أسير ود الوفاء قلبي=في معتقل وده الدائم
لوزاد لي الزمن غلبي=عن ود غير الغلاصايم

ياسيد نومي غدا تسهيد=وعيني من الشوق مطروفه

يكفي جروح الزمن لاتزيد=خلك شكى قاسي ظروفه

غنت طيور الوله والشوق=وتمايلت كل الاغصاني
وجاوب لها قلبي المحروق=ردو سلامي لخلاني
يامعاتب الحكي والمنطوق=لا اطريتهم زادت أشجاني
وارتاح مع ذكرهم واروق = وانسى بهم كامل أحزاني

العبد لو بالقدر يقنع=مصيرها تفرج الضيقه
والحر لابد ما يقلع=مهما الزمنّه مسابيقه

يامركب الشوق سافربي = قدام لا الشمس بي تشرق
رحله إلى الساحل الغربي=مع موج الاشواق لونغرق

دمعه على طاري الاحباب=ودمعه على طاري الفراقا
تشابهن بختلاف أسباب=لكن عيوني بهن غرقا

ماشوف غيره ولابدل= ولاصد في نظرتي عنه
ومادام عقل الفتى مدل= مايثر الحكي مع زنه

امانتك يا هبوب الريح=مري غلآ القلب ودياره
قولي لقلبه نبي تصريح=إن كان يسمح لنا زيارة

يبكي فؤادي فراق اثنين=في مهجة الروح ما زالو
شالو وهلت عباير عين=لفراقهم يوم هم شالو
تقاسمو قلبي المسكين=في حالنا كيف ماسألو
ودعتهم في ضحى الاثنين=في مغربه شوقنا نالو

يانجم بالليل سامرني=بيني وبينك حديث أشجان
عن ما حوا القلب خبرني=وش طبها دمعة الولهان