ردي على الشاعر والاديب خلف بن غالب المريخان

الشاعر خلف بن غالب المريخان

سلام يـاراسٍ عــلى الطــيب مـرفــوع
دون القبيله لـه هجوم ودفاعــي
للصاحب احلا مــن قـراطيــع ينبــوع
وعـلى العدا يشبه سموم الافاعي
اقــولــها مــن جـد مـانــي بمــدفوع
صاحـي وفكري للمناقيد واعـي
واليا مدحت امدح على فعل واطبوع
وامجّد الطيب طـويل الذراعــي
ســعــد بــن دومــان للضــد قـامــوع
يامــا ردع مـن عنجهين يعاعـي
له مــاقف مايجـحـده كـود مــسبـوع
والا قــلوب بالنجاســه شباعـي
مــاقـف شجاعــه شـايفينه ومـسموع
ماهي سواليف الرخوم الرعاعي
اللــي تناطــح بالــرخا افراد واجموع
وعن الشدايد يلبسون القناعـي
عـطـيت روس اقــلام والغيض منزوع
يامـدوريــن للــزعل والـنـزاعـي
مـن لاهــرج بالصـدق يفلـج ومردوع
هـذا حسب رايي وهذا اقتناعي

----------------------------------
سعد المحمدي

يامرحبا ترحيب مثني ومربوع
يعكس رضايه ياخلف وانطباعي
عليه من شغل العجم ورد وشموع
وعليه من نور الحقايق شعاعي
ياشوق من تزها الخلاخيل وردوع
الناس قامت للمصالح تراعي
اليوم تقدر تملك الناس بسبوع
اهم شي المال لو انت راعي
اخص من يرضى على النفس بخضوع
قصير بالثنتين نظره وباعي
اشداد من روس العباريد مصنوع
مايستوي للي فخرهم صناعي
عليه لايشره مهايط ومخدوع
مايصد قوم ولاشكروه الجياعي
من باب صنعاء يالجميلي لميقوع
الناس تعرف صاع غيري وصاعي
ثناك من قلبن به الطيب مزروع
مالوثه حقدن على غير داعي
مالك ورى ماقلت غايه ومنفوع
غير الحقايق يالصدوق الشجاعي

صحت السنتكم
والله يـعـطـيـكم الـعـافيـــــــــــة
بيض الله وجيهكم

السلام عليكم ورحمة الله وبركاته
سلمتم ودمتم أخواني الشاعرين خلف بن غالب المريخان, سعد المحمدي على البدع والرد
.
.
جزله ورائعه وصحت السنتكم
أخوك ابوساره

صحــت السنتكــم
دمتم برعاية الله وحفظة

صحة السنتكم وبيض الله وجيهكم

صوت وصدى غايه بالجمال والتميز

لاهنت وصح السانك

تقبل التقدير والاحترام

وفقك الله

صحت السنتكم وابداعكم الرائع
كلام جميل من الشاعرين
الله يعطيكم العافيه
/
\

صحة ابدانكم الجميع
ومروركم شرف لي