(جرحي وصل عمق ما له حد) مع القدير علي عيد

==






==









==






==

بخيتان =
ياعزوتي يامنيع وسد = ياللي لكم فالوفا تيجان
سلام كثر النجم وازود =وما فالوسيعة عدد سكان
علي عيد=
للسد يامعتزي مسند = لرجال شرواك يابخيتان
ترحيب ماينحصي له عد = واعداد مازخه الهتان
بخيتان =
راعي وفا ياجزيل المد = يامن على النايفات يبان
جرحي وصل عمق ما له حد=واستأسر القلب والوجدان
علي عيد=
حيرتني ياعريب الجد =واصبحت من حالكم قلقان
انا على ماقفي ماصد =آقف معك ماقف الأخوان
بخيتان=
يوم يتجدد ويوم يجد = يجري مع الدم فالشريان
جديد توه حديث العهد=ماكنت شاقي قبل ما كان
علي عيد=
اسرعت بي مير بيه هد =حتى نركز معك بإتقان
والآن فصل لنا المشهد =وأنا لكم مصغي الآذان
بخيتان=
من ود اشقى فؤاد مود = اصبحت من ودهم شقيان
قربه كما خاتمي باليد =وابعد من النجم للأعيان
علي عيد=
يامن توجد لولفه وجد = واصبح عليهم لهم ولهان
إن كان في قربكم يسعد = البعد يجتث للخلان
بخيتان=
أنا على بُعدهم منحد = وقُربي لهم يجلي الأحزان
طرفه بنا الليل مايرقد = وليلي معه بالفكر سهران
علي عيد=
إن كان تبغى الكلام الجد =سيطرعلى الوضع ياربان
لابد في ذا الأمر تصمد = مادام خِلك لكم هيمان
بخيتان=
صادق فماقلت يامنشد = ولازال صبري معي برهان
لكن في دربي المنسد = ليا متى تصمد الأشجان
علي عيد=
اسعى في دربه وزيد الجهد = مادام قلبك لهم رغبان
خلك لكل العوايق ند=وتحقق الحلم مهما كان
بخيتان=
لازال جسر الوصل مانهد = قايم وله في لقانا شان
غالي ولاينشري بالنقد = هو غايتي فالحياة وكان
علي عيد=
نفذ معي كل ما اقصد = من يستمع شورنا كسبان
بافصّل العلم واجسد = لأنسان هايم فود إنسان
خلك قوي العزم لا تضد = الصبر والرفق والسلوان
ثلاث فالود مثل الحد = وتعيش باقي العمر فرحان

صحت السنتكم
والله يعطيكم العافيه
بيض الله وجيهكم

صحت السنتكم

ياسلام على النقش يا بني بشر

ابو محمد وابو عيد

صحت السنتكم على الابداع

بس يا ابو محمد هذا لايكون جديد هههههههههه

بيض الله وجيهكم على روووعة ماسطرتوا

ابو محمد.... ابوعيد صحت السنتكم و بيض الله وجهيكم

بدع و رد راقي برقي فكركم و حضوركم الجميل

و الله يعطيكم العافية

	المشاركة الأصلية كتبت بواسطة الحب الباقي

	صحت السنتكم والله يعطيكم العافيه بيض الله وجيهكم

وجهك ابيض الله يعطيك العافية

	المشاركة الأصلية كتبت بواسطة سعداللهيبي

	صحت السنتكم

صح بدنك ولاهنت ياسعد

	المشاركة الأصلية كتبت بواسطة همس القوافي

	ياسلام على النقش يا بني بشر ابو محمد وابو عيد صحت السنتكم على الابداع بس يا ابو محمد هذا لايكون جديد هههههههههه

ههههههههههههههه

هو واحد الله ياهداك تحسبني زيك ماشاء الله عليك بالهكي


صح بدنك ولاهنت يابو فيصل

صحت السنتكم ايها العمالقه رائع هذا اللحن
اطربني كثيرا واسجل اعجابي به
وتقبل مروري