بيني وبينك كلامي صمت=حروف ماعبرت ليه
أمنت با لله لك اقسمت=انك مثل هذه وذيه

ياود قلبي شكاك أشجان=من سبة غيابك جروحه
اليوم شفني بقايا أنسان= هيكل جسد فار قت روحه

يوم القدر حل حبيتك=لابختياري ولاكيفي
يم القمر فوق عليتك=طيفك تعانق معه طيفي

يالهفة الشوق روحي له=خليه يشرب من الفنجال
ويله من الله ياويله=يومين ما قال كيف الحال

همي شعل في فؤادي نار=يشب وانا اتقي صاليه
والعقل شغل له الانذار=لكن تجاوب أبد مافيه
لجلي ضربت الغبار وطار=عن وجه كل البشع حاويه
نلت الجزاء من جزا سنمار=خسارة الزرع يا مسقيه

مالومهم حين لاموني=لاإنهم ما يشوفونك
لوناظرو لك من عيوني=يمين ما يوم يسلونك

شكا فؤادي اهات وشوق=وتجوب الحرف مع شوقه
وكتب لهااجمل المنطوق=للي علا ذوق منطوقه

احتاج لك مثل مايحتاج=الورد لند باوراقه
لهب ريح الشمال انعاج= تعبير عن كامل اشواقه

اليوم سويت كشف حساب= طلع رصيد الغلأ زايد
سألت قلبي عن الاسباب=قال السبب فايض العايد

ودي بحر واشتياقي موج= يصفق على جال شطآنك
محجوز بين الضلوع العوج= لو يفني العمر ما خانك

عميق جرحي نزف دمه=لنه سبب ماحصل ليه
مادامه ألامر ماهمه=لجل ايش يبحث خوافيه

بعض البشر يجلب الضيقة=عايش حياته بدون احساس
مدري البلا في مخاليقه=والا البلا قلبي الحساس

لاتحسبونه بشر عادي=بينه وبين الخلايق فرق

لنه ملك كامل .فؤادي=لما استحله بلمح البرق

طبعي كذا ماتصنعته=امشي لهم بالوفا ياعين
ولااندم إذا كان ضيعته=معروف عند اللذي ناسين

بينه وبين البشر فارق=ماله حلايا بكل القوم
في حل ياذالك السارق=اللي سرق من عيوني نوم

احتاج لك مثل مايحتاج= الورد ذاك الندى اوراقه
لاهب ريح الشمال انعاج= تعبير عن كامل اشواقه

غيرك من الناس لاشفته=ارد فيه النظر لكن
انت اللذي بس والفته=غلاك في مهجتي ساكن

أخر عضو فا لحياة القلب=لامات مات الجسد كله
وأكثر عضو يحتمل للغلب=وانته سكنته فلا تذله

موج البحر دمعة اهاته= ودمعي من أهات تحويني
عشت الزمن في متهاته= فيه الفرح دوم. ناسيني

اللي اوده فدون الناس=به ميزة ٍ فرق مارية
ترفع رصيده بدون قياس= عالي وألآرقام سرية

فايض من الجود مديته=مال المواطن معه معذار
يا خادم البيت وافيته=شعب الوفاء محتمي لدار

جمره بقلبي سنها يويق= طفيتها من دموع العين
لكن عادت بحجم طويق= منها انقسم قلبنا .قسمين

ياللي مكانك بقلبي غير=ماكفاك تعذيب وسرافه؟
مرفوض عذرك مع التبرير=داري على القلب بالرافه

ياحرف غرد على شاطيك=مثل النوارس على الشاطي
لاتلتفت دام ما يعنيك=كلام من بعده انقاطي
اللي يهمك غلا مغليك=عالي ولا يقبل الواطي
ولابد الايام ماتنبيك=عن طبخها عقب ما شاطي

قلبي بمشتى جبال ألآلب=له عام ويكمل الثاني
يقول ماب الشقا والغلب=بعيش في قرب خلاني

شفت البحر مع غروب الشمس؟=ما يعتلي لونه الحمره؟
لاإنها تودعه في همس=تقلّه إلى اللقا بكره

الورد بين الغصون يبين=ويفوح منه شذا عطره
كذا هوالشعر بين أثنين=النظم. والاخر الكسره

قلبي تعب والزمان اضناه= يشكي أسى روح منصابه
صابر وكثر الجروح اعياه=اللي لها سنين ترعابه

ياليته القلب له تهكير=أبخترق قلب مظنوني
وزيل منه وجود الغير=وبقى وهو في مفتوني

اشهد ان لا اله الا الله وان محمد رسول الله=

يا من شكا الهم في عمره=وكل يوم عندك عناه يزيد

كُل ماتنفس لهب جمرة= تطفيه لك كلمة التوحيد

لجل أيش نكدر خواطرنا=ومن القدر مانغير شي
حكم القدر ما يشاورنا=حاكم وحنا معه نمشي

شمس الحقيقة وضوء الطيف=تبين لولليل ظلمك طال
الشمس تحرق الوان الزيف=يبقى الاصل والمحال محال

فجزيرة الشوق معزولة= مامرني قارب وصالك
حتى البحر قال معقولة= نسيك ! والا لقا بدالك؟

ياحرف غرد على شاطيك=مثل النوارس على الشاطي
لاتلتفت دام ما يعنيك=كلام من بعده انقاطي
اللي يهمك غلا مغليك=عالي ولا يقبل الواطي
ولابد الايام ماتنبيك=عن طبخها عقب ما شاطي

لا يغرك الحرف ياقاريه=حبره دماء نازف جروحي
وإن كان عذب الكلام ابديه= يبقى ألم محتوي روحي

ازرع لهم ورد. وجني شوك= دما كفوفي. جنى ثمره
يا نفس .لونهم لاموك= من جهلهم .ماخفاك امره

شمس الحقيقة وضوء الطيف=تبين لوليل ظلمك طال
لابدّ .مانكتشف للزيف= يبقى الاصل والمحال محال

يانفس من يومي اليومه=مجبرك من شان نرضيهم
اللي بهم كنت ملزومه= راحو ومرت لياليهم

محظوظ قلبٍ هواك انته=لجلك عن الغير بك فارق
يكفي وداده معك صنته=وغيره ببحر الاسئ غارق

ياما اتغاضى وارد النفس=عن كلمة/ن/ كنت ما بيها
لكنها احيان تبقى درس= واجب على الشخص. يبديها