|
33= النثيله أو الشحنه
|
اقتباس:
والله رمعه راكبه بنسبة95% لكن ليست هي المطلوب |
(33)وش هي فتاه جسمها من ولدها,,,,,,,,,,,,,,,,,,,ماتنوجد لولا تجمع بنينها
وليا مشوا بنينها ضاع جسمها,,,,,,,,,,,,,,,,,,,,والفايده ترجع على ناقلينها ابو خالد وش تقول في ((( الثلجة )) |
مالك لوى ياسامي
|
(78)وانشدك عن بنت من الارض ساسها = وشدت وخلتها حجرها وطينها
لاتعيش في ارض ولاتسكن الفضا = وطول الدهر على الظهر عاكسينها ))السفينة(( (33)وش هي فتاه جسمها من ولدها = ماتنوجد لولا تجمع بنينها وليا مشوا بنينها ضاع جسمها = والفايده ترجع على ناقلينها ))السنبله(( (53)انشدك عن بنت تبدل اعيالها =من شان يشفي فعلها ناقلينها تقضي على الجمع الضعيف المسالم = ولولا ولدها ما نفعة مستعينها ))شفرة الموس(( (54)انشدك عن بنت تعذب صغيرها = وتقطعه في مصلحة من يهينها من راسها ترسل عليه المذله = حتى تثبت فيه من يستعينها ))مكينة اللحام(( |
وجودك يكفي ياهلابك
78/53/54 رمعات صيححه 33 مع الاسف لا مالك لوى |
(82)ولقيت حاره بها بيوت عامره = وعجزت لاعرف كم عدد ساكنينها
مساكن فيها جنود عواري = وادروب ساعات العمل سالكينها ))قرية ترافيان(( |
مالك لوى يالطيب
|
(85)وانشدك عن بنت سببها جلبها = اهل التلاوة والرجا منفذينها
ليا مرّها اللي طالب طاعة الله = نفذ لها مطاعة الله بحينها ))سجدة التلاوة(( عند المرور بآية فيها سجدة (35)وأنشد عن اللي يختلف عن سميه = مواقفه وقت الخطر مدركينها اللي اليا جاء الجد تعرف مواقفه = والاسميه لعبة للا عبينها اسمه اليا جاء بعكس معناه سالم = وفيه الحجر وبه قلعه عامرينها ))لعبة حرب القبائل(( والسلم عكس الحرب أو لعبة ترافيان |
وجودك يكفي
اهلا وسهلا 85 صحيح واللي بعده مالك لوى وشكرا |
لغز رقم 82الي ماتعرف عددسكانها المقبره
|
والله اني ماودي اقول خطاء وانت هذي اول مشاركة لك هنا
لكن دور غيرها |
لا يابو خالد انا حال لغزين
|
82بيت النمله
|
صحيح وحلك82 صحيح وعلمك كله صحيح وبيض الله وجهك
|
سلام عليم ابو خالد الله يعافيك يا ليت اللغاز الي تم حلها تحط با الون الاحمرعلى القايمة في الموسوعة حتى يسهل عليان معرفة اللغاز المحلولة والغير محلولة |
وان احيل هذا الاقتراح لابوزياد الذي لديه المام بالموضوع مع الشكر
|
اقتباس:
حارة النمل قالها ابوشمس والرد على رمعته كان مالك لوا.. ولذلك استبعدنا رمعة النمل |
الاخ عبد الله الفريدي عندي اقتراح بصيط ارجوا عرض ثلاث الغاز من الموسوعه مثل الالغاز الجديده ويحط لها رقم جديد واذا انحل واحد منها ينحط بداله واحد جديد بشكل هذا نقدر نفكر باللي معروض اما الطريقه ذي والله ماندري المحلول واللي ماهو محلول وصاحب اكثر حل بالموسوعه يسمى ملك الحلول ويرجع له في حاله طول احد الالغاز المعروضه بالساحه ... ويسئل ياملك الحلول هل لازلت تفكر باللغز ولا توقفت الرمعات عندك فائذا قال توقفت الرمعات
عندي يرفع اللغز ويبلغ هذا للجميع |
والله كلامك صحيح يا بوهليل وابو زياد عنده العلم ويمكن له فكرة اخرى
|
(12)وانشدك عن ورع تزوره وتكرهه = في حلة ساس الشجاعه سجينها
تشاهده بالعين مانته بتقربه = لان فعوله كلها خابرينها ))الحله هي حديقة الحيوان وسجينها الاسد او الذيب وتضرب بهم الامثال في الشجاعة (33)وش هي فتاه جسمها من ولدها = ماتنوجد لولا تجمع بنينها وليا مشوا بنينها ضاع جسمها = والفايده ترجع على ناقلينها ))خلية العسل(( إذا راح العسل اختفت (14)وانشدك عن رجال بالفعل قاطع = ياقف حمى بين العجوز وعنينها لايمكن الرجل الغريب يتجاوزه = مادام هذ الرجل بينه وبينها ))سور الصين العظيم(( (15)وانشدك عن غشاش تنفاه المدن = معروف في كذبه ونفسه يدينها ياقف مواقيف الشجاع المحذلق = وينحاش عنك وعلته خابرينها ))الغراب(( (16)وانشدك عن بنت قليل جمالها = وعيالها بيدينهم قاضبينها تشرب ولاتاكل ودايم ركوبها = على عجوز كلنا راكبينها ))قربة السيارة(( (17)ووشهي فتاه جعله يطول عمرها = من كثر ماتعطي الملا حافظينها منها سلاح الناس والخير منها = وفيها الحياه وربنا هو ضمينها ))الأرض(( أو ))الشريعه(( (20)وأنشدك عن رجلين في جسم واحد = بضاعة سمينها في ثمينها والاسم واحد والمصادر تنوعت = وينفع بأمور بعضنا عاشقينها )) شامبو 2 في 1 (( (23)وأنشدك عن ورع ينادي المختفي = ومواقعه بين الزريق وكمينها يستقبل الضيفان في كل ساعة =ويحول الشرهه على ناقلينها ))الصوت(( او المقرفون (29)وبنت تجود زادها في حنوكها = ثم ترسله تقصيد على خدينها تسلمه بنت الخدين وياخذه = وتحت الاذان يجمعه عبر عينها ))الحصادة او اللبانه(( (32)وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها ))السيف(( (47)ووشهي فتاة تشتهر في عنادها = حتى انها ماتجامل معالجينها الا بذيب بارزات اسنونه = اما تطيع الذيب والا يهينها ))قشرة الراس(( |
الله يعطيكم العافية جميعا وابشر يابو هليل
وياوجودك يكفي تستحق الاشادة بيض الله وجهك وابشر يابو خالد بس اشوف وقت وارتبها مالك الاطيبة الخاطر |
وجودك يكفي
حياك الله ورمعاتك كلها جيده لكن الصحيح منها هورقم12 فقط اشكرك |
(14)وانشدك عن رجال بالفعل قاطع = ياقف حمى بين العجوز وعنينها
لايمكن الرجل الغريب يتجاوزه = مادام هذ الرجل بينه وبينها ))الغلاف الجوي يحمي الأرض(( (32)وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها ))الجهاد في سبيل الله(( |
(15)وانشدك عن غشاش تنفاه المدن = معروف في كذبه ونفسه يدينها
ياقف مواقيف الشجاع المحذلق = وينحاش عنك وعلته خابرينها )ابن آوى( هههههه ماودي اصرح بأسمه يمكن يطلع غلط |
وجودك يكفي الله يعطيك العافيه
14 / 32 /15 مالك لوى ياطيب |
(14)وانشدك عن رجال بالفعل قاطع = ياقف حمى بين العجوز وعنينها
لايمكن الرجل الغريب يتجاوزه = مادام هذ الرجل بينه وبينها الدرع الصاروخي لحماية أمريكا من صواريخ الروس او البجاد القاطع بين النساء والرجال في بيت الشعر |
نعم القاطع بين الرجال والحريم واسمه البجاد صح لسانك
|
(15)وانشدك عن غشاش تنفاه المدن = معروف في كذبه ونفسه يدينها
ياقف مواقيف الشجاع المحذلق = وينحاش عنك وعلته خابرينها )) السراب (( |
15 نعم صح لسانك هو السراب
وجودك يكفي اشكرك |
ماشاء الله تبارك الله .بيض الله وجهك على هالمعلقة . ومدامنا مرينا بنشارك مع الربع الالغاز كثيرة ماشاء الله تبارك الله لكن باختار كم لغز منها . (93)وانشدك عن بنتبن في جسم واحد = وتصير بنت بصّرت سامعينها صارت لطرّاد البلاوي قلاده = كنه يقول اللي تشوفين وينها سماعة الطبيب . . (101)انشدك عن بنت يمثّل بصغرها = ولها فعول ماحد يستهينها اللي بها الخراب والشر والاذى = وحيان منها خير لمعاصرينها الانتفاضة او المقاومة او المظاهرة . . . (50)وانشدك عن بنت يريحك شوفها = ويوجد كثير من البشر كافلينها مع البشر ربيعها هو ربيعهم = ومن طيبها كل الملا راغبينها الناقة :0746: . |
اهلا وسهلا ومرحبا بك يابو طلق الله يحييك اولا اشكرك على ذكرالله
اما الرمعات رقم 93 ورقم50 صح لسانك رقم 101 مالك لوى |
ابو خالد لآهنت شف مشاركتي رقم سبعين ورمعتي على اللغز رقم 50 والله يجزاء ابو طلق خير إللي خلاك تراجع مشاركتي وتتأكد من رمعتي
كانت رمعتي على اللغز رقم 50 الناقة او الفرس وانا متنازل لأبو طلق ويستاهل ابوطلق الجواب يسجل بأسمه |
والله متأسف الكثر غلب النظر اعذرني يالطيب ههههههههههههه
|
اقتباس:
هههههههههههه معذور معذور ومانقدر نقول شي يالشايب |
(46)ونشدك عن بنت تبرع بزادها = تطعم عجوز مسرفه من خزينها
تومر وتنهى ماتصرف برايها = ولها ولد يوصل ولد من كمينها بركة الماء وولدها الساقي يوصل الماء للمزرعه (smok) |
مالك لوى ماهي بركة الماء طال عمرك
|
(46)ونشدك عن بنت تبرع بزادها = تطعم عجوز مسرفه من خزينها
تومر وتنهى ماتصرف برايها = ولها ولد يوصل ولد من كمينها )الجابيه( |
الجابيه مالك لوى يقول تطعم عجوز مسرفه من خزينها
|
(61)ووش بنت دايم ضربها بامر زوجها = والزوج يجيه الامر من وامرينها
ليا ضربت ظهر الذلول اجرحته = في راسها المحدود من صانعينها ابرة البندق وتضرب بأمر الزند والزند يجيه الأمر من الرامي والأبره تضرب الرصاصه براسها المحدود |
الساعة الآن 04:50 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir