|
الحـق لايمكـن نسيبـه=قـدام لاناخـذه نعطيـه واللي تكسّـر مجاديفـه=في بحرنا ليش يسبح فيه والله لا ازيده وماويلـه=كلٍ ولـه عقلـه يقديـه هذي بدايـة مضامينـه=واللي غفل لازم نصحيه |
ليه قضية لها يوميـن=فالمحكمة تنتظر قاضي ياكاتب العدل قلي وين=مليانها غَرّق الفاضي |
إبن وازن= رميةّ بخيتان بسلاحـه=فيه الوفا والكرم والطيب وصلت معانيك فمراحـه=واتعقلة من اخوك الذيب بخيتان= القفـل مقيـاس مفتاحـه=والآولة قسمنـا ماتغيـب تاجر وحاسب على أرباحه=وليل المراسل فودّ وجيب إبن وازن= ياعاقد العـزم فصلاحـه=للى اشتكتلك من التخريب جينا على العز ووشاحـه=حتي يقر العـدو وينيـب بخيتان= نسعى سوى نعالج جراحه=وبوجودكم الجروح تطيب ماهمنا أصـوات نباحـه=نبعد عن المخطيه ونصيب |
مثلتك أيوب في صبره = وتوجت ذاك الصبر بالصمت ماتسكن عيونك العبره = إلا عليّه إذا تألمت |
ياكم فالودّ من مظلوم = ماحصل إنصاف في شكواه حاكم ومن يعرفه محكوم = قاضيه لو يدعي قاضاه |
خالد بن عبيد ألأحمدي= سـلام كنـه عسـل جـردان=حالـي ولـه سعـره الغالـي صادر ومخصـوص لبخيتـان=صاحب ولا غاب عـن بالـي بخيتـان البشـري= ترحيب يـازن جبـل ورقـان=يتبعـك فقـفـاي واقبـالـي يالأحمـدي يارفيـع الشـان=مقداركـم عنـدنـا عـالـي خالد بن عبيد ألأحمدي= في طيبكـم تشهـد العربـان=قالـوا بشـر قـول وافعالـي هيا استمع مشتكـى شقيـان=صابه مـن الوقـت غربالـي بخيتـان البشـري= صـادق ولاتكـذب الأعيـان=ونّعـدّل الحـمـل لا مـالـي يامن بكـم يرجـح الميـزان=عطنـا التفاصيـل طـوالـي خالد بن عبيد ألأحمدي= لي خـل ماجيتـه بنقصـان=ويمشي معـي نهـج بطالـي محـد ٍ ذكـر زينـه الفتـان=لا فـي سومطـره ولا بالـي بخيتـان البشـري= غلطـان ياصاحبـي غلطـان=بطّـال يرخصـك يالغـالـي لا يغركـم حالـي الأوجـان=ويبيعكـم سَــوم بريـالـي |
مجنون ليلى عشق ليلى =و الحزن عاشق لناوالهم ماذكر عرفنا الفرح ليلى =الهم عايش بنا في هم |
|
وليف الشوق = مادام هلت ليالي العيد = ودي بشاعر يجارينا اللي فجزل المعاني يفيد= ياخذ وباالمثل يعطينا بخيتان البشري= عساه عايد وعيد يعيد=جينا وجاتك تهانينا حنا معك مثل مانت تريد=قود المثل يامنادينا وليف الشوق= راعي وفا ماعليك انزيد=وهذاالعشم في مودينا اللي معه فاالطلب منحيد= اليوم ناسي مساعينا بخيتان البشري= شرواك له عندنا تمجيد=أهل الوفا دوَم وافينا الحرف رسمه يبى تأكيد=واكشف لنا الوضع ياخينا وليف الشوق= عيت معاي الحلول تفيد = باالعكس زود مآسينا بالله كيف الامور تهيد = كل ماقربنا يجافينا بخيتان البشري= اخبرك كل الفنون تجيد = وبكل قالة ملمينا لاتقيد المسألة تقييد= وزيده من العطف والينا |
قارئة الفنجان= من مبدأ الجرد والتجريد = واسلوب مخفي ومتداري اباانتظر لين بعد العيد = وانسف لهم وجهك العاري بخيتان البشري= قرار مايقبل التمديد = مدروس تنفيذه إجباري عسى فبعض القلوب يفيد = وتغير إسلوبها الجاري |
فهد عواضة = زند المشاريـه مقباسـه=بااعمي البصيره يولع نار الوقت يفشي خفاء ناسـه=فلاج لمسـدل الاستـار بخيتان البشري= كلٍ بقيسه ومقياسه = والحق راعيه له دوار بعض العرب وقتنا حاسه = واظهر حفيره ودق الطار فهد عواضة= ميعادنا عند من ساسـه=طيب وملزوم بالمحضار عوج الفكر جابها لراسه=يبغى يرقع فتوق كثـار بخيتان البشري= يامن لفظ كامـل أنفاسـه=لاباس لك ماتشوف أضرار اخوك فالصـدر مجلاسـه=الأوله ما عليهـا خيـار فهد عواضه = هو جهل ولا تغطراسه=يالله ياكافي الاشـرار يوم الطلب دق بجراسه=اقفيت عنا بلا معـذار بخيتان البشري= وقت الطلب جيت بسياسه=ومطلوبكم عندنا مابـار الحر دايم قـوي باسـه=لازال قايم لـك المقـدار فهد عواضه = قـلـت العـلاقـات منحـاسـه=وش صار مدري وش اللي صار بـنـك حرقـتـه بمحـمـاسـه=يامعرضـن بـه لهيـب الـنـار بخيتان البشري= بّرِد بالليمون لـك كاسـه=من خوف لاعصابكم تنهار اقرِيـك وتـدّور لحاسـه=وفنجال دلتك جانا آبـزار |
القاسي الأول= لن كان وان الغرام يضر = مافــــيه مثلي تضرربه طول السـنه والليال تمر = وانا خـيامي على دربه بخيتان= ياكم غيرك تجرع مُر = يأكل ويرقد ويشربه وتقول ما بيّ مايذكر =هذاك به نار مشتبه القاسي الأول= انا ادري ان الغرام يحر = واللي مشابه تأثربه لكن بي حال لو يمر = على اهل الشرق عذبه بخيتان = كثير عاشه لكن مستّر = شاف التهاويل من غُلبه وياكم من ذا الهوى هستر=ماميز الشرق من غربه |
بخيـتـان الـبـشـري = سـلام لمحمـد القاسـي=يرقى معه للمعالي فـوق ياللي لكم قيس وقياسـي=ومطوقين المعاني طـوق الــقــاســـي الأول = يامرحبـا عـد نسناسـي=ياوافي القيـل والمنطـوق انتم وحنا علـى ساسـي=مابيننا في الـزوم فـروق بخيـتـان الـبـشـري = تبقى وقدرك على رأسـي=مابيننا فالوفـا مسبـوق اليوم من زود هوجاسـي=الفكر عيّا معـي لايـروق الــقــاســـي الأول = نعرفك من نـار مقباسـي=نيل المكاسب لكم معشوق ونكان بك حـال حساسـي=الان سوق المطايا سـوق بخيـتـان الـبـشـري = من خيرة الناس جُلاسـي=شرواك يالصاحب المرموق والمال ماسبـب اتعاسـي=كل البلا من غرام وشـوق القاسي الأول= الان يـاصـقــر قـرنــاســي=واجه وقوع الحدث برفوق وابــدا تعـامـلـك بسـيـاسـي=بالصبرتكسب أجر وحقوق بخيتان البشري = اخذت فالصبـر مرواسـي=ولافاد في حالة المخنـوق ضيع شُعوري مع احساسي=اللي فؤادي معه محـروق القاسي الأول= ذا حــال مـالـوف لنـاسـي=أهم شي صاحبـك موثـوق لن كان من صيغة الماسي=تقنـاه ماتعرضـه فالـسـوق بخيتان البشري = لولاه كاتم علـى انفاسـي=بطيب اصله وحسن الذوق ماكنت فالأمـر محتاسـي=قانيه واشكي معه من عوق |
القاسي الأول= ليه عتب يصحبه تأنيب = عسى العتب كان في حله يرقى صروح الامل ويصيب = وان كان ماصاب لاولله بأنب النفس لين اشيب = ويمكن بطول العمر كله سبت ثقه مادخلها ريب = حسيت جهده معي قله بخيتان البشري= دّور معه فالأمر لا تسيب = دامك مع الدرب توصله اسم العتب ينبعث من طيب =لاهو ملامة ولا خله لايودي الفكر لك ويجيب =لو ينعقد حبلها تحله قدام تعجل ومثلك ذيب=معروف حكمك شمل عدله |
فاقدة غالي= للماضي ارجوك لا تنبش = وتحيي جمرة بوجداني انت تـروح وانا ابلش = اطفي نيران احزاني بخيتان= إن كنت بتعيش له طنش =لاتكون فالأمر حيراني من قبل داخلك لا ينقش = ازود من اللي بكم كاني |
القاسي= ياصاحبي نوم طرفي ضاع = مفقود جــاله ثلاث ايام تقلبت فـــوقي الاوجاع = ذكرت حال (ن) مضاله عام بخيتان= يالقاسي ارجوك لا تلتاع = لاتلتفت والخطـى قـدام الناس قالوا وبالأجمـاع = ذكرى قديمة تجيب اسقام رد القاسي= انــا رهـيـف الحـشـا مـيــلاع = مثـل الــورق ترسـمـه بـاقـلام ذكـرنـي الـحــرف والابـــداع = وامسيت متعب بشكل (ن)عام رد بخيتان= انته رهيف وانـا فنـزاع = روحي على حرفك المنظام جيتك بسبل الوفا فـزاع =مالـوم روحـي ولاتـلام ردالقاسي= امشـي طبيعـي بــدون اقـنـاع = والوقت ماشي معي في اصدام والـيــا تنـاسـيـت جـامـذيــاع = حـرك شجونـي علـى الانـغـام |
القاسي = سؤال واضح ولايصعب = في خاطري للجميع ابديه يامن سبحتو في بحر الحب = في موج عاتي وفي صافيه له بحر واحــد وله مركب = كل المحبين تركب فـــيه والا له فروع ومشعب = كل (ن) على رغبته يمشيه بخيتان= جواب لجلك وما تطلب =للخاطر اللي نوى مافيه بنفيد من ماضي مجرب = حسب الذي قلبنا يوحيه الحب بحره عذاب وطب =ياما ضحايا على شاطيه احد ن غرق فيه قبل يطب =واحدن فغبه ولايكفيه |
سكري بريدة= الصاحب اللي سقاني الشهد = اقفــــــــى وعيني له ملده الــــروح اقفــــــــــت معه تمتد = من بعـــــد راح اظلمت جده بخيتان البشري= إن كان فالقلب لك مقعد = لابد يرجع على عهده درب المودة حشا ينسد = فموّد صادق معك وده سكري بريدة= اول وفي و العرب تشهــــد = والحين مدري سبب بعده ليته يتلطـــــــــف علينا يـــرد = ويبين اسباب للصــــــــده بخيتان البشري= واجب عن اسبابها تنشد =دامه وفي بالوفا مده احسب ومثلك يجيد العد =قدام لا بنيك تهده سكري بريدة= لوصالها سائلن ومجــــد = ادري حبيبي على وعده لكن صرف الليالي بجـــد = احرق فــؤادي قبل خده بخيتان البشري= خل الوعد للأمل مسند = زرعك ومستعجل تجده مرات ترخي ونوب تشد=الدرب مفتوح لا تسده |
بخيتان البشري= والله يلو كان بي تدري = وتعلم بما يحتويه القلب إنك عليّه تجي تجري = يكفي كياني قلبته قلب القاسي الأول= ذكرتني حــــال من بدري = نفس المأسي ونفس الغلــب واصبح عن الحال مايدري = ولما درى صب دمعه صب بخيتان البشري= ذا الحال ماهو لنا حصري=ولحدٍ ذكر فالهوى له طب ياكيف نعالج الأمري = من شان راعي الهوى يرغب القاسي الأول= احساس في مزرع الصدري = مخصوص له نهج له مذهب له طــــب لكن من حصـــري = في قــــرب من كان متسبب بخيتان البشري= ياكيف يعلم بما يجري =ويترجم احساس له مطلب ولايتعب اللي قضى العمري =مهموم فالود ومعذب القاسي الأول= الان مع وقتنا العصري = بسلوب مدروس ومهذب تعمل مابين الجزر جسري = ذا حل في نظرتي أنسب بخيتان البشري= ياصاحب الرأي والفكري = ذا حل معقول ما ينكب والآن اقدم لكم شكري=واهني اهل الهوى والحب |
فايز ال محيسن= سلام يا حر له صولات = ياحر من ذخر الاجوادي مشهور بالطيب والفزعات = ومعروف من عهد الاجدادي شاكي اسايه لكم بذات = في بادي الامر والبادي الصدر مكتوم بالونات = والدم سيل على الوادي والعين هلت من العبرات = وكيل القدر كال بزيادي وان رحت مايعود اللي فات = ولو يرجع للحد انا لحادي وعد نفسي من الموات = واكتب وصيه على اولادي ما طلوبي ياراعي الوقفات = تاقف معي وقفت اشهادي والعفو يكتب لكم لوحات = لوحات باالفخر تزدادي وانتم كفو ياهل الطالات = تعفون وتقرون لزادي ويارب تغفر للي مات = ياهادي من غيرك الهادي بخيتان البشري= ترحيب من صافي النيات = دايم للأجواد ينقادي اللي لهم فالوفا جولات =وتاريخ حافل بالأمجادي يا شاكى الهم واللوعات =الله لايجيب الأنكادي انتم وحنا مع الأوقات =مانختلف درع وسنادي والوقت لابد له ميلات=وماراح ماعاد ينعادي عسى العواقب لماهو آت=تفرحك وتعيش فأعيادي الكل مناعلى ميقات= لو نجتمع جمع وافرادي هيهات نغيره هيهات =فالغيب لله مارادي قدام تكتب لنا الأبيات =الجهد مبذول بوكادي والله يفرج لنا الكربات =ويبدل الحزن بسعادي انتم وحنا على الهقوات =فالخير نسعى والأرشادي |
بخيتان= سلام صافي لها مصفى=الشاعرة فاقـدة غالـي الحرف إن كان ماوفـى=كيف اشتكي للعرب حالي فاقدة غالي= حسب التقاليد والعُرفى=يامرحبا طيب الفالـي وحتى مزاجك لنا يصفى=تغير الحرف واقوالـي بخيتان = لك البقا عاطـره أضفـى=جوري غسل جو غربالـي من بعد حرف الوفا استوفى=استأذنـك بـث الأرسالـي فاقدة غالي= اكرام غضو لنا طرفى = سقنا لهم حر امثالي هات الذي عندكم تكفى = ونبدل المر بالحالي بخيتان = عييّت من حالتي لا أشفى=يافاقدة والمـدى طالـي كل مابد لي امل يخفـى=حتى بدأ اليأس فقبالـي فاقدة غالي= للود نبحث لكم وصفى = فصل لنا الحال فالحالي وانسى نوديك للمشفى= مادام صافى معى بالي بخيتان = امشي ولديت بالطرفـى=وشفت الذي حيل يحلالي ذاك الثمر يحتري قطفى=ريان والغصن به مالـي فاقدة غالي= هات الذي باقي مخفي = يطربني الوصف لاجالي لا توجز الحرف بتحفى = واجر للحن موالي بخيتان = اطلب من الحارس بلطُفى=ويقـول ودي ولايبالـي واحـوم وادُور والـفـى=والسورشايـك ومتعالـي فاقدة غالي= راقب طريقه الى اقفى = الحارس اللي تورالي ثم اخفض الصوت للولفى = ياعل يتنبه الغالي ان شفته اقبل ويتحفى = لايردكم سوره العالي اسعى للقيا بها تشفى = لو ترخص العمر والمالي وان طاوع ايامك الصلفى =لاتعلق النفس بامالي لابد لودادهم تجفى = ولاضيم تشــكي ولا تبالي |
بخيتان البشري= سـلام ورد الوفـا عاطـر=يسرع به الشوق والأشواق دايم مع أهل الهوىحاضـر=يطلع وينزل مـع الخفـاق فاقدة غالي= سلام يشرح لنا خاطر = وترحيب صافي من الاعماق يا مرحبا الف يا شاعر = دايم على الطيبه سباق بخيتان البشري= دايم على المنهج الساير=لك البقا مننـا ينسـاق من جونا الرائع الماطر=اللي معه فكرنا قد راق فاقدة غالي= جعل السحابه تجي قاطر = ونشوف لخيالها براق مدام حرفي لكم ساهر= عينت للقافله سواق بخيتان البشري= من وين مالـد وأناظـر=طرفي على شوفها لحاق دام الأمل عاش لا باكـر=لانوم جانا ولا أرهاق فاقدة فالي= لا بد من طرفك تحاذر = تدرى الغلا هم ما ينطاق ياكم قبلك طرح شاطر = واليوم من جملة العشاق بخيتان البشري= عاشق ورحـال ومسافـر=والطرف كم من سُباته فاق مهما يكون الهوى جايـر=الود جوف الحشا حـراق فاقدة غالي= قدام لا تبدا وتخـــاطر = وتــــــود نجمه علت بافاق لاتاخذ الــود بالظـاهر = واعرف تراها البشر اذواق بخيتان البشري= مازلت في رحلتي عابـر=وسهيل علآ النجوم و واق ودي أنـا غيـر ومغايـر=ذوقي ومن يطلبـه ذواق فاقدة غالي= ان كان لاحساسكم آسر = وتظنه لودكم مشتاق اسعى لقربه من الاخر = بالعرف وما تملي الاخلاق بخيتان البشري= الأمر من يمهـم حايـر=كيف اقنعه والترِدد عاق اطربتنا اليوم يالماهر=تستاهل الشكر بأستحقاق |
السلام عليكم
هذا اللحن كان مع اخي الغالي والقدير الشاعر / علي بن عيد البشري
بخيتان= سلام فيه الوفا يسري=والكل منا الوفا راعيه البث للمنتدى حصري=منا هدية لمشتركيـه علي عيد= ترحيب يامـن لكـم قـدري=فالقلب عالـي ولانطفيـه نبغى معـك فالمثـل نسـري=في جو صافي سوى نمشيه بخيتان= عسى البقا وقدركم يجري=في دمنا قبـل لا نطريـه طاب اللحن واستمع لأمري=وافيدنا بعد مـا توحيـه علي عيد= أوسع من الكون لك صدري=واللي كماكم أنـا شاريـه حاسيلك القاف من بـدري=هات الذي منـك متحريـه بخيتان= من وين نبدأ لكم مـدري=من حال في خاطري ببديه الطرف والقلب مع فكري=الكل منهم عليك اشكيـه علي عيد= قدام حكمي لكم يجري = لآبد توضيح ماتخفيه لأدعمت شكواك بنطّري =بعد النظر رأينا نبديه بخيتان= الوضع في داخلي مُزري = اللي فقدته ياكيف ارجيه لفراقهم والصبر مزري = ولا درب يمه يصل ومشيه أبو عيد= فوق الصبر هاك من صبري = في حالكم والذي تبكية وقاد جوف الحشى جمري = مغبون منهو فقد غالية حكم القدر ما عنه مذري = لا حـان وقت الأجل يا أتيه راع الصبر يكسب الأجري = وختامها أدعله باريه |
بخيتان البشري= ترحيب لافي من الديرة = وفالملتقى صادره مكتوب عطنا التفاصيل والسيرة = راعي شعر والشعر مطلوب حفيد الحجيري= من هاجس ما شكى حيره=دام البقا ياهل الماجـوب يا حاكم الشعر وأميـره=على خطاكم نسير دروب بخيتان البشري= ياحاوي الشعر تفكيره = وللعلم والمعرفة مندوب خلوق راقي فتعبيره= والآن رحلة سوى بنجوب حفيد الحجيري= شرواك ما أكره مشاويره = وفي خوتك ما يجي عذروب ياطيب الخلق والجيره = هيا ابتدي وانت راع أسلوب بخيتان البشري= والم وجهزت تأشيره = بنتجه شرقها وغروب والجو لابان تأثيره = للكيف ذاك الحطب مشبوب حفيدالحجيري= بعد اجتمعنا على الخيـره = في ملتقى كل أبوه حروب عجل على القلب وأشيره = هل الهوى ذنب عنه يتوب بخيتان البشري= لأجل الهدف هاك تمريـره = سدد ودرب الهوى مرغوب القلـب بالـود تصبيـره = لو هو مخاطر وفيه نشوب حفيدالحجيري= الود ما أكثر محاذيـره = لكن قلبي هوى رعبوب ما عاد يحسب مخاسيره = يعني كذا ذاب قلبي ذوب بخيتان البشري= ولد البلـد تـم تغييـره = كافيه عنده وكوفي شوب ولا احدٍ فذا الأمر بيعيره = وبنت البلد عايشة فقروب حفيدالحجيري= هذاك شخـص بـلا غيـره = شخص على العولمه محسوب ماهوب مـن يشعـل النيـره = ما دام بـدل بجنـزه ثـوب بخيتان البشري= هل يمكن الكسر تجبيـره = بدون غاصب ولا مغصوب والأمر من من تقصيـره = ومنهو فهذا الأمر مغلوب حفيدالحجيري= كل على حسـب تقديـره = بدون ضارب ولا مضروب والجرح لـن زاد تأخيـره = لو يلتئـم يلتئـم معطـوب بخيتان البشري= ياحرف رائـع فتصويـره = ممتع وفيه الصفا مصحوب شعرك وبأسلوبـك تديـره = ولك تاج يالشاعر الموهوب |
سنين ذاك الجبل رآسي = ما يحسب حساب من عدوه واليوم يشكي من الباسي = من قمته لأسفله قضوه |
إهداء من اخي الغالي والقدير الشاعر: وليف الشوق= يابومحمد لكم مبروك = نهديك اغلا تهانينا والكل فاالملتقى حييوك = والفوزغايت امانينا |
إهداء من اخي الغالي والقدير الشاعر : ماهر بن مبروك العصلاني= ماهي غريبة على بخيتان=والساعيه عند راعيها لوتصفق امواجها طوفان=مرسى السفينة موانيها |
إهداء من اخي الغالي والقدير الشاعر سعد الجابري
ماهي غريبة يافارس الفرسان=الجزلة دائم يفوز راعيها مبروك الفوز مبروك يابخيتان=تستاهلها يامسخر معانيها |
إهداء من الشاعر القدير حفيد الحجيري
يستاهل التاج من شاله = ما شاله إلا رفيع الشان اللي على العز منهاله = مليون مبروك يا بخيتان |
بخيتان= مهلكني الشوق ياتركي=ومزوده صاحب الأشواق باروق و ارتاح و اتكي=لكن مايوم بالي راق تركي= ترحيب يامن لنا تشكي=هذي كذا حالت العشاق من سالف الوقت ترتبكي=بعد الصفا تنصدم بفراق بخيتان= في ودهم ماحصل عكي=دايم وشوقه لنا سباق آنا الذي ودي افتكي=كيف اقطع الوصل ياعملاق تركي= أعرفك رجال محتكي=والغيم مايحجب الإشراق يقين تقطع به الشكي=أكتب عليه الهجر ترياق |
تركي البشري = أنا حسبت الغضي قد لآن = مادام حان السفر حانا الله و أكبر عليه إنسان = حطم فؤادي وأعمانا ياربنا ياعظيم الشان=ندمان وأشكو من إدمانا فاللي لنا مصدر التحنان=واليوم ماقدر لحانا وبأشرح الوضع لبخيتان=يعالج الوضع بإمكان الهم والغم والحرمان=إستوطنوا داخل حشانا بخيتان= لاشك ماكان فالحسبان=حسب الكتاب الذي جانا اخلف هوى العاشق الولهان=اللي حصل ليت ماكانا ماخاب من يطلب المنان=اللي معه صبر و إيمانا مادام ممشاه بالنقصان=انته لفرقاه كسبانا واخبرك ياحر ياحوران=عالي فمرقاك للآنا لايهزك الماكر التعبان=خلك كما ذاك ورقانا |
بن بزيع= كل ماقرب جونا يصفى =ويزيد في معانقه وازيد قمه من الانس والألفى = لحظات من بعدها تنكيد بخيتان البشري= يامن لكم قدر مايخفى = إيش بدد لأنس لك تبديد بين لنا كامل الوصفى = حتى نلاقي علاج يفيد بن بزيع= لأمثالكم نقترب زلفى=لأجلك تصيب الهدف تسديد في وصفها يعجز الحرفى=مجمل حروف الهجاء ماتفيد دايم معي صادق الوقفى = ولموقفي دايم التأييد صغير ما يلحق السقفى = ويخشى عيون البشر ياسيد بخيتان البشري= ليل السعد ودنا يضفى = دايم على مثلكم ويسيد الكيل ماهو كما الغرفى=الكيل فيه الشهد مايبيد زيده وفى طالما أوفى = ولاتقيده فالهوى تقييد صغير وإخفض له الطرفى=حتى معك يقبل التجديد |
بخيتان البشري= شتلتبي فالهوى شتلـة = شتلة قوية بغير قيـاس ماكني ألا معـك شتلـة = وانتا لها فالهوى غرّاس قابل الشري= هذا الهوى نقضه وفتلـه = ماله ضمانه ولا مقيـاس يختلك يابو البخت ختلـه = لوكنت فارس شديد الباس بخيتان البشري= ياكم تمـادى بهـم قتلـه = أزمان هو مدهر فالنـاس ومحال بين البشـر قتلـه = حيثه مشاعر ونبع إحساس |
بخيتان البشري= اللي شرينا وداده بـاع = وبعنا قبل ود شارينـا ضعنا ومعنا آملنا ضاع = فرجاع من كان باغينا قابل البشري= مادمت قبل الشرى بيـاع = ما اظـن تحتـاج تبيينـا وحدة بوحدة وصاع بصاع = والله يعوضـك يااخيـنـا |
خالد بن عبيـد الاحمـدي= قبل المرض يهلك الابـدان=من عندنا يصدر التعميـم رح بلّغ الناس يابخيتـان=لاتفوتهم فرصـة التطعيـم بخـيـتـان الـبـشـري= عندي مهمة وشاني شـان=في واجبي يالصحيب مقيم سيب الورق وانزل الميدان=طعّم وحرص على الترقيم |
أخواني أعضاء ملتقى حرب وجميع من صوت لمسابقة الكسرات . أولأ نضع بين ايديكم أسماء الشعراء الذيين شاركو في المسابقه
معي ذكراك= هو باقي محبوب ماروح=في خافقي والعيون تشوف اللي مشى يوم ما لوح=عن خاطري ماتغيب طيوف بحر الكسره= البعد من يحتمل شوقـه=قاسي على القلب بالاهات الروح بفراق محروقـه=والعين جفت من العبرات نافع الحربي= يا حرق قلب الخليل إحراق=إن كان خله نوى الفرقا ء الله يعينه على الأشـواق=وطوارقٍ تطرقـه طرقـاء هـــــلال حرب= الـبعد والصـد والهـجـران=بين المحبيـن ذي عاده مسكين من فارق الاوطان=تايه وماشي عن بلاده الشاكر أبو سامي = الله يامصعب الفرقـه=نار لضاها يهد الحيل كن المفارق معه حرقه=وتزيد لاظلم عليه الليل حفيد الحجيري= ياليت ما هناك ود ووصل=إن كان لابد مـن فرقـا لكنها هي كذا في الأصل=لابد تنـزل بعـد ترقـا بندرالبلادي= من ناتج البعد و الفرقـه=عانيت مر الشديد الشاق اعصاب و افكار منحرقه=فمنازع الروح والاشواق العبيدي= درب المفارق كثير آهآت=محزون من يسلكه محـزون نآس(ن) كثيره منه ماتبات=ونآس(ن) على سبته يبكون بخيتان البشري= صحيح يانعمة النسيان=ننسى معك حي فارقنا لكن يبقى هناك إنسان=يعجز فراقـه يفارقنـا الذراع= يبكي حبيبي على فرقاي=ملامح الخوف فـ عيونه لولا الملامه وخوف عداي=أترك هوى العين واصونه وحيد الجزيرة= يامفارق القلب لازلتـو=القلب باقي على طرياك لو زدة فالبعـد مانلتـو=القلب ماتملكـه يمنـاك عبدالعزيز الزويهري= وا حرقتي وا عذابي آه=وا سقم حالي من الفرقا كلما بغيت التهي و انساه=القى خياله معـي يرقـا معاند زمانه= والله ما اخترت انا الفرقى = بس الزمن لخبط اوضاعي انته وانا بحبنا غرقى = ولاعنك خافي باالاسماعي مشعل النويمي= ياعام عشرين جاني فيك = نفقد غوالي حبايبنا كل مذكرك انا ولا اطريك = الدمع بالعين يغلبنا أبو ذياب= لحظة الم ... والمشاعر صمت=ماغير نبضـي لهـم خفـاق من يوم غادر (وليفـي) مـت=بحساس دقت ساعات فـراق مضحي بن جمران= بالله لاتطري الهجران=يزيد همي وغربالـي ارجوك يانقوت الخلان=كلش ولا البعد يالغالي سعد بن نفاع الجابري= الله من فرقـة الغالـي=فالقلب دايم كثير اوجاع من اولأ دوم في بالـي=واليوم ياربعنا قد بـاع دكتور الهوى= بفراقكم شانت اخلاقـي=وللآن عايش على ذكراك اجـر آهـات فاعماقـي=وابكي قهر من بعد فرقاك الفـــــارس= بعد الصفى ماشين الفراق=وخصوص لاحال باحبابك تخرج من البعد والاشواق=مغير الآهات في حسابك عبدالله الفريدي= ما انساك يالصاحب المملوح=ما انسى لو الموت ينساني لو الجسد فارقتـه الـروح=ارحم من افـراق خلانـي فهد عواضه المخلفي= بحشاي ياشيـن طعناتـك=ومامثل الم طعنتك بحشاي ادواي وداي بنضـراتـك=واجبك من بعد داءي داوي أما الفائز بمسابقة الكسره هذا الاسبوع فهو الشاعر بخيتان البشري واتمنى للجميع التوفيق مع العلم ان المسابقه القادمه سوف يكون هناك نقاد على صفوة الكسرات وأسئله على كسرة الفائز إن شاء الله
بـخـيـتـان الـبـشــري= صحيـح يانعمـة النسـيـان=ننسـى معـك حـي فارقنـا لكـن يبقـى هنـاك إنسـان=يعـجـز فـراقـه يفارقـنـا وقد حصل على وسام مسابقة الكسره http://www.alhroob.com/hrab1/15.gif[/CENTER][/QUOTE] |
محمد سعد اليوبي= سلام نبغى لحن يطرب=ياللي لكم في الكرم سنة وأكبر مثل للعرب يضرب=أبن حمادي .. عسى الجنة بخيتان البشري= ترحيب قود المثل وحُرب =والرجل الأفعال يحينة تاريخنا شمس ماتغرب = ياساس وامجاد طالنة محمد سعد اليوبي= تبقى ونبع الوفا يُشْرب=ولا لي على واجبي منه وياليت منه نحى يقرب=ويبدي لنا الود مايكنه بخيتان البشري= للأهل الوفا مد مايُترب =ومن يتركه ورته قنه ياليت فالصاملة عُذرب= ابحث عن اسباب جلنّه |
تلقاه دايم ضعيف النفس = لو كان واحد من أصحابك يلعب معك فالخفا ويدس = وحريص فالوجه بأعجابك |
يا مُر الأيام من دونك = لاطعم فيها ولا راحة وياحلوها دوم فوجودك = من طعمها النفس مرتاحة
عاتبني القلب بسبابك = والعين عافت لذيذ النوم عايش معاناة فغيابك = من يوم روحت لين اليوم
لاياهوى البال وش حدك = حتى معي تخلف الهقوات ماتدري إني بعد صدك = محسوب من جملة الأموات |
ودي بصفو القلوب يدوم = فالملتقى وكلكم ربعي ناقف ونقعد سوى ونقوم = يازينها حزة الجمعي |
الساعة الآن 02:02 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
