شهرين مأخذ قراري منك ؟؟=من غبنتـي مهتنالـي نـوم
أسباب؟ كذبك! ونكرانـك!!=أصدرت (بعدك) فهذا اليوم

يكفي من الحـب يـا قلبـي=ماعاد أقوى ... أذوق جروح
بين السهر .., والعنا غلبـي=كاتم خوافي ... الألم والنوح

نيران .., في القلب تكويني=وجروح وأحزان مأسـوره
وقدام لا الحال !! يطويني=كيف ؟؟ اتقي ياعرب جوره

شفته .., وكلي أمل يشتاق=ويطفى لهب ( شوق ) متوقد
لكن تغلى ؟؟ على المشتاق=(( خلاّ له الحلم متبـدد ))

معشي الذيب=
كيف السويه ؟ لا صار الود=مشتـاق لمقابـل مــوده
لكن مابين الحبايـب سـد=مايناطحـه كـل مـن وده
أبــــو ذيـــــاب =
أسعى بكـل السبـل للغـد=وخلك سياسـي أن أشتـده
والحب معنى وصمود وجد=(( بفعاله السـد ينهـده ))

دايــــم احـتـيــاط =
عيني بكت والخفـوق يحـن=ومن شاف حالي صعب حاله
عامين وانا حبيـس الظـن=من خل قاطع معي وصالـه
أبـــــو ذيـــــاب =
لا تشغل البـال لا تحـزن=هذا الهوى عكـس مدخالـه
وانا كـان ماتقـدر وتمكـن=أنسـاه وأستبـدل بـدالـه

الـــقــــنــــاص=
الـى متـى والدمـوع تهـل=الى متـى والجـروح تزيـد
متى يجينـا الفـرح ويطـل=ونعيـش كـل الليالـي عيـد
أبـــــو ذيــــــاب =
أرفق علـى حالتـك ياخـل=بالصبـر والعـزم تتحـايـد
ولو ما اِنجرحنا ... وذقنا العل=وش فأيده ؟؟ نعيـش يالقايـد

الفارس=
مـن حـد فقبالنـا سكيـن=حنـا رياجيـل ماتـرحـم
واللي جناها برمش العيـن=وش حيلة العاشق المغرم؟َ؟!
أبو ذياب=
والله كفو عالكـلام الزيـن=يافارس الحـرف والمقـدم
ويامبتئلي .,, فالهوى لاوين=نبغى اِضاحات للملـزم ؟؟
الفارس=
ماكنت اظن الهوى يردين=واصير في شرعه المعـدم
مير أُخلفت هقوتي من حين=ارسل علينا الغضي اسهـم
أبو ذياب=
لا تصير من جملة الشاكين = وخلك بهذا الأمر محتم
والعين ياما بكت باكين = في سهومه اَه مانسلم

عــاشــق طـيـبــه =
اليـوم ماهـو كمـا امسـي=اليـوم حبـي عليـه بـان
اتعبت فـي حبهـا نفسـي=واصبحت من حبها تعبـان
هي ليه ياصحابنـا تقسـي=ياشينهـا قسـوة الـخـلان
أبـــــو ذيـــــاب=
مدام تسعـى وراء النفسـي=في الحب ذايب لهم غرقـان
بالصبر تفرج .,, وان تعسي=وخلك شديد الأمـل بنيـان
وقرب لها الـود والمرسـي=بعتاب ينهي ,, القساوه الان

أبو ذياب=
لو كان قلبـي بـدء يقنـع=والجرح ينزف اٍلم وأهاااااات
والعين مثل ... النهر تدمـع=منساك لو طالت الطعناااااات
الدفاع 2000=
القلب ياصاحبى يطمـع=والنفس دايم لها نـزوات
الصاحب اللى لكم يجمع=طعنات ما هو لكم هقوات