( شعار من ساق الثمن واستلمها )

أبـدأ بـذكر الله فـي كـل ماقول=وذكر الرسول اللي للإسلام مرسول
والـسيف والنخلة وللسيف مفعول=هـذا شـعار الـمملكة في علمها
فـألف وثلاثمائة وتسعةعشر عام=ظـل الـعلم خفاق من فرع الاعلام
يحمل شعار النصر وشعار الاسلام=وشـعار من ساق الثمن واستلمها
عـبدالعزيز الـلي حـكم ما تجبر=وبـكـلمة الـتوحيد هـلل وكـبر
رفـع بـصوت الحق في كل منبر=الـلي عـلى حكم الشريعة حكمها
فتح الرياض بخمس في شهر شوال=يـوم الـسعد نوره بدأ فأول الفال
والـلي مـعه تـقريب ستين رجال=حـي الـرجال اللي تضحي بدمها
نـوّر ريـاض المجد نورٍ على نور=وجات البشارة وأصبح الكل مسرور
هـب لنسيم الصبح بورود وزهور=فـصفحة الـتاريخ سـجل قـلمها
أسـس نـظام الـحكم بكتاب ربه=والله يـحـبه والـقـبايل تـحبه
والـحق دايـم صـاحبه مـا يكبه=والـحر يـعرف فرصته واغتنمها
إرتـاح قـلبه بـالرياض الحبيبه=ثـم مـشى لاهـل الـديار القريبه
والـلي صـعيبه قال ماهي صعيبه=رجـله عـلى الـرمله يسير قدمها
وثـم مـشى لاهـل الديار البعيده=يـنهى عـن الـمنكر بدين وعقيده
حـاسب حـسابه فـي أمورٍعديده=زال الـظـلام وذمـته مـاظلمها
حـاسب حساب الوقت برده وحره=والـلي يـطيع أوامـره ما يضره
ومـن جـاب شربة مر يسقيه مره=يـوم اخـتلط دم الـجمال بلحمها
حـاكم بـشرع الله ويـقرأ كـتابه=والـلي نواه بحرب حاسب حسابه
يـحاربه والـسيف لازم نـصابه=ونـاس تـسلم بـإحترام احترمها
مـشى الديار اللي طويله عريضه=حـتى دخـل مكه وصلى الفريضه
وعنده دوى لاهل القلوب المريضه=حـرٍ نـجح في الخطه اللي رسمها
ثــم تـمركز سـيدي فـالرغامه=لـين إسـتلم جـده بـجد وزعامه
والـلي يـسلم بـالشرف بالسلامه =ولا يـرحم الـلي ربـنا ما رحمها
ثـم إتـجه لـلشام صقر الجزيره=يـمسي بـديره ثـم يصبح بديره
مـاشي على حكمه وعقل وبصيره=ألـين رز حـدوده الـلي رسـمها
وأهل الجنوب أرسلّهم رجل مشهور=فـيصل شهير الإسم بالفعل مخبور
مـنصور يا فيصل من الله منصور=أثـبت وجـوده والأعـادي هزمها
قـرت حـدود الـمملكه واستقرت=واطـلق عـليها بإ سمها واستمرت
بـإسم الـزعيم الـلي بسده تذرت=فـهـم الـقبايل كـلها وافـتهمها
أسـس قواعدها على الحق والدين=وتـوحدت في عام واحد وخمسين
وألـله اسلمها من عيون الشياطين=سـلمت مـن الحساد والله سلمها
بـسط كـتاب الـشرع لـلي تظلم=حـل الـحلال وحـرم اللي محرم
فـتح مـجال الـعلم لـلي تـعلم=عـلم رعـاة الـباديه مـع غنمها
لـين انـتقل عـنها الى رحمة الله=عـساه عـند الـحور في جنة الله
خـلى لـها حـكام مـصلحهم الله=صـقرٍ يـسلمها وصـقر استلمها
بـعد وفـاته سـلم الـحكم لسعود=الـلي حكم حكمه على منهج العود
وفـيصل عـليها إجتهد كل مجهود=عـساه فـالجنه وفـاحسن نعمها
وسـعدت مع الفيصل ولقيت سعاده=حـتى كـتب لـه ربـنا بالشهاده
وفـي عـهد خالد زاد خيره زياده=حـكـامنا حـكام تـبري ذمـمها
وفـهد حكمها والله اعطاه من فوق=الـواحد الـلي عـالم بكل مخلوق
حـط الثقه في رجل عادل وموثوق=عـز الـبيوت الـعامره ما هدمها
وذحـين حـاكمها فـهد ويتصرف=الـلي تعرف باحسن إسمه وعرف
وبـخدمة الـبيتين قـال أتـشرف=حـامي مـشاعرها وخادم حرمها
الله يـطـول لـلفهد فـي حـياته=بـجاه مـن صـلى وكتبت صلاته
حـجاج بـيت الله شـهدوا سواته=الـلي بـيوت الله بـنفسه خدمها
لأمـر ولـي العهد سمعٍ وطاعه=ريّـس حرسنا من رجال الشجاعه
مـحـبته ربـي زرعـها زراعـه=والله لـيا اعـطى ناس يرفع قيمها
والـنايب الـثاني بالأفعال مفهوم=سـلطان قايد جيشنا دفاع وهجوم
جيشٍ يخوض الحرب ماهو بمهزوم=لـطامة الـعدوان تـحمى لـزمها
تـستاهلين الـعز يـابلاد الاسلام=مـرت عـلى حكم العداله مئة عام
والـمملكه حـكامها اعـز حـكام=الله يـعز الـحكم والـلي حـكمها
بـآل السعود المملكه وشعبها فاز=واخـذوا شـهادة رقمها رقم ممتاز
ومـساعدتها وصلت ليا كل معتاز=مـن خـيرها تـعطي وزايد كرمها
هـذا كـلام الـحربي اللي مسويه=لـلقايد الأعـلى مـن القلب مهديه
والله يـعز الـحكم ويـعز راعـيه=والـمملكه كـل الـدول تـحترمها

هلابك ياجميل حسبتها محاورة وعلى طول خشيت على ماطعلت بقسم الي هي فيه مابغى احد يسبقني لكن نقول صح لسانك

صح لسانكـ يابن حميدان قصيدة رائعة
تستحق القراءة
ننتظر جـــــــــــــديــــــــــــــــدك

صح لسانكـ يابن حميدان قصيدة رائعة

الله يـعـطـيـك الـعـافيـــــــــــة على النقل
بيض الله وجهك

مشكور ياجميل بن حميدان

وصح لسان الشاعر عبدالكريم المزروعي 00 ابوعلى 00 الله يطول عمره

صح الله السان الشاعر الكبير عبد الكريم المزروعي الحربي


واالله يعطيه الف عافيه انشالله