انشدك عن ورع تعلق بطفه = في موقع ماياصله حايم الطير
ورع صغير وبه رشاقه وخفه=وليا برز يهزم ارجال مناعير

انشدك عن رجل كريم جنابه = يسعى بالخير وبالمحبه والاحسان
اعياله ثلاثين وهم من حسابه =ومن انكره ظالم وخايب وخسران
وعدة بناته بامدور ثوابه= اربع وعشر ومية دون نقصان
الرابح اللي حصّله في شبابه= ومن طاوع امره ونشغل فيه ربحان

انشدك عن رجل فعوله جليله= يقطع وياصل ون مشى بدون رجلين
يومر وينهى والاوامر تجي له =من بنت ساعة ترسله يبهر العين
تجي لها بورع نحيل تشيله= وتقول خلك واسطه بين الاثنين

انشدك عن رجال فاتك وسفاح=جلاّدكان ا ن الضروف اسنحت له
يذبح شباب وشيب من دون الارواح=وماجا على دربه تفنن بقتله
بقيادة اثنين يحبون الاصلاح=وكم من جموع ثابته سرحت له

انشد عن اللي موته عند طمعه= وسبب وفاته غلطته مع زميله
تخالفوا على الذي تم جمعه= يامن توفى ماهتنى في حصيله
ثم صار للاثنبن قصه وسمعه = قصة قشر لو كان ماهي طويله
وصارت مثل وانته تفضل برمعه = ترى العلم مرفوع فوق الطويله

وشرجالين ضخمين = شفتهم سوى ماشين
اذا كانوا مجتمعين= مع بعضهم صاروا مره
لهم فايدة معروفه=في فعل القوه موصوفه
فايدة الاول في جوفه = وفايدة الثاني بظهره

وشقبة من حديد ببيت مكرمها = يسكن بها اعيال بنت علمها طيب
تبدلت واختفت والوقت ظالمها = سكانها غادروها والمدى قريب

وشالعجوز اللي خطير خطرها =اللي على نوعين مبدا هدفها
نوع تصيب الغافلين بضررها =الظلم فيها مايشرف شرفها
والثانيه بعض الرجال اعتبرها = ساس الحياة اللي قليل نصفها
عند الرجال اللي قريب نظرها = ومن كثرها بالكون كل عرفها

نشدك عن ورع من امه ورثناه=يثبت الثابت على اكتوف راعيه
لحظة طراته للمهمه عسرناه=وبعد قسى عوده ثبت في مرابيه
جود ضلوع الرجل واثبت زواياه=ويضا عصب راسه وجود علابيه

وشالذي تشريه مشوي وتشويه = وان مات ترمي جثته خارج البيت
ميت ولكنك لحاجتك تحييه = ويردي اليا منك بحقه ترديت