بـسـم الله الـرحـمـن الـرحـيـم
وقــفــه مــــع الـعـانــس
بسم الله . الله اكبر فوق كـل الامـور= الواحـد المعتلـي وآياتـه المنـزلـه
والبنت هي جنة الدنيا وعطر الزهـور= من يجرح أحساسها أمه جعلهـا تثكلـه
بعض البشر فاقد الاحساس ميت شعور= اعصاب بنته من اسبابه غـدت منخلـه
دمعة قهرها الى طاحت تذوب الصخور= من جور ماشافت من الظلـم والبهذلـه
ويصير في درب بنته شوكةٍ في النحور= بشروطه اللي ثلاث ارباعهـا مهزلـه
احيان عذره براتبها سنه مـع شهـور= وصراع مع زوجته كلٍ يبي مـن هلـه
واحيان يبغى يكمّـل منزلـه كـم دور= ويكمّل بروح بنتـه قبـل مـا يكملـه
واحيان يبغى عيال عمومته لـه تـزور= واحيان يبغى زميل وصاحبٍ في عملـه
وتصير عانس ويكتبها الزمن في سطور= وذنوب في عنق ابوهـا دائـم مكبلـه
يقرأ ويكتب وهو في نهاية الدرس ثور= مـا فـاده العلـم عذبهـا وزاد جهلـه
لا تعذبون العذارى لجل دنيـا الغـرور= في المجتمع كلهن خيـر وجمـال وولـه
هن الجمال وحياة الارض عبر العصور= ما اكرمن الا كريم من الرجال الـ .هله
تــــحــــيــــاتــــي
اخوكم خلف السهلي (بن عقيل)