويـه ابوفرح = تسلـم وحنـا علـى القانـون = نمشي ومنهـو سـأل نفتيـه مانخيّب الظن مهما يكون = واللـي معـه عـلـم لايخفـيـه بخيتان = يـابـو فـــرح كـــل مايـجـنـون = منا السعد 0 والشقا نجنيه صار الامـل جُـزء فالمليـون = واليأس فـي خافقـي طاويـه وفـيـمــا نـعـانـيـه مــايــدرون = واصعب علينا نُصل ونجيه يامـن علـى القـن وتفـيـدون = جـرح الزمـن كيـف ونـداويـه ابوفرح = باالعون يامن لنا تشكون = ماني عليك الاسى راضيه وحتى من الهم ترتاحون = لو الأمل جزء لاتخليه اسعى ولو كان مايوفون = مكاسب الطيب في تاليه واعلم اذا للزمان طعون = لك رب جرح الزمن يشفيه |
عندي أمل فيك .. يابكره = تمحي بقايا جروح الأمس وقلوب حبت ولاتكره = تشرق لها من جديد الشمس |
بالعون ياالمبسم الوردي = ماهو عليك الزعل لايق حلاتك تروق وتهدي = بضحكتك كل متضايق |
ما أحلى الأمل لا اشرقت شمسه = وعـــــوّد ربــيـــع الـعــمــر يــخــتــال فـــي جـــو مــعــك اكـتـمــل أُنــســه = بــعــيـــد عـــــــن عـــالــــم الـــعــــزال |
ابـــــــوفـــــــــــــرح = انـصـى هــل المعـرفـه وانـشـد= غير الصبر وش يفيد علاج مُــكــره أتــــى لـلـعـواتـي ضــــد = فــي بـحـر مـتـلاطـم الأمـــواج بــــخــــيــــتــان الـــــبــشـــري = الـنـاشـد لـكــرب بــعــد اشــتــد = غـيـر الصـبـر يطـلـب الـفـراج دامــه عـلـى امواجـهـا منـحـد = يصمـد لهـا لـو تجيـه افــواج عــــلــي عــــيــد الـــبـــشـــري = يـامـن بـــدال الـصـبـر تـنـشـد = وتبغـى الافـاده تجـي بـافـراج مــن لايطـيـق الـصـبـر يـبـعـد = ولا يعـرض النفـس لـلأحـراج مــــــعـــتـــق الـــــــحــــرف = يـــــروح ويـشـوفـلــه مــســجــد = لــه رب مــا يـحـرم المحـتـاج الـمُــكــره أقـــــرب إذا يــســجــد = ولــح بـدعـائـه لـقــى مـخــراج ولــيــــف الـــشــــوق = لاعــــاد يــابــو فــــرح تـنــشــد = غيرالـصـبـر مـالـكــم مــخــراج بالـصـبـر رب الــمــلا يـسـعــد = ويــبـــدل الــحـــال بـــاالافـــراج |
ســـؤاال 000؟
ياحاوي القول لاترمز = لاسار واضح لكم معناي ايران لاقفلت هرمز = وش يُوصل النفط للشراي |
عـــــــــــــــاشــــــــــت . .
عاشت في رجوى الآمال قلوب= مــتــأمــلــه نــــايــــض الـــبـــرقـــا فــي بعضـهـا كــل يـــوم تـــذوب= مــــاودهــــا طـــــــــاري الـــفـــرقـــا |
يوم اتأمل ويوم اشوف = في بعض الاحوال وافكر ماهي على طبعها المألوف = كلن لها سار متنكر |
بدع ورد مع الشاعر وليف الشوق . . ابوفـــــرح
سجل عليك الرقيب غياب = تـجـاوز الـحـد والمـسـمـوح امـا توضـح لـنـا الأسـبـاب = والا لحقـنـاك ويـــن تـــروح وليف الشوق
العـذر يبقـى مــع الـلـي غــاب = وعندي لضرب الغياب شروح مرخـوص مـن ريــس الكـتـاب = ان جـــيـــت ولا بــغــيــت اروح |
مع القدير تركي البشري . . ابوفـــــرح
قلـت اغتنمهـا معـك فرصـه =واسـألــك مـادمــت مـتـواجــد خالك علي من كثر حرصه = اســبــوع عــنــا وهــــو راقــــد تركي البشري
بعد انتعش سوقهـا البرصـه = أخضـر سهمهـا و فالصاعـد وخالي علي مانحرق قرصه = يـابـو فــرح و الـهـدف واحـــد |
ابوفرح= سلام ياابومنى واسمع = نبرة صدى الصوت للمشتاق منها عيون الشقي تدمع = وادمى لضى شوقها الخفاق وليف الشوق= يامرحبا بحرفك الممتع = حرك شجوني من الاعماق وماظن غير الوصل ينفع = يطفي لهب حرقةالاشواق |
بخيتان= ســــلام ريــانــه اغـصـانــه = طيب و وفا والصفا معروف غـنـابـهـا عــــاج بـلـسـانـه = قوم استمع للحـون وشـوف ابوفرح= اهلاَ بمن دن عيجانه = وسطرلنا فالمعاني حروف نصغي له السمع .. والحانه = لابد فيها التعب مخلوف بخيتان= بـعد الـمـثـل قـر ميزانه = معناه واجب يجي مكلـوف بـعـطيك مـفـتاح عـنـوانه = اللي معي داخل المظروف ابوفـرح= القيل ساسه واركانه = حنا ولاحنا عليه ضيوف فقده ونقده وتبيانه = مثل الذهب عندنا مصروف بخيتان البشري = الـلي جـمع فُـرقــة اخـوانـه = لـولا حمتهـا الكتـوف كتوف رمـى عـلى غـيـر نـيـشـانـه = وخلا جيوش الملام صفوف ابوفـــرح= الحر في حقوق خويانه = مايغر عن دربه المألوف عقله يقديه .. وان خانه = يشيل وزر الخطا مردوف بخيتان = راســـه نـشــب بـيــن كـرعـانــه = الـلـي علـيـه العـلـوم تـطــوف فــي سـايــر الـعــرف واقـنـانـه = حكمك فصل للملأ مكشوف ابوفـــرح= الحكم لله سبحانه = والعاصيه ريشها منتوف اما الخطا تعدل اوزانه = والا ترا ماعليها حسوف |
بخيتان البشري = سلام راعيه تال الليل = جاكم عساكم تفيدونه قلبه شكى لين ذاق الويل = من كثر ماشافت عيونه ابوفــرح = فاحت دلال الكرم بالهيل = ترحيب باللي يغنونه قافٍ حروفه تهد الحيل = نبغى افادة بمضمونه بخيتان البشري = بيني وبينه مـسافة ميل = فرحي 0 والاحزان مـن دونـه حيلي غِلب بين صبر وشيل = والحـظ مـاشـي عـلى هـونه ابوفـــرح = دون الاماني يحول السيل = ماهي على ماتريدونه واجب لها تسرجون الخيل = حتى طلبكم تنولونه بخيتان البشري = اسرجت خيلي وزدت الكيـل = ولا كَل عـزمي ومـخـزونه كيف الامل ينتعش 0والميل = من جور الايام يـحـدونه ابوفــرح = انته من رجالها العُقيل = والعلم عنها تجيبونه لاسار ماللعطا ياسهيل = تقدير منهم تلاقونه فالحال حث الخطا وشعيل = شدوا حموله على متونه ماللأمل في رُبى الجهيّل = من طلع حتى تحرونه |
على الظما عودوني ليه = وانا سقيت الوفا دمعي واللي لهم خير متمنيه = طفوا فليل الفرح شمعي |
تحضن عيون المود الشوك = فدوه لمنهو سكن فيها دامه عليه الهدب مصكوك = ترضى لو الشوك يعميها |
وليف الشوق = سلام لهل الوفا منبع = أغلا من الدر والياقوت للي بهم فاالوفا نطمع = طيب الوفاساسهم مثبوت ياابو فرح ياخوي اسمع = فااللي غدابه زمانه شتوت عيت جميع الطرق تنفع = خايف عليه ينفجر ويموت ابوفرح= ترحيب يامن لنا ابدع = وسطرلنا فالمعاني بيوت واجب معك ياخوي افزع = واقول ابشر بعال الصوت من جور الايام لاتجزع = للمحتسب اجره المثبوت والنور لابد مايشعشع = وتقضي اجازتك في بيروت |
مع الشاعر ولد الساحل . .
ابو فرح = نبغالنا في رياض القيل = جوله بعد ما تلاقينا منهاجها العز والتكميل = وانتاجها غرس ليدينا ولد الساحل = لي الشرف معك يالحلحيل = اقطف زهور البساتينا نمشي طريق الصفا مانميل = حتى تحقق امانينا ابو فرح = جانا الخبر في شهر ابريل = وحنا فرحنا وغنينا لا كنه الدمع غصب يسيل = كل مالتفتنا حوالينا ولد الساحل = ايام واخبارها كالفيل = من كبرها يوم تلفينا اصبر ورب العباد يزيل = عنا العنا ان كان توحينا ابو فرح = الصبر لاوين فيه نشيل = ومعروفنا فيه مايبينا اجيال راحت وجانا جيل = وحنا لا رحنا ولا جينا ولد الساحل = ماللأمر ياخوي تبديل = الله يصبرك ويعينا لا بد ماترتعد وتخيل = والله من الخير يسقينا ابو فرح = وفيت واشعلت لي قنديل = في ليل ادلج يسلينا والباب بنقفله تقفيل = حتى يجي امر بارينا ولد الساحل = الحمدلله في شط النيل = رسيت سفينة دعاوينا والحق في محكم التنزيل = ماظل من يتبعه فينا |
ماصك باب الرجا محروم = يداعبه فالمنام الطيف واحساس عايش معه لليوم = ماخالطه فالمشاعر زيف صابر لو ان الأمل معدوم = في طلتك ياسحاب الصيف اقلها يشوف زولك دوم = لامر بين المحاني ضيف |
مع الشاعر على عيد البشري , ,
ابوفرح= على هداوه وقرت بال = وزنت قافي ومحرافي واقول في طالع الاقوال = سلام يالشاعر الوافي ابوعيد= مع راحت البال واسعد حال = نبغى المثل من فكر صافي منك احتري اعذب الامثال = ترحيب لاهل الوفا ضافي ابوفرح= حام النظر في سهل وجبال = ورده لمبداه ماشافي ذا وقت فيه الحمول ثقال = ولاهو عليك الامر خافي ابوعيد= بعد النظر ماراء الاهوال = عن واقعه سار بخلافي دايم0 لثقل الحمول رجال = مايثمنه غير عرافي ابوفرح= الجمه اللي على المدهال = غثرب صفى عدها السافي اللي وردها بدون حبال = وش رايكم فيه ياسنافي ابوعيد= لنّ كان جمه على منهال = لو وردها عذب ينعافي مثل الذي ينزل المسيال = ولاحسب حساب ياكافي ابوفرح= ماهي عوايدك يالنبال = تشت في رمي الاهدافي عطني حكم ماعليه جدال = لاتجيب لي قول شفافي ابوعيد= من عادتي اوفي المكيال = ماحيد عن نهج الاسلافي والحكم فاللي ورد فالحال = يفصّل له الراس سيافي |
للمفردة حق ,,
للمفردة حق فاالتجديد = للي فاالامثال مستقدي مايطرق اللي مضى ويعيد = ويضيع الوقت والجهدي |
يادروب طالت مسافاتك = تستدرجين الخُطا لاوين تهنا في رجوى متاهاتك = واحوالنا ماتسر العين |
ياغافيات الهدب .. أصحن = الوقت هذا حسابه صعب فيه الرحى دايرة تطحن = كم حطمت من ارادة شعب |
وليف الشوق= يابوفرح ياجويد الساس = لك منزلٍ عالياً قدره هات المثل ياصليب الراس = مع مثلكم نكسب الخبره ابوفرح= نفاع ياالمعدن الالماس= عاجز يقدم لكم شكره ولا غيركم للبحرغطاس = ياشاعرن راقيا فكره وليف الشوق= اليوم كيف انقذ الاحساس = بعد انتها ياخوي صبره خلاً على الوصل حد امواس = وانا الجفا منه ماخبره ابو فرح= المسأله وضعها حساس = والكسر لابد من جبره صاحبك اسقه عسل في كاس = وأسأل عن اللي قصر شبره وليف الشوق= ماللوفا عندنا مقياس = في قلوبنا معتلي ذكره فجأه بلا اسباب ياقرناس = اقفى ولا قدمه عذره ابوفرح= ما قول الاعسى ماباس = ماصابكم خير لاتكره ايامنا تقرع الاجراس = والمتعظ ياخذالعبره لاتشغل الفكر والهوجاس = فااللي بيده حفر قبره احرق كروته وقل للناس = هذا جزا ناكرالعشره |
مع الشاعر القدير عبدالعزيز الزويهري
ابوفرح= باالله ياساكـن الافـلاج = ياصافي العـد والمنبـع نبغى معك فالمعاني عاج = اصحابنا فيـه تستمتـع عبدالعزيز الزويهري= يا طيّب السـاس و المنهـاج = هـذا اللُقـا غايـة المطمـع و أرفع لك الصوت في الانتاج = حتـى المـلا كلهـا تسمـع ابوفرح= وافي عرفناك مايحتـاج = استاذ عند الطلب تفـزع الحق كلمه مافيها احراج = والمشتكى بعدها يتبـع عبدالعزيز الزويهري= عطني الإشارة من الأبراج = الحق كلمة لهـا مرجـع لو كان لو كان فيه سيـاج = ما نقول عن قولها نرجـع ابوفرح= حالت مابين القلوب امواج = خلت عيون الشقي تدمـع واللي من اول عليه التاج = اليوم حاله غـدا يفجـع عبدالعزيز الزويهري= اللي بصوت المآسي لاج = من مغرب الشمس للمطلع يلزمه يبقى كما الميـراج = ما دام نور الأمل يجمـع ابوفرح= مابان لي فالظلام سراج = حتى نجوم الفرح تسطع ولابان مدخل ولامخراج = لجل اتقنع منـه واقنـع عبدالعزيز الزويهري= ما فيـه علـة بـدون عـلاج = ياللي مـن معالجـك تجـزع شوف السبب و احسن الإخراج = حتى النتيجـة معـك تطلـع |
مع الشاعر القدير السينات . .
ابو فرح= على الركايب وظهر الخيل=اسـرجــت لأهـــل الـوفــا رده تقطـع فيـافـي وتـسـري لـيـل=مرسالهـا خـاص مـن جــده السينات= فاحـت دلال الـوفـا بالهـيـل=مــن حولـهـا كـامــل الـعــدة محماسـهـا رحَّـــب بتهـلـيـل=وصوت النجر رحَّب بشدة ابوفـــرح= ظني بهم يعدلون الميل = ولازادوا الا الأمر شده من بعد غاب الجدي وسهيل = ماشفت حماي للسده السينات= لو صافية نية التعديل=ما كان زاد الامر حِدَّة لكن غياب القوي اللي يشيل=ميلات زاد العُقد عُقدة |
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() الساعة الآن 11:43 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir