|
ياعل براق الحيا كل مالاح=يسقيك يادارعشيري سكنها [/frame]يمطرعلى خد من القاع صحصاح=مراحب نبت الخزامى دفنها مراتع تهتف لها البدو سراح=باطرافها يرتع ويركد ضعنها ابوعيون سود نجل وذباح=عزالله ان الروح عنده رهنها العود ناعم ويتمريح تمرياح=ياوردة مالت طوارف افننها والرمش من تحته سواد الكحل ساح=لاسلهمت بالعين صديت عنها والخد براق سرى الليل ضواح=في مزنة هل اسود الثعل منها وجدايل من فوق الارداف طراح=والجسم متوسط وربي وزنها والزين واجد بس قلبي لها ارتاح=ولاقول هي النادره في زمنها قلبي عشقها عشق صادق ونصاح=على الشرف والعزماتبع لينها تسكن شمال العاصمه بايمن ارماح=وانا بتبوك وشوف نازح وطنها الله على اللي في فضا الجوسباح=اشرالثمينه لايردك ثمنها من لاصبريندم ومن لارقى طاح=والنفس لاتغويك جود رسنها |
|
هاضت شجون الشعر والعزف والبوح=يوم القوافي من عطاهن عطني ارسلت خطي وانتظر رد مسموح=وعبرالأثيرابراجهن راسلني قالن تعرف اشروطنا قلت بوضوح=آبجتهد وان جاخطا قلت مني قالن تفضل واستلم خط مفتوح=خاضع لكل اشروطهن والزمني شفت البحر.وامواجه تشوحهم شوح= وقمارهن عبرالفضاء يرصدني وقفت مدري وين بطلع وباروح=شفت البحور الهايجه وارهبني ياقلب؟ قال اجزم ترى ماغرق نوح=بامرالولي فيه البواخررسني ونفس تردك لاتسمع لها نوح=بكره تلومك مايفيد التمني والذل شوم ولا يجي منه مصلوح=روم العلى لوسبلها يتعبني ولاحد تجاوزسلم البرج لسطوح=خطوة ورى خطوة برفق وتأني والموت مايعرف قبيح ومملوح=ياما آخذ في قدرسنك وسني وياما خذا بالمجد من شادوا اصروح=سجل لهم في منبرالعلم فني قنعت قلت اوعدك ياقلب لازوح=الحاجز اللي في طريقي حجزني وماقدرالوالي مدون على اللوح=لله مايخلق ويعطي ويفني |
رمتني اسهوم الموت من ناظريه السود=صواريخ هاون مع صواريخ بتريوت اطالع اجروحي والمس الواقع المشهود=اكررسؤالي ماجرى؟ والحضوراسكوت تبسم بضحكه كبريا وقعها مردود= وبانت ثمان كنها درة الياقوت حلاة العسل سكرنباتي ثمرمنضود=حوت مبسم بين البياض وحمارالتوت رشاقه لباقه مع حذاقه ليانة عود= لطافه نظافه كن منه الحلا منحوت قوامه كلامه لبس هندامه الممدود=كسا جسمه الرياااااان ياحضه المبخوت جماله دلاله كل ماقول فيه وزود=اناقه طلاقه قمة الذوق عذب الصوت مهذب مؤدب راقي الفكريامسعود=ثقافه حرافه ياقمر ياشهد ياموت حوى العلم وان العلم يبقى هدف منشود=لنفس طموحه رامت العزوافضل قوت سعودية المنشا عليها الحلا بشهود=تحدت بنات الشام واللي سكن بيروت وقعت بغرامه ول ياحضي المقرود=جرت نكبة التاتار في معركة جالوت |
هـات القلـم واكتـب تماثيـلٍ جــداد=للشاعـر اللـي بالمعـانـي يـجـودي عيسـى خبيـر الشعربالمعرفـه زاد=عرفه على بعض العوارف يزودي قله نـداء يالحاتمـي صابـه اجهـاد=من كثر مايرقاء بروس الحيـودي يرقاء وينزل بس للصيد مـا صـاد=عيـت تقـرب لـه خـطـاة العـنـودي عنقاً لهـا فـي كـل ماطـال مرصـاد=اللـي لزينـات الوصايـف تقـوديـي ياما تعبـت مـن اجلهـا ميـر مافـاد=ومن شانها صبري تعدا الحدودي صبرت صبر ايوب والجهـد يـزداد=الصبـر طـال ولاتـشـاوت لـهـودي =نداء الغيداني
عداد نوح اللي بخضر الشجرشاد=طيرالحمام اللي يعزف النشودي وعدادماغيِّم سماء البيد وانقاد=الثعل من غرالخيال الركودي يامرحبا بك يانداء نسل الاجواد=بني عمر ذخري سلائل جدودي ترفع لكم بيضا على رؤس الاشهاد=دون الخوي كل عليها شهودي يمنى نويشي سجلت رمزالامجاد=وجهه قمر.واوجيه الانذال سودي وارجع لحلقتنا بتنفيذ وإعداد=على الهواء تقديم واسمع ردودي انا معك باللي تبي حاضر؛وجاد=بالمال والا الجاه واللي نجودي وياصاحبي ترى الهواء كله انكاد=والحب للعاشق عدو لدودي والياتمكن يحرق القلب وش عاد=لوينعذل راعيه مافيه فودي والله مالومك خابره سم الاكباد=ياما غدن بي لابسات العقودي ومن صد عنك اقطع له الوصل من غاد=جازه حسب فعله صدود بصدودي ولابدمايندم وياتيك رواد=هيهات فرصة وانتهت ماتعودي =عيسى العوفي |
رحلة جمعتنا
كلا من عادل العمري فهد(العمده) عيسى العوفي ساعات لم تخلوا من المرح اليكم القصيده معبرة عن تلك الرحلة الجميله المرحه
يقول عيسى على طرق الهجينيه=هاضت اشجون القصائد واسع ياساعي نغمة طرب وانتظار احلام ورديه=لحظة مرح فلها ماللشقا داااااعي مليت كليت من ساعات رسمية=ونيت غنيت قلت آلطف اسمااااااعي بسج الاقدام والنيه جنوبيه=على الهدى مع غروب الشمس مطلاعي تكفى ياعادل ترى الدعوى لزوميه=حزم لنا العفش واربط فوقه اشراعي وشيك على موترك يم الصناعيه=ركب وكاله وحذراء تاخذ اصناعي رخص الثمن لايغرك بالتجاريه=لاتحتزم بالردي ياطائل الباااااعي جميح GM من شركة امريكيه=مضمونة الصنع مع شاري وبياعي ركب توايرجديده صنعه اصليه=قودير من دون تلبيسه وشماعي وركب مع النورخلفيات غازيه=تكشف لك الخط فيه النورسطاااااااعي الجمس هو منوة اللي عاقد النيه=على السفرمانوا عوده ومرجاعي صفق الهواء للمريا صوت وسميه=قامت تدق الحمااااد وتبجد القاااااعي كلا تعزوى بعزوه قلت حربيه=لورحت وابعدت لازم يمها انصاااااعي خوتك والله يابوظافرشرف ليه=رجال وقت الله الله شهم مطواعي مالي ومال الردي لارحنبوحيه=اللي على غرة الاصحااااب دناااااعي العلم يامسندي مافيه سريه=واليا مشينا شرحنا كل الاوضاااااعي نبي اديار جنوبيه احجازيه=دارلهلها الكرم صاعين بالصا عي (لحبي )اللي بهلها الطيب ماريه=والطيب في كل دارولابه انزاعي ارجال عند اللوازم نارهم حيه=ماحافهم بالبلد خاين وطماعي ياشيخ جيناك والدعوى خصوصيه=ياعمدة القوم مايقصرلك اذراعي انته لها ياوسيع العرف شخصيه=مغيرك احدا ينوب ويدعي الداعي ياعمدة القوم هي تنصاك موليه=والياتعدتك والله كرتها ضاعي ماني مفسر نبيها دبلماسيه=مدبلجه لونقلها صوت مذياعي |
اتصل علي احد الاصدقا يسئلني هل يجازي من آساء اليه بالمثل؟؟ ورديت عليه بهذه الابيات المتواضعه عسى ان تنال اعجابكم
وجهة نظر ماقول انا قولي مصيّب=ابديت رائيي مثل للرائي من قال ان جيتني بالطيب آعاملك بالطيب=ردالجميل وشيمة ارجال للرجال وان جيت في علم الردى ماقربه عيب=تكرم بها مالي مع العيب مدخال طبعي وربعي محتمين المواجيب=حربي بدربي متبع النذل لاعال العز لو تشويك حر اللواهيب=موتي ولاقوتي ورى ايدين الانذال العمربامرالله وماقدّره غيب=والراس تصعب رفعة الراس لامال وسيرة ارجال الطيب منها المكاسيب=نوريدل اللي جهل يقدي الضال اخذت من غيري ادروس وتجاريب=اسئل وآخذت العلم من رؤس عقّال |
|
اناحب ذات العلم واحب ذات الدين=احب النفوس الي مطيعه لواليها بغض النظرعن من تميزبزود الزين=وذات التقى والزين يالله تحييها ياحلو الصفات الطيبه تجمع الثنتين= ربح ماخسرمن باغلى الاثمان يشريها انامنطقي واضح ولاني ببووجهين= انادائم احب السراحه وراعيها كلامي صريح الصدق خمسين ظرب اثنين=ونفسي عسى ربي على الصدق يهديها تفضل سؤالك حرفي الجيم وانت السين=اباعطيك موجزللروايه وراويها وليه التكبر؟ والبشرساسهم من طين=ولعلمك ترى نفس الكبرنقصها فيها وطبع النفوس الراقيه تتصف باللين= هواها رفيع وترتقي في معاليها بعيد النظرماهوقصير النظرياحسين=ولا للقضيه غيرمقال قاضيها |
ابملتقى حرب ابتدي بالتراحيب=في لابتي من غيرهم بعتزي فيه هلاعددماتطلع الشمس وتغيب=وبعدالسلام انقى من الشعرصافيه وعذري من اهل العرف واهل المواجيب=ان كان قافي مستوى الشعرمخطيه للشعرنقاده ومخطيه ومصيب=ولاني على ماقيل شعري مزكيه ياذيب يالي تقنب الصوت ياذيب=ياللي مع الغدراء بعيده مساريه فج الخلامع حاميات اللواهيب=ومشي الوعرلواشهب الآل حاديه اخيرمن مجلس به الشك والريب=لوكان قصرا عاليات مبانيه والطيب والله ماتندم على الطيب=والاالردى شوم على وجه راعيه وهرج القفا مايهزعكف الاشانيب=وكل على ماقيل عقله يقديه والهرج هرج لايودي ولايجيب=واللي يجيب الهرج خله يوديه والذيب ذيب ولاتجيه العذاريب=وكل على فعله يزكى بطاريه |
وبل المطر من مزنة مستهله=ربانها مجهم وتبرق وترعد سقت فياض ممحله مضمحله=خابط مطرها يبجد القاع الاجرد ويالله ياللي كل عقد تحله =يافارج الشدات لاهمت العبد تسقي وطنا من سحاب يبله=وعقب المحل من عشبها يخضر الخد عذلت انا قلب العنا قال لله=الابهواء تلعات الارقاب مارد وراع الجديل اللي على المتن فله=قلبي ليا شافه اجروحه تجدد لاتلومني ياعيد قلبي يتله=تلة رشا ورد على العد تارد على الشرف مامشي ادروب مخله=ماسك خطام النفس واصدها صد اصدها عن كل عثره وزله=ومن لد عينه للورى مارقى المجد ونعم الخوي اللي يقف في محله=اللي اليا منه بدا لازمك سد |
وبل المطر من مزنة مستهله=ربانها مجهم وتبرق وترعد سقت فياض ممحله مضمحله=خابط مطرها يبجد القاع الاجرد ويالله ياللي كل عقد تحله =يافارج الشدات لاهمت العبد تسقي وطنا من سحاب يبله=وعقب المحل من عشبها يخضر الخد عذلت انا قلب العنا قال لله=الابهواء تلعات الارقاب مارد وراع الجديل اللي على المتن فله=قلبي ليا شافه اجروحه تجدد لاتلومني ياعيد قلبي يتله=تلة رشا ورد على العد تارد على الشرف مامشي ادروب مخله=ماسك خطام النفس واصدها صد اصدها عن كل عثره وزله=ومن لد عينه للورى مارقى المجد ونعم الخوي اللي يقف في محله=اللي اليا منه بدا لازمك سد |
قال خدمه قلت تامر قال لله=بس احب اوادعك والبال سامح قلت يصعب شيء قلبي ماقدرله=وما عصيتك قبل؟ كيف اليوم رايح قال حق ولاخبرنا منك زله=قلت عهد ولا نبي فيها مدايح قال ماضي ودنا تحفظ سجله=قلت ذكرى طيبه ماهي فضايح من ربى بالعز مايرضى المذله= والقلوب شهود وانفوس صحايح قال صبرك قلت قولك في محله=اعتبرها منك من غال النصايح قال حاير قلت في تسعين عله=من افراقك بس ماني فيه بايح قال اباودعك قلت الامرلله=وهل دمعه مع سواد الكحل سايح |
يولد سلف ويموت في عصره اسلاف=دنيا الفنى ماربحت من شراها مافيه زرع الا ورى الزرع قصاف=ولافيه نفس الا تواري ثراها مابه وليف الا فقد شوف ميلاف=راحت به الدنيا ودارت رحاها والموت حق وياخذ اشكال واصناف=ولايفقد الا الطيبين بوفاها قلته بعد جاني نبا موت صياف=عبرالوكالة يوم بثت نباها شيخ وقف في منبرالطيب ميقاف=رقى للراس النايفه واعتلاها نجم لمع ضوءه على كل الاطراف=غطى النجوم الساريه في سماها عنما بسدري يعجز النظم بالقاف=لوباتمادها طويل مداها يالله يامن بامره النون والكاف=تجعل جنان الخلد دار لفاها يالله ماغيرك رحوم ولطاف=وانك قبيلة حرب تحسن عزاها |
لاتشتكي غيرك ليابحت سرك=باب فتحته لاتحاول تغطيه مدام عيا يكتم السر صدرك= مالك على راع الوداعه مشاريه انت السبب لاتلوم غيرك بشرك= اجن الثمريازارع الزرع بيديه شيء يريبك تعرف انه يضرك=اقطع احباله واسترح من بلاويه ريح ضميرك وابتغي ما يسرك=وعليك بالطيب تعرفه بطاريه ذكر الرجال الطيبه مايغرك=البدرضوءه بالدجى نقتدي فيه واحفظ لسانك قيّده لايجرك=للمنطق اللي قبل ماكنت ناويه كثرالكلام اهيام بالصمت ابرك=وياكثرمايندم على الهرج راعيه والحلم ياراعيه لله درك=اخذت ماكان النبي يتصف فيه |
السلام عليكم ورحمة الله وبركاته
هذي قصيدة قلتها في الاسبوع الماضي كنا مسافرين انا وثلاثه وكلهم حروب طبعا اثنين شباب ومعنا واحد عمره حول هالستين وكنت انا السواق وقتها وكنا نسولف بالزواج وعاد انا يعرفني ابوروان النويمي والله يكفيني شرتعليقه على القصيده هههههههههههههه المهم واحد من الشباب الي معنا اسمه نواف قال فيه وحده مديرة مدرسة ماتزوجت باقي ومدري كيف المهم يسولف وانا كنت مشغول بالقياده مافهمت كلامه زين قلت اعيد السالفه اللي قلت من اشوي؟ قال اعيدها بشرط تسمعنا قصيده. قلت يابن الحلال انافائق للقصيد هالحين.عطني السالفه.. قالوا ابد والرائي لشايبنا.قلت هاه يابومحمد ؟ قال ماني مزعل اثنين ومرضي واحد عطهم طلبهم ويعيد لك السالفه ويتوسط لك بعد هههههههههه شفت الرياجيل مافيهم حيله قلت هالهجينيه واعذروني ترى ماكنت مركز لو صار فيها لخبطه ههههههههههههه
ياشيخ حكمك مافيه انصاف=طاوعت هرج المجانيني شايب وتامرعلي اضعاف=وقدرك على الراس والعيني يالربع مالي هوى بالقاف=لكن وعد والوعد ديني وان جاء بوزن البيوت اخلاف=ياساحة الشعربيحيني لواضع الوا بدال الكاف=ياشين حكم السلاطيني هات الخبرقول يانواف=عجل ترى الشوق حاديني ترى رفيقك على مهياف=راعي طلب والطلب شيني عاشق وقلبي خضرميلاف=يحب ذكرالمزاييني ترى الدريول يباالميقاف=الخط ماتميزه عيني شفني بميل على الاكتاف=وبمشي ثمانين تسعيني |
درست علمي عند من يتقن الدرس=من جرب ايام الرخى والشدايد صبرعلى قسوة زمانه بلى حس=مايشتكي لوشاف مرالزهايد عاصرضروفه بعدمامسته مس=سودالليال الجائرات العنايد نفسه حبسها عن ملذاتها حبس=عقله دليله لين كسب الفوايد رفع حياته رفع عنما يدنس=يدرى على السمعه اهروج النقايد راع القناعه مذهبه عزة النفس=خل الظعافه للقلوب البلايد الرازق الله صل واركع له الخمس=مخاب من يرجيه بالجود جايد الدين حفظه عز وافلاسه العكس=والعبدلابده على الرب عايد يوم على روس الملاء تنزل الشمس=مقدارميل وعد ناقص وزايد |
آحب القلوب الوافيه واكره الحساد=طبيعه بنفسي ربي اللي وهبنيها احب النفوس الطيبه منبع الامجاد=وترى كل نفس طيبها من مربيها على قولة اصحاب المثل من زرع حصاد=حصد مازرع راع المزارع بواديها هل الجود تلقى الجود من منبع الاجداد=نفوس شريفه تتخذ طبع اهاليها هل الدين والتقوى لهم ودنا يزداد=وجيه علاها النور من نور واليها مدام الحياه ايام ياللي عصى وش عاد=خسرت الحياه الباقيه كيف تسخيها تزود من ايام الفنا دام معك الزاد=ترى ايامنا عجله وتمضي لياليها سكنا بعد وسع الوطا ظلمة الاالحاد=وكم من صديق غالي نودعه فيها |
انا بادي باســــم الله الواحد المعبود= عزيز ليا ضاقت على الناس يدعونه انا في رجاء اللي من ترجاه حاش الفود= انا في رجــاء الله مرتجي واحد دونه اله تجيه الخلق يوم الحســـاب وفود= وكل وما قدم لنفســــــــــــــه يلاقونه ياربي الطفبي يوم جسـمي وضع للدود= على موضــــع حتى البشر مايمرونه تنور لي المنزال مد البصـــر ممدود= وساعد ضعيف صكوا الباب من دونه نسواه القرايب والحبايب ولامنشـــود= وحتى هله مع مر الايام ينســـــــــونه ومن طاع ربه عاش عيشة هنا واسعود= ولو حاولوا كل الاوادم يضــــــــرونه يعيش بسعاده عصر دنياه والمقصــود= ليا مات يضحك يوم اهاليه يبكـــــونه تجيه البشــاير بالفرح قبل بيت الدود= وقدام ربعه للمغســـــــــــــــل يودونه ســــعاد سعاده كل ماتمتني موجود= مع الحور تنعم واستمع صافي لحونه تقابل حبــايب كنت معهم قبل موجود= من اهلك من اللي كل فرض يصلونه تذوق الامــان اللي منول معك مفقود= تعيش الحياه اللي على طول مضمونه حقيقه جليه واضحــه تقل عنها ارقود= نطـــــــارد ورى دنيا مثل فلم كرتونه بطول الامل نحسب وعمر الفتى معدود= حسايف تروح الروح والنفس مديونه |
يانجد لك يانجد في داخلي ود=يارضا بها نبع القلوب الوفيه ولوالوفا ماهو على ارضا محدد=من شان لاتخذ ني العنصريه واجد هل الامجاد واشلون اباعد= يصعب على غيري ويصعب عليه لكن شهادة حق و الحق ينعد=ومن لايعد الحق هذي خطيه اللي وقف في ساعة الجد ماصد= طيبه غمرني به بنفس رضيه الشكر والعرفان لوقلت ماسد=مهما تكلمنا بحقه ا شويه لكن تراني واسمع المنطق الجد= ولاعاش رجال يبوربخويه ان جاك من جور الزمن ماينكد=امانتك وان الامانه قويه تراي من حسبة اخوانك ولابد=اذكرجزاء معروفك اللي عليه |
دخيل اعيونك الحلوة كفى معاد في حاااالي=انا واشلون آقاوم للأسف والروح بيدينك تحت يدك على ودك رهين المبسم الحاااالي=عشق طيفك على كيفك قتيل الكحل في عينك قوامك لبس هندامك وشعرك من ورى الشااااالي=سعودية خليجيه جماااال وذوق يازينك ثمانك درة الياقوت مثل اللؤلؤ الغااااالي=يحليها العسل بشفااااك ياذاااك العسل وينك كلامك منتهى اللذة دواء للقلب فعااااالي= هداوة مع ثقافه مع نغم يطرب منادينك مديرالقسم من فضلك عمل مابغى به ارياااالي=يكفيني جرس صوته,, هذ مابيني وبينك دخيلك وظفوني عندكم لو شبه مرسااالي= على باب العيادة واعتبرني من محبينك لعلك يامنى ياغايتي لايابعد حااااالي=تروفين بحياة اللي هواااك ومغرم بزينك آحبك ثم آحبك ثم آحبك وانته الغااااالي=تمنيتك تبادلني شعوري بس ياشينك |
رمتني اسهوم الموت من ناظريه السود=قذائف من الهاون صواريخ بتريوت اطالع اجروحي والمس الواقع المشهود=اكررسؤالي ماجرى؟ والحضوراسكوت تبسم بضحكه كبريا وقعها مردود= وبانت ثمان كنها درة الياقوت حلاة العسل سكرنباتي ثمرمنضود=حوت مبسم بين البياض وحمارالتوت رشاقه لباقه مع حذاقه ليانة عود= لطافه نظافه كن منه الحلا منحوت قوامه كلامه لبس هندامه الممدود=كسا جسمه الرياااااان ياحضه المبخوت جماله دلاله كل ماقول فيه وزود=اناقه طلاقه قمة الذوق عذب الصوت مهذب مؤدب راقي الفكريامسعود=ثقافه حرافه ياقمر ياشهد ياموت حوى العلم وان العلم يبقى هدف منشود=لنفس طموحه رامت العزوافضل قوت سعودية المنشا عليها الحلا بشهود=تحدت بنات الشام واللي سكن بيروت وقعت بغرامه ول ياحضي المقرود=جرت نكبة التاتار في معركة جالوت |
----------------
|
شعري منزّه عن غثا الشتم والزور = مالي هدف ياغير كسب الجزيله فيه طبيعه ماعرف الفّ وادور = والغدر ماجيبه ولا مشي بحيله وضح النقا ماشي كما شعة النور = واعز نفسي وافتخر بالقبيله حنا عيال اكرام والصيت مشهور = نصخي عطانا مانمد القليله سلام ياعيسى على الطيب مذكور = ياصلك مني ياعشير الفضيله من بعدها بشرح لك العلم مجبور = وانته ولد رجعان حامي دخيله لك صاحب ٍ بالود مبلي ومقهور = نجم السما عني تحجبه مخيله اللهم يغزيني وانا قوله غور = لهجة اهل النيل ترعى الحسيله واليوم ياعيسى لنا سته شهور = ننطر خبر من يم نافل جديله سافر وخلّى القلب يصلا بتنور = واجر وناتي ثلاثين ليله لو ابتسم ياخوك ماني بمسرور = اخفي ورى البسمه هموم ٍ ثقيله من خوف يشمت بي من الناس خنفور = يفرح الى من شاف عيني مسيله كتبت لك خطي ترى الوضع مخطور = ومن لا عرف مثلك عليه الفشيله الشاعر خالد عبيد الاحمدي
هلا هلا عداد مايبلج النور=بان الصباح وزاح مسودّ ليله يالاحمدي تسلم بك الطيب مخبور=وربعك بني سالم ونعم القبيله دفانة الركبه ليا جا لها زور=الحرب يوم النذل يلقط شليله عرفت وضعك وانت شاعر ودكتور=وان غرني عرفي جهل لاتشيله قلبك خضر توه من الحب ممطور=واجتاح مع هدب المعاليق سيله عزالله انك يابيض الوجه معذور= واللي تعذب بالهواء عزتيله ياما وياما من هواء البيض محرور=من حبهن تشويه نار المليله كم عاشق من قاتل الحب مقبور=باسبابهن دموا عليه النثيله عينت قيس بن الملوح له اعصور=العامريه سالفتها طويله وعينت وافي مات هائم ومقهور=من حب شيمه والعيون الكحيله وعينت محسن وبن عدوان مذكور=في معجم التاريخ وابحث دليله وقلبي مثل قلبك من الحب مدمور=اهيّم لاشفت العنود الجميله واللي يلومك داله البال مسرور=يفطرعصيده ويتعشى بليله جاك الجواااب وكان جت مني اقصور=بالرد خذ ماطاب وارم الهزيله عيسى العوفي |
ياعل برق سواد الثّعل بامزونه=يمطرعلى ديرة حلت بها ساره وسمية رشت الخد وصفى لونه=قام يتلالاء ورق عشبه ونواره قلبي خضر والمطروالشعريسقونه =اطرب لبرق سرى بالمزن سماره يسترسل القاف نغمة صوت محزونه=تعبير عاشق بشعره ياخذ اطواره لوالغزل فيه ناس مايحبونه=الشعرلاحافني دعواه جباره احيان اصيب الهدف واحيان من دونه=سايق عليمي يخم ويطلق الطاره واللي يشوف الخلل ليغمض اعيونه=لايظلم الشعر نقاده وشعّاره تاريخ يروى لنا واجيال يقرونه=الشعر ادب قوم ماهو لعب واتجاره الشعر نوع من الحكمه يعدونه=ضرب المثل بالقصائد تبرز ادواره والشعرللنصح والذكرى يقولونه=روائع الشافعي تحيا بها اذكاره وبالشعركم عاشق ينظم بمضنونه=شعر امرىء القيس ينبينا عن اخباره والشعر نوع الرثا الميت يعزونه=خنسا على صخر كم قالت من اعباره |
خوتك عندي ماتثمن بمليون=هذي حقيقه ماصطنعها صناعه حيثك من اللي يسكن القلب ويمون=عيسى ولد رجعان نعم الشجاعه هيااستمع والعلم بيّن ومعلون=عجل وهات الحل سمعا ً وطاعه الفين اواحد سته اشهر يزيدون=صاحبك كم له لايع الود لاعه فيروس ود وصار بالقلب مكنون= حطّم بمكروبه جهاز المناعه انشد وتلقاني من الود محزون=من بعد ذاك الوصل جاته قطاعه ريمية ٍ تقتل فؤادي على الهون=وتجدد جروحه على كل ساعه وجدي عليها وجد فارس ومطعون= طاعنه في ضهره اخوه برضاعه جديلها من ريحة المسك مدهون=والعود مثل الشمع زايد مياعه من شافها معذور لو صار مجنون=لو كان شيخ شيوخ تخلف طباعه قلبي لها يابن الكريمين مرهون= حتى شبابي راح بعده وداعه مير البلا من دونها جيش فرعون= والفرد قالوا مايضد الجماعه وصلي على اللي اطهر انسان مدفون= شفيعنا في وقت قل الشفاعه الشاعر/ خالد بن عبيد بن معتوق ألأحمدي
هات القلم واكتب ملخص ومضمون=مجمل كلامي واطبعه بالطباعه [/QUOTE]للي دعاني في ابيوته ولايهون=وعن الهواء والعشق صاغ انطباعه شاعر نظم قافه على العين والنون=اثبت جدارة شاعر بختراعه هلاهلابك عد منهم يصلون=وسط الحرم صفوا وصلوا جماعه عرفك يشرفني ولو تطلب تمون=حاضر على الخدمه تراها وداعه كان الرفاقه كيف حالك و واشلون=وباللازمه ننحاش ماهي اطماعه رفقة لسان ومصلحه يالله العون=والياقضى اللازم لقط لك اكراعه لوتنشري خوة هل الطيب يشرون=في عصر كثرالنصب به والصياعه ياوي عصر راعي الطيب مغبون=من كثرمامرت عليه اللكاعه نعم الرجال اللي على العهد يوفون=مايجحد المعروف غيرالخثاعه والعذر ياخالد ترى القاف مجنون=طلعت عن موضوعنا ربع ساعه انا ادري انك في هواء البيض مفتون=ولالوم قلب لايع الود لاعه قلبك خضر مثلي من الود مطعون=يعني على قولت سوا في البضاعه لاشفت ملهوف الحشا واشقر اللون=راع العبايا اللي بمشيه مياعه معاد اشوف اللي على الكون يمشون=وقلبي العنا عندي تقوبع اشراعه وقام اللسان يقول ويهمهم اللحون=والقاف للعاشق قوي اندفاعه الشاعر/عيسى رجعان العوفي |
لادعاني داعي القاف الجديد=ابتدي وآقول باسمك يارحيم آجد المتعه مع احروف القصيد=انزل الميدان لاوني غشيم والرجال من التجارب تستفيد=اسئل مجرب قبل تسئل حكيم آتعلم من هل الراي السديد=ومن سئل ماتاه قالو من قديم ومن تكبّر يحتقر علم وآكيد=التغطرس مذهب ابليس الرجيم يمتهن بين الملاء ماله وديد=سيمة الجاهل وذا العقل السقيم والتواضع خلق باصحابه يشيد=من سلوك العالم الفذ الفهيم عز؟؟ قاله سيد الخلق الفريد=من تواضع يرفعه رب عظيم والمصيبه عاد والعيب الشديد=الكذوب وراعي الوجه اللئيم كيف هان النفس وارخصها البليد=ذلها بالكذب نزلها الحطيم كيف؟ كيف؟ وكيف؟ كيف؟ وش يريد؟=عيب عيب وشق جيب وياعليم؟ لاجلس له مجلس نعم الوليد=انطلق بالهرج مع كذبه يهيم الغبي صادوه قبل انه يصيد=العرب تعرف تطمئن ياعديم والصدوق اللي بهرجه مايزيد=له وقار بمقتضى القول السليم |
عيسى العوفي من تواضع لله رفعه إليكم القصيده وليدة موقف تعبرعن نفسها آمل أن تحوز على شيء من اعجابكم
موقف اخذ فكري ودقن الأجراس=والشعر راع البيت والفكرضيفه على الهوامش خط حبرا بقرطاس =مجمل عباره صغتها بالصحيفه عندي تسائل ؟؟؟ صابني منه وسواس؟=عصرا تغيّر وانتكس منه خيّفه لاباس ياللي تحمل العرف لاباس=أغّمض وقول العين عندي كفيفه ليه التواضع يعتبرضعف ياناس؟=ياللأسف عند العقول الضعيفه خلق رفيع لصاحب العلم نبراس=اصبح لدى الجهّال سيمه سخيفه تفكير ساذج منحرف يوجع الراس=مبكي ومضحك شبه نكته طريفه مدري غبا؟ مدري جهل؟ مدري احساس=بالنقص ؟ عذرا للنفوس الشريفه الكبر خلق سيء مافيه نوماس = ولافيه قاموس سجلّه يضيفه |
جذبت قلبي جذب مع نغمة الصوت صوتك من الهاتف يجنن سمــاعه sssssssssss ياشهد ياسكّر عسل نحل يـــــــاموت قلبي عجز ياصف عليه انطبـــــاعه sssssssssss وقف اللسان وقابل الرد بســـــكوت ردة فعل مالي عليها استطــــــــاعه ssssssssssss نغمة ســــــــحر من منبع كنه التوت من صـــــــــــافي السكّر جديد متاعه ssssssssssss مسكين عيسى في عنا الود مبخوت وموج الهواء ينسف علينا اشراعه |
هذه قصيده قلتها بمناسبة حفل قبيلة الرشود من عوف والانتها من تأليف الكتاب والذي يخص قبيلتي الرشود واصدار الشجره الخاصه بهم والتي اصدرها الاستاذ سعود بن سعد بن حمود الرشودي..وفقه الله
هات القلم واكتب لي القول ياسعود=ابيات من تأليف عيسى الرشودي حسب التسلسل واحذر النقص والزود=هرج بلا معناه مامنه فودي ماريد يلحقني من الشعر منقود=ولاني على بعض الكلام محدودي وجميع مايلفض من القول موجود=يحفظ ويوم البعث ضمن الشهودي يالله بنا رحماك ياخير معبود=لطفك وعفوك لادخلنا اللحودي ومن بعد ذا للشعر معنى ومقصود=يوم احضروا ربعي سلائل جدودي سعيا لبو نايف راع الطيب والجود=يشكر على مايبذله من جهودي سلام مني عد ماتذري النود=وعدد حصى الحره ورمل النفودي سلام ياربعي بلاحد محدود=ذخري وفخري كل واحد رشودي ورجل بلا ربعه ضعيف ومضهود=لو رأس ماله فاق كل الحدودي ربعك ذراك ان ضدك الوقت بضدود=يقفون كل في وجوده يجودي من طارف ربوعك ليازارك أوفود=اضحك لهم خلك بشوش ودودي واياك والنمه ترى النار من عود=تبدا شراره كان زيدت تزودي يشبها بين الآجاويد مقرود=ولا ولعت ينحاش عنها الشرودي يحرق سناها الطيبين وهل الجود=ويفرح بها القلب اللغيد الحسودي وهذ خراب الساس ناقد ومنقود=فرقا وشتى اسم بليا وجودي والعز والله طاعتك خير معبود=طاعة قوي كلنا له سجودي |
آحب الصدق ذا شكلي وطبعي=وكلمة حق عنها ماتراجع وآذم الكذب واقفل عنه سمعي=كثير الهرج يأثرلي مواجع يبان الكذب لو زخرف بلمعي=تعرف الناس تزويرالمراجع وآحب العلم نورالعقل شمعي=يضيء دربي ليا من صرت ناجع ومنعت النفس باب الظلم منعي=سرت دعواتهم يوم انت هاجع رحوم القلب فوق الخد دمعي= لياشفت المـــــآسي والمفاجع وآحب المزح مع ناسي وربعي=خفيف بحد ماهو حيل واجع وآحب الشعر من طبعي وصنعي=اجر الصوت بالاالحان ساجع |
من البدايات القديمة
على الهجيني بدعت القــــــــــــــاف = مقشــــــــــــــــــــــر حياة العزوبيه ســـــــــــافرعشــيري ربوع طـــاف = ولاعـــــــــــــــاد لي حدد الجـيـــــه الله يـــــــــــا مصعب الميقـــــــــا ف = يوم اعلنوا رحلته ليــــــــــــــــــــه عساه يرجع بعد مصيــــــــــــــــا ف = عبر الخطوط الســــــــــــــــعوديــه وان كان ماجا ركبت الهــــــــــــــا ف = بنحول الوضـــــــــــــــع بريـــــــــه الكــــــــــــــــــابرس منوة الميلا ف = للي مشـــــــــــــــــــــــى ناصي حيه اليا تمايل مع المعطـــــــــــــــــــا ف = يصفق انبيره ورى الميـــــــــــــــه المــروحـــــــــــه دارت الحـــذا ف = وحرك تروســـــــــــه مريكيــــــــه وشمعاته اربع مع الكشــــــــــــا ف = وبالركن لمبات غـــــــــــــــــــازيه الكابرس مـــــــــــــــــــاعليه اخلاف = انتاج شركه اجميحيـــــــــــــــــــه |
شفتك نويت مغادر الـدار ياجـار=وسببت للجيـران هـم وحسـره ارجوك حس بوضع هايم ومحتار=عشق وغلا وفرقا توديـه قبـره وارجوك قبل اتروح وتغادر الـدار=تلقي على عيسى من العطف نظره وارجوك تاخذ له معك شبه تذكار=وتكتب عليها اتقول من همنا امره وارجوك لامنه صعد فيـك طيـار=تسكب على شاني على الخد عبره |
يالله يامعبود تقبل صلاتي= وتجيرني يارب من وهاج النار [/quote]كرهت دنيا ايامها زايلاتي=قنعت منها دام ماهي لنا دار لازاد همي جيت اجمّع شتاتي=شتات قلب من عنا الوقت محتار وارسم لنفسي مسلك في حياتي=يراقبه من عالي البرج رادار اصور احساسي وتفكير ذاتي=وآبث صوتي عبر نغمات الاشعار والشعرحبه يمكن ابرز صفاتي=ولاقول أنا شاعر محنّك وبيطار ماشي بدربي والعزيمه سماتي=لازلت آحاول وآتعلم من كبار تلميذ واحمل بالحقيبه دواتي=اسم يناسبني ولايمّه انظار اليا نسيت آعود لمدوناتي=حصاد كسبي من هل العرف الاخيار مرتاح دام أن القناعه غناتي=لأني رضيت بحكم تنزيل الاقدار عرفت مايصرف فلاهو بآتي=مهما سعى الساعي وماطاير طار ورزق بقاع بحورها المظلماتي=حتما يجي راعيه لو صار ماصار |
هذا ردي المتواضع على الشاعر صقرالمراقيب
والمعذره على القصور ..... يقول خالد
قول السعيد المشتهر فيه قلناه=شعرك جزل مبدع ومافيك حيله واجيز نص ٍ تكتبه دون لقراه=لني عرفتك ماتجيب الهزيله شاعر جمع بالشعر وزنه ومعناه=وياحلو نضمه بالبحور الطويله اقصدك ياعيسى نعم من عرفناه= واقول بالعوفان نعم القبيله تحمى حماها قوة الفعل والجاه=وفرسان تغزي بالمهار الاصيله بعطيك علم ومنك الرد نبغاه=وكم عاقل ٍ بالوقت ضيّع دليله صاحبك مما شاف يشكي على الله=اللي هلك من جاب للبيت فيله لا تنزعج لوحيتني قلت عزاه=مما نشوف من الردى والفشيله الناس ياعيسى على نهج مرضاه=بالمجتمع قامت تضيع الفضيله الجار ضد الجار مهنا موالاه=والبعض لجل المال يغدر دخيله وزاد النفاق وصارت الناس تهواه=والصدق راح وشبعت الناس حيله ولويفرح المحتال لا نال مغزاه=يروح ماناله بنفس الوسيله وصلي على اللي جمّل الله مزاياه= اعداد وبل الغيث لاسال سيله الشاعر / خالد بن عبيد بن معتوق ألأحمدي= -----------=----------- -----------=----------- جا من راع الفقره خطاب قريناه =مضمّنه عدة بيوت جزيله هلاعدد برق من الغرب خلناه=دونه زمت رؤس الرجوم الطويله يوم انطلق ربان ثعله نثرماه=وانساق مع رؤس الجلاميد سيله شاعر يحبك القاف ويجيد معاناه= دكتور شعربحقه ايضا قليله من لابة تثبت نهار الملاقاه=تحت سنا حدب السيوف الصقيله دفاّنة الركبه لياقام هيجاه=حرب الوغى رجالهم يرتكيله ويالاحمدي كل شكى ميل دنياه=وكل خذا من نكسة الدهركيله آشوف ماشفته وشكواي لله=عصرتغير بين يوم وليله لأهل النمايم بالمجالس ملالاه=حتى المقفي مايخلى سبيله والجارياطيبه لياكف بلواه=عن جاره الغالي ولو مايجيله البغض زاد وكل يحد شلفاه=على رفيقه واقف يعتزيله اتفه سبب يجذب رفيقه من اقصاه=كنه عدوه منه يبردغليله الحلم راح ولابقي غير طرياه =وراحت زحاحيل الرجال الثقيله والصبرياخالد ترى الصبرمحلاه=رفعة مقام وفيه كسب الجميله عيسى العوفي= |
أنا يانداء بشكي لك الحال بس ارجوك=تقدرضروفي لاتكبروتنقدني اعدك صديقي وانت كل العرب حبوك=وأنا عرفة اللي مثل شرواك تسعدني أنا يانداء قلبي خضر بالهواء مشروك=وياما نصحته بس قلبي يعاندني لي اسنين آحاول فيه وآقول له يابوك=ترى الناس تنقد قال لي لاتهددني ومع آخر حدث توه وقع قول له مبروك= نهار أمس بعلمك من قبل تنشدني بسوق الهرم ضاعت علومي وضاع البوك=جلبني لها مقرود من قبل تقردني رماني بعينه راعي الملبس المحبوك=تغلب لجل مافيه قوه تساندني نحيلة خصر عمهوجة صدرها مفكوك=تطالع بعين كن فيها تحددني عيسى العوفي=
هلا مرحبا بالقاف لجالنا مسبوك=من الشاعر اللي بالجزاله معودني بعد ما قريت القاف جبت القلم والبوك=وطنشت من هو بالمصالح مواعدني ياعيسى علشانك نحوك القوافي حوك=اباسرع بمردودي عسى الله يساعدني اقدر ظروفك واعرف الصح و المشكوك=بعيد(ن) عن المنقود شرواك ما يدني واعدك رفيقي واعتبرني مقام اخوك=واباعطيك رايي فيك وابغاك تيّدني انا اقول دايم خل باب الهوى مصكوك=تجنب طريق التهلكه لا تقلدني تراني وانا خالك بشبك الهوى مشبوك=والى جاء مجال(ن) للمحبه يعقدني لا تقرب مداهيل الظبا دربها مشيوك=وتجهد قدم رجلك وقلبك وتجهدني نداء الغيداني= |
حقك علي ان كنت ضايق وزعلان= آعاهدك نبدا بصفحه جديده جيت استبيح العذر لو كنت غلطان= والعفو من ضمن االخصال الحميده إن الخطا يابنت من طبع الانسان=ولافيه نفس من الغلط مستفيده مهما يطيش الظلم للحق ميزان=يرجح ومن ضيّع طريقه يعيده والشعر مايوفيك حقك ولو كان=آصبّحك في كل يوم بقصيده إن قلت لك لولو وعنبر ومرجان=وان قلت لك ياجوهره يافريده وإن قلت لك ياقوت وإن قلت ريحان=وأن قلت دهن العود والا نديده وإن قلت لك ياورد كادي ورمان=آحسها في وصف شخصك زهيده آخاف نفتح باب وتصك بيبان=تطوفها بعض العقول البليده يالنادره كل المزايا بك احسان=استثني الا في نقاشك عنيده الحق باقوله ولاني بندمان=حتى ولو جا عكس شيء نريده خاين ضميره يتعبر شخص جابان= ضيّق على نفسه فجوج مديده يخاف من كشف الحقائق ليابان= عائش بذل ولاحياته سعيده |
لي شهر مدري علامي عن العالم عزوف=وندز افكاري يبيله إعادة برمجه اتوجّد بالقصائد وترتيب الحروف=لجل يسلى القلب عن هجس هم مزعجه عيب للرجال كثر الندامه والحسوف=والحياه اقدار باحكام ربه مدرجه مالك الا ماكتب لك وذا شيء معروف= واين ماساقتك الاقدار مع درب اتجه لاتكثر بالشكاوي تراها للضعوف= اطلب الله واستخيره بنهج تنهجه لاتهين النفس مهما تحدتك الضروف= ذلة الرجال مشيه طريق يحرجه عش عزيز رافع الراس من فوق الكتوف=نعنبوا راس مع الرؤس يمشي بعوجه عيسى العوفي= |
حسيت كنك من وجودي تضايقت=هوصح؟والا طبعي إنسان حساس؟. عجزت أميّز من غموضـــــك وصدقت=احساس قلب وجيت للنبض جساس ارجوك صــــــــارحني تراني تشوّقت=اسمعك لوتفتح معي صفحة الياس تدري ليامنّك بدنيـــــــــــــاك دققت=الصـــــدق لوهو مر مايزعل النـاس وإن كان من صدقي معك ماتحققت= كل الرســــائل حطهـا بين الاقواس امشـي على وضح النقـا ماتدرقت=جيتك على ساس وغادر على ساس مني وعد لابقـى على العهد مابقت=وعليك مـــــــــــايفرح عدو وبلاس عيسى العوفي= |
عجزت أقاوم هاجسا يابو فواز=عيا يروح ويترك القلب يسلا بذلت جهدي قلت لعلي أجتاز=خسرت وأصبح طاغي الهم يعلا حاولت اصد الفكر والفكر ينحاز=ولافيه قلب من الهواجيس يخلا وباب الدغا طرقه تراه اكبر إنجاز=والصبر مره لاتوكلت يحلا سلمتها ربي ولاعاد يعتاز=ومن غير رب الكون للهم يجلا |
الساعة الآن 10:48 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
