.....إياكــا أعني وأسمعـــي ياجـاره .....

إياكَا أعني وأسمعـي ياجـــاره = الهرج مره والخطا تكـــراره
والعلم موجز والكلام أجبـــاري = والصدر ماودي تبيح أســراره
ولو هو على كيفي نسيت الموقـف = الى دعت بوح القصيد أثــاره
وجاوب لها هجسً يهز السامــــع = ببيوت شعرً كلها مختـــــاره
فيها الكلام موثقات أحروفــــه = والجزل منها مايهس إعيــاره
بديت فيها من طناخة راســـــي = قبل الصباح يسرنا بأنــواره
بأكناف بيتً للطراقي ملفـــــا = بيتً مشيد بالرخام أجـــداره
حافه أبوي وساعدوه أخـــوانـي = وعلى المعزه فاتحين أسـواره
بالقيض للافي لطيف وبــــــارد = وبالبرد دافي ماتطفــا ناره
زل العجم وسطه ثمين وغـــالـي = ولاحسبو يوم الشرى لأسعـــاره
وفيه الدلال أنواع غير أنواعـي = وكلً يقدم في محله كـــــاره
ويوم أعتلا كوعي على مركــايـه = لا الكيف بالدله يصوك إبهاره
وقام المقهوي وأحتسى فنجــالي = حطـه يمين ودلتــه بيســاره
وساقه علي السوقه المعتـــاده = ويوم أنتهى الأول عليـه داره
حتى أقتعد راسي وطار عمـاسـي = وشقّر عليه هاجسي بأزيــــاره
وأنا ليا هاز المشاعر هجســي = أسوق من راسي بنات أفكــاره
فرايدً فيها المعاني قمـــــه = لو قدمها بعض العرب محتــاره
أجيب مبداها على معنــاهـــا = وأحط له بيت القصيــد أستاره
وأرتاح من راع الكلام الفاضــي = وأمحللٍ تنقد على منظــــاره
أهل الزوايا هرجها ياكثــــره = تهوس لادق اللعين أوتــــاره
وإن قيلت الكلمه بطيبة نيــه = تكبر بساعه والعرب ثرثــاره
ياهل اللغا لا تشغلون العالـم = ترى العروق الهاديه فــواره
كل الذي فج الضمير وسـاقــــه = رفيقي الي مالقيت أعـــذاره
أخطا خطا وأقشــــــر خطــــا في ضني= خطا رفيقً ماتحب إشهـــــاره
غره هوى نفسه وطيشـــــــه غره = والكبر دن دن للردي مزمـاره
حنا نحفظ أحقوقنا لنفسنـــــا = وأهل النقا لأهل الوفا وقّاره
واللاش دايم نظرته للدنيـــــا = والحر دايم نظرته في قــاره
والطيب يبقى والأوادم تفنــــا = وكلً على ساسه تلد أنظـــاره
ولاكل شيٍ يشترى بالمـــالــــي = والطبع ورثه مايجي بتجــاره
والي ورث له ناقةٍ عَرجـــــائي = يمكن تموت ديوسها بإصــراره
وقصيدتي ساقت بنات أفكــــاري = يالله عساها للبطا كفـــــاره
ماقلتها بحثً عن الأنظــــاري = لا والذي باد أبرهه بإحجـاره

فهد....... صح لسانك ابدااااااااااااااااع بلاحدود ............ لك خالص الود والاحترام

بأكنـاف بيـتً للطراقـي ملفـا=
=بيـتً مشيـد بالرخـام أجـداره
حافه أبوي وساعـدوه أخوانـي=
=وعلى المعزه فاتحيـن أسـواره
بالقيض للافـي لطيـف وبـارد=
=وبالبـرد دافـي ماتطفـا نـاره
زل العجم وسطه ثميـن وغالـي=
=ولاحسبو يوم الشـرى لأسعـاره
وفيه الدلال أنواع غير أنواعـي=
=وكلً يقـدم فـي محلـه كـاره

قول وفعل يابو مطلق وانا من شهود كلامك اشهد بالله ان والدك ملفى للغانمين
وشرفني قبل مده زيارتك ومعرفة الوالد والاخوان والجماعه بالعجاجه اشهد انهم
أهل كرم وبيوتهم ملفى للرجال الطيبين

وأنا ليا هاز المشاعـر هجسـي=
=أسوق من راسي بنـات أفكـاره
فرايـدً فيهـا المعانـي قـمـه=
=لو قدمها بعض العرب محتـاره
أجيـب مبداهـا علـى معناهـا=
=وأحط له بيت القصيـد أستـاره

شهادتي فيك يابو مطلق مجروحه من مبطي انت شاعر علم وشاعر مواقف
تعرف متى تبدا وكيف تبدى قصيده غلبة عليها الرمزيه والحرفنه الشعريه
من شاعر ساحه متمكن الله درك من شاعر عذب وقتباسي اعلاه اعجبني وصف الشاعر للحقيقه
التي انا اعرفها جيد والقصيده يكمن معناها بغير المقتبس ولها اهدافها التي لانستطيع نجييرها
على موضوع معين حيث القصيده قصيدة ساحه والساحه مليه بالمواضيع

كفو كفو صح السانك وبيض الله وجهك

جزلة لاهنت

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك



قصيدة رائعه بروعة حضورك



لك تقديري

اخوي الشاعر القدير .فهد مطلق السليمي
صح لسانك وبيّض الله وجهك على ها الجزله يالجزل
كفو.كفو.كفو.وسبعين نعم فيك وفي لابتك كلها يابعدراسي

قصيده وافيه ومن راس وافي
لاهنت ولاهان هذا الحضور
تقبل تحيتي

[table1="width:95%;"]

,
,
,
صح لسانك وعلا شانك اخوي فهد مطلق السليمي
والله يعطيك العافيه على القصيدة الجزله
بيض الله وجهك
مع التحيه