خلاص منك انا مليت = من كثر كذبك ولاعيبك
وش عاد باقي لنا خليت = ياشين فعلك وياعيبك

من عـزنفـسه ومقداره = تلقاه بين العرب محبوب
ومن هانها قل مسعاره = ولا له مكانه ولامحسوب

.
.
.
.
.
.
.
.
.
.
.
.
.

خليت روحي فغربة روح = من بعد ماوا لفت روحك
واليوم حالي غدا مجروح = يبكي ويشكي من جروحك

.
.
.
.
.
.
.
.
.
.
.
.
.

ياهل ترى وش لكم مصلوح = ياللي تبون الفتن تشعل
نبغى الوفا يعتلي بصروح = والطيب بين العرب يكمل

انت الذي لوطلبت الروح = تعصاني الروح من شانك
مهما تزوّد علي جروح = اصبر00 لجل خاطر اعيانك

.
.
.
.
.
.
.
.
.
.
.
.

وليف الشوق=
سلام باالطيب لك عاني = ياللي اعدك من الوافين
افيد ني باالذي جاني = والكل منهم فوسط العين
سالم البشري=
ترحيب منطوق بلساني=واثنيه تقدير للغالين
ومن غير كاني ولاماني=قُلّي ورب العباد يعين
وليف الشوق=
الـيـوم روحي وجداني = تشاكلوا بينهم مابين
وحترت من فيهم الجاني = ايات واحد من الاثنين
سالم البشري=
ماتلام والوضع ماباني=ولاافتيك حتى العلوم تبين
أكيد باقي طرف ثاني=حتى غدا حالهم حالين
وليف الشوق=
لاتقول مابان يافلاني = والمشتكي يشتكي نارين
اليوم في وضع عناني = يزداد ضعفه علي ضعفين

بسمه ونظره من الاعيان = تسببت في تلف روحي
خلتني في عالم النسيان = وتزيد مابي على جروحي

ياصاح كل من عليها فان=ولاتدري كم فالعمرباقـي
خلك على طيب الاحسان=وتعامل النـاس بخلاقـي

ياخلق اسالكم بالله= الكل نفسه يصفيها
درب الوفا كلنا نبغاه= ونفوسنا الله يهديها

وليف الشوق=
سلام ياصل بيان الصمت = عاجل نبا رد يوفينا
اللي لــه الـطـيـبه قـدمـت = يسرح ويمرح حوالينا
بيان الصمت=
ترحيب يُقرا لكم مادمت=شفع الزهر والرياحينا
يمكن رسالة لمن أمّلت=تخلف جميع الموازينا
وليف الشوق=
انا على منهجي مازلت = تبقى وجتك العناوينا
وعن ماسالناك ليش ابعت= من بعد شفت المضامينا
بيان الصمت=
راجع لحرفي وما سطرت=وُضح المعاني وتضمينا
لكنك لبعضها أولت =واخترت للبعض تقنينا
وليف الشوق=
تراك ياصاحبي غربت = دقق وافهم معانينا
والا من المسأله عذرت = ونعلمك لا تلا قينا
بيان الصمت=
خطتك وانته لها صممت=ماهي لكل الميادينا
لو كان خط الوسط أمنت=فالماد تقدر تبارينا
وليف الشوق=
ماجات خطه بها دبرت= للصاحب اللي موالينا
الخط واضح ولاعممت = وانته من اقرب مودينا

الرجل فعله عليه يبان = من كلمته لانطق فيها
تلقى كلامه على ميزان = والناقصه ما يواطيها
حرٍ على النايفه شيهان = وعلومه الطيب يلقيها
والبعض ياللأسف خسران = الطيًبه مــايــوافيها

في غيبتي اشتهي لقياك = وتمنعنيَ ظروف لاجيلك
اسعد بلحظه تجي وياك = واشرح لك الود وحكيلك

اشوف كل من كتب حرفين = يفرح وياجي بها يناعر
ماكل من هو بنا بيتين = محسوب عندالعرب شاعر

اشوف كل من كتب حرفين = يفرح وياجي بها يناعر
ماكل من هو بنا بيتين = محسوب عندالعرب شاعر

وليف الشوق=
سلام للي رفيع الذوق = عالي مقامه وتقديره
عطني افاده عن المنطوق= اللي صدر لك بتقريره
جوي معي يا علي مايروق = كل ساع يزداد تعكيره
البعض جوه طلعبه فوق = ماشاف في يوم تكديره
علي عيد البشري=
ترحيب ماله مثل مسبوق=راقي مقامه وتوقيره
يامن جوابه لفاني سوق=من رجل له فالوفاء سيرة
عادات الايام فيها فروق=لابد تاتي بتدويره
كلن لقي في حياته عوق=ولا يدوم هاني ولا غيره

لاتلومني كل هذا اللوم = ماتدري باللي علي حاصل
ما أهتني في حياتي يوم = والبعد ما بيننا فاصل

انا اسألك وانت جاوبني = مقبل تردد ولا تاخير
لي وقت صابر و شا يفني = ماتعرف الطيب والتقدير

ليت الليالي علينا تعود = باافراحها اللي لنا كانت
وترجع كماعهدها المعهود = ونسعدبها كل ماحانت

لاتظن الا بكل الخير = يامحسن الظن باالنيه
الظن فيه الاثم لاغير= ويهدم لناقصورمبنيه

واعيني اللي على طاريه = تمطرعلى الخد دمعتها
ورجع ورا وفتكرماضيه = ايام يازين روعتها

مهما لنا تعيد وتحلًل = لايمكن انه ترى يعفيك
مادام فالقول متعلًل = خلاص بيّن لنا خافيك

الحال اصبح معاد يطاق = ماشفت واحد يجي ناقد
قليل صادق معك صداق = وكثير ياللأسف حاقد

اسرح بفكري واقول انساك = وفي داخل القلب متمسكن
ولامر طيفك اعيش ذكراك = وتصبح على القلب متمكن

لاجات زله من الاصحاب = الاوله قول مايقصد
ولاكررت بعدهاحساب = ماعادهاالا لها يقصد

واعيني اللي تبا رؤياه = عيا بختها يحالفها
وماكل واحدتبي لقياه = والحظ دايم مخالفها

يامراعي الورد والتفاح = تشريه لوغالي القيمه
تنعشك من عطرها لافاح = ميرالبلا ماهي مقيمه

السلام عليكم ورحمة الله وبركاته
.
.
.
.
.
.
.
.
.
.
.
.
.

سلام من عالي المرقاب = مخصوص ياصلك ياماهر
العذر يا جيد الاصحاب = يا راعي الطيب ياطاهر
بعد المحاول املنا خاب = ولاعاد فيه الامل ظاهر
حتى بعدعرفوالاسباب = اقول قولي ونا قاهر

صدفه وجتنا بلا ميعاد = تسوا لها فاالعمرنصه
ياليتها دايما(ن) تنعاد = وبشوفهم تسمح الفرصه

كل مانصحناك تتركني = وتشوفني من الد اعداك
واليوم لاعاد تنشدني = فيماحصل من مآسي جاك

اخبرك طيب الوفا نبعك = واليوم اشوف التغيرفيك
ونكان حولت عن طبعك = الله يخلف علينا فيك

فاض الصبرونتظاري طال = عيا بنا الحظ يسعفنا
وليا بقينا على ذا الحال = نطلب من الله يعوضنا

أطرت عليه ليالي الشوق = ويزيدني شوق طاريها
ايام حلوه عليها الذوق = ماتنسي من هنا فيها

ان جـيـتـني مـنـزلك عــالي = وتقديركم عندنا من فوق
وان رحت تبقى علي غالي = ومازلت في قلبنا ياذوق

مشاعرالود والاشواق = باقه من الورد تهديلك
وكل ماطلع يوم فاالاشراق = يزيدني شوق واجيلك

وليف الشوق=
يابومحمد عساك بخير= فاالملتقى ايام ماشوفك
سؤال عابرفخط السير= ويطربني الرد بحروفك
بخيتان البشري=
يابو مُنى والليال تسير= لاشك تحكم بك ظروفك
والحمدلِله ماشي ضير = وتُشكر وذا طيب معروفك

مااقبل اللي على وجهين = ولاعادله قابله عندي
مادام يلعب على الحبلين = ايجيب فاالعلم ويودي

عدات الايام مادامت = مره فرح والبقيه اتراح
ولوالبشركلها قامت = ماحد يقدر يجيب افراح

الحي يحـيـيـك ويزيدك = يحفظ لك الطيب والمقدار
وغيره مع الوقت مايفيدك = اصرف عنه كامل الانظار

ياللي ودادك فرضته فرض = لاتخلي القلب يعنابك
ماتتسع0؟ لي بعدك الارض = يضيقبي الكون فغيابك

لا ياهوى دلّني محتار = وش غيّراليوم فاسلوبك
خليتني بين جنّه ونار = واليوم تاهت بي دروبك