جديد جرحٍ وجرح التم=وجرحٍ قديم الزمن يطريه
جرّعتني من يديك السم=ياكيف تبغا تطببّ فيه؟!؟

أخر حروف الاماني آه=ينطق بها السان متوجد
وأنا بنيت ألأمل وبناه=من قمة بناه بي آنهد

ولع بنارك مثل ماتريد=حطم بقايا فؤاد انسان
أجعل جروحه معاك تزيد=ثم اشطبه واعلن النسيان

شواطي الود ورماله= تشكي فراقك غلآ روحي
يامنوة ألقلب وآماله=فكري معك وين ماتروحي

ياوين من يفهم الإبداع=ويقدر الحرف في فنه
ولايجيب العلوم وساع=ويفسره عكس ماكنه

عزفه نشز واخلف الايقاع=ظنه من السوء في ظنه
الحرف لإرادتي مطواع=أرفع معانيه في قنه

بعض البشر منجرف للقاع=حب الأنا تْمكَّنت منِّه
والبعض مثل الذهب لماع= كل يوم زايد سنا حسنه
وللآن أحوالنا لسَّاع= الخير فيها اعْتلا وزنه
والمجتهد في أمر ما ضاع =جهدُه وما لُهْ لزم حزنه

بعض البشر في وجوده شر=أيلوث الجو من جوه
ناسي ولله مايذكر=يحسب حصاد العمر توه

ذاتي معك عايشه حرمان=وذاتك معك ناسيه ذاتي
وصلتني فا الجنان جنان= أشكي ألم كبر ماسأتي

يازارع الطيب والمعروف=لابد منه الثمر تجمع
لايهمك اللي لها مايشوف=الناس بالطيبه تسمع

عكسك أنا دائم أحساسي=لاون قلب العنى مدميه
أجيك وقولك ناسي=أصلٍ ترا الجرح مبطي فيه

امشي معك خط فالرجعه=وارافقك والدروب طوال
لوزاد جور الزمن سجعه= يبقى معي لك وفا مازال