=بخيتان البشري
يامن لكم عندنا مقـدار=يابو مُنى ياعريب جدود
سلام يمشي لكم بوقار=ياصلك معه الوفا ممدود
=وليف الشوق
ترحيب ياحرنسل احرار=دايم على النايفه موجود
راع الوفا ما عليه غبار=شرواك فيه الوفا مشهود
=بخيتان البشري
الطيب منبع لكم وشعار=يأهل الوفا ماعليكم زود
هيا إستمع نشرة الأخبار=وأفيدنا في خبر مسنود
=وليف الشوق
أنا معك لآخر المشـوار=حتى نصل غاية المنشود
هات المعاني ولا تحتـار=وإحنا معك نبذل المجهود
=بخيتان البشري
هذا العشم فيك يابيطـار=دايم على خُبرنا المعهود
اللي رسم داخل الإطـار=صورة لقي أصلها مفقود
=وليف الشوق
أحترت والفكر مني حار=المسألة حبلها معقـود
هل ريشته رسمها تذكار=والا أصلها للمكان يرود
=بخيتان البشري
البث فارض عليه حصار=بالمختصر تحتويه قيـود
ماجاب تفصيل عن ماصار=وكالته في نمط محدود
=وليف الشوق
حسب الذي فالوكالة دار=اللي علا وأعتلى محسود
والأصل يبقى لو الأنظار=في رسمته شوفها مشدود
لابد يلقى خبر لـه سـار=اللي رسم لو عضتّه بنود
وختامها نطلب المعـذار=لو ما وصلنا بك المقصود

المشاركة الأصلية كتبت بواسطة ابومبارك اليوبي (المشاركة 792346) صح ألسنتكم وبيض الله وجيهكم متااااااااااااااااااااااااااااابع كل الود

المشاركة الأصلية كتبت بواسطة أبو ذيب (المشاركة 792374) صــــــح الــلـــــه ألســـنتـــــــــكــم وبــــــيـــــــــــــــــض الله وجـيــهــــــكم إبـــــــدااااع رااائــــــــــع بــــــروعــــــة حضوركــــم الجـــمــــيــــل و (حـــرفــــكــم الـــرااااقـــي) تــــحـــــياتــــــــــــــي و تـــقـــــديـــــــــــــري