|
الراوي الصادق= ســـلام فـالـمـوقـع الأمــيــز=اللـي أخــذ مرتـبـة ممـتـاز لـلـي فألامـثـال كــم أنـجــز=لاكن ماحقق معانا إنجاز حفيدالحجيري= ترحـيـب يـامــن لـنــا أبـــرز=سيفـه وحولـه رجـال عْـزاز وألاّ ،، لنا حرف كم أعجز=اللي حروفه عليك اِعجـاز الراوي الصادق= اتـــــروح واتــعـــود لـلـمــركــز=اللي يابعده عن المركاز يقـطـعـك يـاشـاعــرً يـعـكــز=مايمشـي الا مـعـه عـكـاز حفيدالحجيري= قـيــل الـدِعــى للـعـجِـز مـنـجــز=وللي من اسمه ما عمره حاز وعن كُثر غثّك . خذ الموجـز=عــبــدالله مــاهــو كــمــا نــــواز الراوي الصادق= ورقان راسي ولاينهز=ولا انت دائم على الهزاز لكن ياصاحبي قعمز=الله يخلي لكم فواز حفيدالحجيري المردود الاخير = خريش احمد رجـع يغمـز=بعـد كسرنـا لـه الغمـاز ابحر بهوري وسـط هرمـز=نص المسافه و سويتشه باز |
طرفه سحابه وقلبي أرض=أروى ثرى الأرض من ماها اللي سكن في فؤادي عرض=والروح بالطول ساواها |
مريت بحر الهوى والود=لقيت فيه الأسى ألوان هذا دموعه تبلّ الخد=وهذا لا ونّ أفزع الحيتان وهذا يقلّك حبيبي صد=وهذا يقلّك حبيبي خان وأيقنت!! في جزر وألاّ مد=ناجي .. بحور الهوى.. غرقان |
حسن علي البشري= حكّام في حكمهـا سـادت=عاشت على العزّ وسط قصور بأسباب كُفر النعـم بـادت=وماتت على الذلّ وسط جحور خالد بن عبيد الاحمدي= ذي حكمة الله لارادت=من يظلم الناس يلقى جور والناس بالعلم لو فادت=جابت حقيقه وفيها زور |
غُزر المعاني ما نفتلها=إلاّ لمن نقضها ما أعضاه اللي ما تُنقض لقايلها=تبقى أسيرة شفايا فاه !! بنتن على الطيب جابلها=يُرزق ويزهابها وتزهاه مسجونه فدار عايلها=وصوفها ما علمها سواه جهد الفتى كانه أهملها=يذهب سُدا لو تعالى بناه ما أجمل اللي يجملّها=وإن شانت . الزين يا ما أشناه
بخيتان= غُزر المعاني ما نفتلها=إلاّ لمن نقضها ما أعضاه اللي ما تُنقض لقايلها=تبقى أسيرة شفايا فاه !! بنتن على الطيب جابلها=يُرزق ويزهابها وتزهاه مسجونه فدار عايلها=وصوفها ما علمها سواه جهد الفتى كانه أهملها=يذهب سُدا لو تعالى بناه ما أجمل اللي يجملّها=وإن شانت . الزين يا ما أشناه
الحجوري= قريتها قلت احللها = وحللتها للذي يقراه الحل كسرة اخايلها = إن كان مالي لو والواه مثلي اشوفك تدللها = دلال زايد وله معناه بفكرك وحرفك تغازلها = ولا جبتها جبت كسرة جاه افكار وعقول تشغلها = وقلوب تنبش عليها الاه [/center][/size]
راسم مشاعر= من يفعل الخير يسألها = حيث عملها لوجه الله يمناه تسخى وتجهلها = يسراه ماقدمت يمناه تبقى فصدره وفاعلها = بالأجر رب الملا يجزاه المن واللفظ يقتلها = ويذهب هباء الذي سواه "النيه الصالحة" أفعلها = نبينا بذلكم وصاه صح الله لسان مفتلها = وهذا اجتهادي وحررناه |
صقر المراقيب= قوم احتفل وارقص بعسفان= من بعد خاطركم تشفّى جابوه غرقان بالدّمان=وتوكدوا بنّه توفّى
الحجيري= هذا جزا الخُبث والطغيان=وسط المواصير يتخفّى والآن في رحمة الرحمان=كل حي بأعماله يوفّى |
خالد بن عبيد الاحمدي= اهل المدينه لهم عقدين=امن الامانه يبون الحق اعمارتك حدّها دوريـن=وممنوع تبني بها ملّحق حسن علي البشري= ما فيدكم بأمرها ذلحيـن=حتى من الوضع أتحقـق لأنني شفت شوف العين=عمران بالشوف ما يِلْحق خالد بن عبيد الاحمدي= فالمركزيّه بناهم زين=وفالداير الاول مصدّق وفالفيصليّه وهي ثنتين=وفبعض الاحياء ماتطبّق |
خالد بن عبيد الاحمدي= ردّة وفا جات محكوره=ياراعي الطيب والعدلا لابيّنت للبطل صوره=دقّ التحيّه لخو هـدلا حسن علي البشري= ترحيب من هاجس أسطوره*=ينصاك يـا لابـس البـدلا واجب لا جابوا لأخو نـوره=طاري . يابو عبيـد تعتـدلا خالد بن عبيد الاحمدي= ماحتاج في حبّه امشوره=وبالهرج لاتميّل العدلا احنا على العهد مانبوره=ونمشي على نهج معتدلا الحجيري= علامها أحرفك مكروره=عنيتها بقافية ادلا ولاك ما نشك في دوره=وحرفي حسب ما رأى أدلى |
خالد بن عبيد الاحمدي= ان قلت جوالهم مخشـور=ماف بسوى خط مشتركـي كلّمت تركـي وردّ سـرور=ومن حقّي اشره على تركي حسن علي البشري= منتـه فشرهتـك ذي معـذور=وش فرق براك عن بركـي!! يا صقر كل الثنيـن صقـور=وإن طرت من شرك في شركي خالد بن عبيد الاحمدي= انتا سعودي حفيد ابشـور=ماقلـت جنّسيتـك تركـي منهاجك الحق ّ كيف تجور=يومك على صاحبك تركي حسن علي البشري= انته جريدي لنـا مذكـور=بالطيب منـتَ دنَماركـي انصفت . واللي يغطّ النور=يا صقر في أسفل الدركي |
حسن علي البشري= يا صقر كم من عزيز انهان=والوقت لـه دوره و دوره عسا نهايتك يا شيهـان=ماتكون في جوف ماصوره خالد بن عبيد الاحمدي= اللي توكّل على الرحمان=يسلم من الوقت وشروره وعسى شهادتك ياذيبان=اتشفّع فركب وحجوره |
خالد بن عبيد الاحمدي= /بعد اعلن الشاعـر القنـاص=خـل البدايـه علـى ايدينـا حسن علي البشري= ارفع على الهِدّ يـا بصـاص=وأهداف ماجد مـا تعضينـا خالد بن عبيد الاحمدي= خطّ القلـم يتبعـه قصـاص=من شـان يعـرف معانينـا حسن علي البشري= غزر المعانـي لهـا قنـاص=واليخت يرسى على المينـا خالد بن عبيد الاحمدي= وش قيمة الفرد جنّب الشاص=عند العرب من بـدو سينـا حسن علي البشري= قيمة أنيسا بجنّب الباص=عند الحجيج الملبّينا / /
خالد بـن عبيـد الاحمـدي = صدّام يـوم اعلـن اجهـاده=قولـة نعـم لازمـة لاسمـه وشرواه فـي يـوم ميـلاده=امّـه تسلّـم علـى خشمـه حسـن عـلـي البـشـري = قايـد وشــرواه فالـقـاده=من قسمهـم دايـم الدسمـه وقايد بلا فعـل فـي بـلاده=متزعـمّ الشعـب كالرسمـه خالد بـن عبيـد الاحمـدي = مـن بعـد ماجـاه جــلاّده=بهجـوم مايرتخـي عزمـه قصـدي معمّـر مـع اولاده=فالمرجله كـم يجـي رقممه حسـن عـلـي البـشـري = طاغي ومـا فـاده اعنـاده=ما يحمد الله علـى النعمـه وكان المراجـل لهـا سـاده=سميتـه معمـرّ الرخـمـه خالد بـن عبيـد الاحمـدي = عنيـد ماعـنـده اركــاده=صدقـت ياراعـي الحشمـه لكـن ماانصفـت كالـعـاده=يوم انت بالغت فـي شتممه حسن علي البشري= فطالب تطاول علـى أستـاده=و منّا بغـا ينـزع البسمـه حـاول بخبثـه وأحـقـاده=يغتـال قلبـاً كمـا النسمـه وش تنتظر ؟؟ مني إشاده =!!!إلّا عسـاه البـلا فجسـمـه حتـى يعـوّفْـهْ فــي زاده=لا سلـمَّ الله بـه عظـمـه |
بخيتان = بإعداد حبر القلم ماخط = على الورق لين يوم الدين سلام عندك رحالي حط = وانت الذي لليمين يمين حفيد الحجيري = بــأعــداد ذرات رمـــــل الــشـــط = وأعداد منهو خُلِق مـن طيـن ترحـيـب مــا قـيــل مـثـلـه قـــط = مخصوص مني على الغالين بخيتان = اللي في دربي تعمدّ نط = دعسه قضية على الماشين ؟ إن كنت مخطي جنابي خط = ياثقات وبحكمكم راضين حفيد الحجيري = من نط دوسه وعنه اشخط= واكشح بعاليك للباقين ذا حكمنا وللحروف نقط=تفرق بها بين سين و شين |
مرحوم .. والقلب والأعيان=فُقد يا .. سلطان .. مضنيها وعيناً ما تبكيك يا ... سلطان=ما ضنتي .. عين .. تبكيها |
خالد بن عبيد الاحمـدي = اهل المدينه لهم عقديـن=امن الامانه يبون الحـق اعمارتك حدّها دوريـن=وممنوع تبني بها ملّحق حسـن علـي البشـري= ما فيدكم بامرها ذلحيـن=حتى من الوضع أتحقـق لأنني شفت شوف العين=عمران بالشوف ما يِلْحق خالد بن عبيد الاحمـدي= فالمركزيّه بناهـم زيـن=وفالداير الاول مصـدّق وفالفيصليّه وهي ثنتيـن=وفبعض الاحياء ماتطبّق حسن علي البشري= مادامها مقسمه قسميـن=وانتـه بأدلتـك متوثـق بعد الله ، آل السعود تعين=والعـدل لابـد يتحقـق |
الحجيري= البيرق المنصور=أغيب وأشتاقلك وأعود=أسابق الوقت لعناقك وألقى مشاعرك فيها برود=الله يا مبرد أشواقك فغيابك الملتقى ملهود = اركانه تشكي من فراقك ومن قبل قبل كم عقود = القاف بالعاج مشتاقك
الحجيري= البيرق المنصور=مادمت يابو حسن موجود=بحرفك وفكرك وأخلاقك بتسدّ والجود بالماجود=والقاف بالعون ما عاقك انا ولا شي يابن الجود = عزالله من دون ميقافك ولاجات للنار والبارود = خذني رعودك وبراقك
الحجيري= البيرق المنصور=اِبشر لعيناك وارقى سنود=ميقافنا فاللقا شاقك الطيب ما بيننا ممدود=وفالدرب لا تنثني ساقك منك اتعلم امام الفود = لاتكون قاسي على ارفاقك واللي بذلته من المجهود = عساه يطلع بي افاقك |
قلبي تناحا مع أهل الشام=اِستأسره .. طرف .. حوريه عمامها من عرب .. صدام=وخوالها من .. السعوديه |
الحجيري= قلبي تناحا مع أهل الشام=اِستأسره .. طرف .. حوريه عمامها من عرب .. صدام=وخوالها من .. السعوديه
بن سنيد= ياشاكي الود ماتنلام=دايم عيونك شقاويه اعزم وحنا معك قدام=معك على حسنه وسيه
الحجيري= ما اشناك لكن يا ضرغام=من دونها ثارت الهيه وفي دربها زارعين الغام=ش الحل يا أهل الحناكيه؟؟
بن سنيد= اللغم ناطاه بالاقدام=واترك دروب الخطر ليه وعدك في ديرة الدمام=رحله الى الشام جويه
الحجيري= دامك فداوي ورجل همام=مالك فدرب الهواويه جاهد لجل نُصرة الإسلام=اللي سواتك ترى بليّه
بن سنيد= روحي فداء يابن الاعمام=ألحرب روحي فداويه ابحمي الدين والاحرام=وانته سبب موتك ابنيه |
صقر المراقب= عسى صخونتك ماتزداد=ياللي مجرّب سعوط وفكس وان كان ماطبت فيه امضاد=اسمه على علبته بينمكس الحجيري= يا صقر منك الوفا معتاد=وعن حالنا تقول أشعة إكس فالفِقْرَه لجرح أخوك ضماد=صافي عسلها ما يقبل مكس |
الحجيري= قلبي تناحا مع أهل الشام=اِستأسره .. طرف .. حوريه عمامها من عرب .. صدام=وخوالها من .. السعوديه
الحجوري= يابو على لاتروح إعدام = مالك ومال العراقيه إن كنت مغرم وفيك هيام = دورّ غزاله خليجيه
الحجيري= حكم الهوى يالأمير الزام=وأحكامه الود .. قطعيه لو هي على الكيف يا ضرغام=ما اخترت هذي ولا ذيه خاوني جاكرتا احسن ياحسن هههههههههههه
الحجوري= خذ بالك البغدادية ريام = مافقلبها من محنيه كلشي ماكو على ميرام = لاّ تحلم احلام ورديه |
صقر المراقيب= صار الوفا ينجزي بالنقص=في وقت كثرة عذاريبه وماشفت حاجه تعيب الشخص=بقدر مايعيّبه جيبه الحجيري= بايعك بيعه يا صقر برُخص=وشاريك ، لبّه مطاليبه البقص عادات راعَ البقص=وراعّ الوفا ، القِلّ ما يعيبه |
مواقع الحرف مملوءه=شعار تبحث للقمة عيش ينبئ عن الشاعر هدوءه=وترفعه عن حروف الطيش |
صقر المراقيب= لو جاك واحد يعاني سقم=وامقاطع الطعم والسقّيا دواه بالطّب ولا رقم = ولا اداويه بالرقّيا الحجيري= على حسب داه خُذ له رقم=لكلّ داءْ طبّ يلتقيا الطبْ تطور وداوى العُقم=بأفضال من ينزل السُّقْيَا |
صقر المراقيب= تسقط بحفره وتنقز عقم=في ددسن ٍ تعجز تمشّيه ولنته بصاير كما ابو زقم=قدّام لاربنا يهديه الحجيري= وألاّ كورِلتك تلقم لقم=لا دفّها ددسنٍ تطريه وانتَ وابو زقم مثل الطقم=قدّام لا يتوب عن ماضيه |
صقر المراقيب= لاتصير ممّاجرى خايف=ما فالوطن شي بيفزّع دامه على النايفه نايف= الامن ماهو بمتزعزع الحجيري= مادام فالمرقب النايف=أخوان نوره لا تتجزعّ وإن حافه أمن الوطن حايف=دمّه على الكل يتوزعّ |
خالد بن عبيد الاحمدي= سلام راعي دوى مثلوث=يبغى يحاكيـك وافطلّـه ماكل من شغّل بلوتـوث=فرصتك تسمح وترسلّه حسن علي البشري= ترحيب من غاث به مغيوث=ينصاك مثل المطـر هلّـه ما نبعث اللي يجي مبعوث=واِليـا بغينـاه ناصـلّـه خالد بن عبيد الاحمدي= لك البقى تحيي الموروث=واللي يعاديك تحسنلّه وراع الهوى للهوى محثوث=ابليس يخبز ويعجنلّه حسن علي البشري= في موروثنا ما تسدّ بحوث=وعدوّنا يبشر بذِلِّه وراع الهوى لا يدورّ غوث=فبحر الهوى بْليسه يبلّه |
يا حرف متذيّل الترتيب=وفجأه .. لقيناك متصدر !!! بحضور بعض الحروف تغيب =حروف و حروف تستعذر |
أصدّقه لو يقول جنيف=مثل الثماما وأوباما حُـر عـزّ الشتاء لو يقلّي صيف=أقلّه ( الله ) وش ذا الحَـر |
البيرق المنصور=
الغرفه والمزرعه والغرس = والماء مايقطع عن الساقي ضيفانها الروم مدري فرس = ولاوين اقولك عن الباقي
الحجيري= لو تسمع الصُمّ قول الخُرس=يا مصوّر المنظر الراقي ما صارلك بين ناب و ضرس=ولا ميّلت خُضر الأوراقي |
خلاص روحّ سعد واِرتاح=اِرتحت ذلحين يا خبيلان ؟؟ عميق بحرك غدا ضحضاح=سراب من يتبعه ضميان |
صقر المراقيب= اطيّب من الورد والياسمين=سلام في يوم عاشوراء نبغى لحن ينتصف لحسين=وانبثّه افشاشة الزهراء الحجيري= بِعْداد مأموم قال آمين=ترحيب لك يشمل القُرّاء حسين وأخوه عين وعين=في منهج الحجّه الغرّاء |
صقر المراقيب= خبرتك بانت فغرب وشرق=لك صيت فالناس ماماتا بالله قلّي وشنه الفرق=بين الكرلاّ وسوناتا الحجيري= مثلك محنكّ فحُمر و زُرق=عليك ما شئ قد فاتا ثنتينها مثل رعد وبرق=من غيثها منت مقتاتا |
كم حرف بين الحروف سْراج=من بُهرته يجذب الجمهور وكم حرف ليته حبيس أدراج=يبقى .. ياليته ما شاف النور
ابو سالم الرحال= من كان نهجه من المنهاج=يجيك بالمنهج المقرور ومن صارع الريح والأمواج=يسير بعد التعب غندور |
بسم الله الرحمن الرحيم
(ربنا افتح بيننا وبين قوما بالحق وانت خير الفاتحين ) صدق الله العظيم اخواني الكرام انا امامكم اقدم اعتذاري للاخ الغالي والشاعر القدير/ حسن علي البشري ( واتمنى منه قبوله ) وذلك بسبب كسره وجّهتها له ولم يكن راضي عنها والحقيقه ان الغلط لم يكون مقصود منّى وانا اقول للاخ / حسن البشري ابشر بالحق وما يلحق امام الجميع
لك حق تاخذه ياقرناس=وارضاك مطلب اريّحني الشاعر / خالد بن عبيد بن معتوق ألأحمديوانا اعتذر لك امام الناس=واقول طالبك سامحني حياك الله أخي وابن عمي وصديقي العزيز جدا جدا خالد الأحمدي اللي بيننا يابو عبيد أكبر من أي شئ ولا داعي لأن تعتذر الموضوع لا يصل الى هذا الحد ،،، ولكنها عادة الشجعان وانت شجاع وكريم وراعي تكميل لم أشك لحظه في تعمدك الخطأ ومتأكد بأنك لم تقصد ذلك وما بدا مني ماهو إلا عتاب الأحبه ويشهد الله أني أحبك في الله وأعتز وأتشرف وأفتخر بمعرفة شرواك .......... إليك يابن العم والمعذره على القصور
لا تعتذر ياجويد الساس=سيف ابن عمي ما يجرحني خذها رساله على قرطاس=بالطيب يا صقر تربحني |
الحجيري= سلام يا ماجد الفلته=نورت يا ماجد الأستاد بعد اعتزالك ما اعلنته=هل نقدر نقول ماجد عاد ؟؟
ابو مديده= جددت عقدي وكمّلتُه=إرضاء لمدرِّب الرواد ومادام شرواك قابلتُه=ترحيب ياكبتن الأمجاد
الحجيري= بنشدك عن جيل عاصرته=وما بينكم صار ملح و زاد بعد إنك الركض واصلته=مِن جيلكم مَن ثبت فالماد ؟؟
ابو مديده= إنشِّد بناخيك لاشفتُه=ذا عِلم مشهود للأشهاد وكُلآ في سنُه آخذ وقتُه=وإنته بسِّنك على الميراد
الحجيري= ماني مشككّ بما قلته=وجيلك ما يحتاجله شهّاد سؤالنا وين أعمِدتُه=عنوانهم وين فأيّ بلاد ؟؟
ابو مديده= الشِعر يامن تعلمتُه=ماحددو لُه بلد وأسياد وحضرتك موهوب نازلتُه=وتعّد مِن جُملة الأعداد |
حفيد الحجيري= سلام ، ثمّ اِعطنـا فرصـه=ناخذ ونعطي معك يا صَقْـر الفَقْرْ بعْد اِستـوى قُرصـه=حافز في رايك اِيْدام الفَقْر خالد بن عبيد الاحمدي= يامرحبا تجلي الحرصه=وانا معك لو تجي بالشقر الفقر لسّاع له فرصه=وينظر لحافز بعين الحقر |
حنا ربينا على الأخلاق = ونعامل الناس بالحسنى تاريخنا كالعلم خفاق = على مبادىء تأسسنا
كأننا وحدنا فسباق=محْدْ يتجرأ ينافسنا كلما بلغ مجدنا آفاق=زاد التواضع بأنفسنا |
صقر المراقيب= اتخيّل الناس فبلادك=دايم عملها لوجه الله ماكان ياذوك حسادك=ولا كان نسمع ونين واه
الحجيري= فالبحر لا عام طرّادك=لا يتوه يا صقر عن مرساه وإن كان ما طاوع عنادك=حرفك على الناس لا تقراه |
بوخارست وايفرست مع العطيب
العطيب= انا بلغني وقيل إنك=أمام مسجد افبوخارست ابا أسألك لاختلف ظنك= ماحكم ضم الحبيب إن بست؟!!
الحجيري= ضحكّت سنّي ضِحِك سنّك=شكلك في حضن الحبيب (اِ)نْعِسْت وإن كان هيلك طفح بنك=تعرف عناويننا في اِيفرِست
العطيب= مافتيت يا شيخ لاكِنك=حول الحُمى .مالجنابه دِست يامن على العاليه قنك=انا بمزحي لجُدِك. جِست
الحجيري= كبوت حكمي شرح صنك=وال (good) منّكّ رجعلك (best) يا طيب القلب يا محنّك=غير الوفا منك ما أوجست
العطيب= ما اقول الاحكام يخفنك=يامن معي با المعاني رست وقلبك لنا طاب لجنك=على المعالي بصغرك سست |
كلام من اوتي الحكمه مع صقر المراقيب
خالد بن عبيد الاحمدي= سلام والدّين له وسمه=في جبهة المسلم العادل والرّزق ياصاحبي قسمه=والعرف منهاج للعاقـل والدّين ماقدروا حجمـه=اللي يعيشون بالباطـل وكلام من أوتي الحكمه=لابد يثمر مع الجاهـل حسن علي البشري= ترحيب ما ينثني عزمـه=في مقصده مابه مْفاصَـل والرزق من والي النعمـه=نرضى بمقسومنا الحاصل ما كل بيضاء ترى شحمه=والدرب من سار به ياصل والدين في كل شئ حُكمه=يبقى هو المنهج الفاصل |
مضحي بن جمران= اخوان جيران في ديره=وكلٍ لحاله بدكانه تكفون هذي ماهي جيره=لايقطع الاخو بخوانه
الحجيري= يا طيّب الخُلْق والسيره=يا مثمر الحرف بأغصانه عزّ الله حرفك كما الشيره=والطيّبه دوم عنوانه |
الساعة الآن 07:30 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir