حفل زفاف الشاب / بندر عبدالمحسن بن عوده الربياوي الجهني الإثنين 19/7/1429

أقيمت مساء أمس الإثنين الموافق 19 / 7 / 1429 ليله تاريخيه تخللتها أصوات
( البواريد ) و ( الزواميل )
و ( الكسرات ) و ( العرضات )
و ( زيد ) وذلك
بمناسبة زفاف الشاب
بندر بن عبدالمحسن بن عوده الربياوي الجهني
وقد حضر تلك الليله جمعآ غفير من أهالي خليص وثول ورابغ وينبع
ووادي فاطمه وجده وحضور العديد من الشعراء المعروفين
حداية أهالي خليص
البدع ( أحمد العمودي )

سلام رديه نقدمها على ساير جهينه=الساير اللي من قديم الوقت وأهلُه محتمينه
يالرِبعه اللي مدكُم كُل القبايل عارفينه=يشهد لكُم مِنه شِهد والله خير الشاهدين
والثانيه حسب الصداقه كُلنا جينا نوافي=ونشارك الأصحاب يوم أفراحُهم من بال صافي
وأبوبدر وافي ويحضُر في وجوبُه كل وافي =وحسب الوفا اللي بيننا حَّنا بجنبه واقفين

الرد ( جباره العروي )

يامرحبا باللي لفونا بالوجوب مكملينُه=والساير اللي بيننا في كُل حزه حاسبينه
مد الوفا ياهل الوفا عاداتكم متوارثينه=وإنتم وحِّنا نهجنا نهج الجدود الأولين
جيتم على حسب الوفا والثوب ياهل العِز ضافي=وميقافكم وقت اللوازم للعرب ماهو بخافي
إنتم هل التكميل والميقاف للطيِّب يشافي=ميقافكُم يشهد لكم طول الليالي والسنين

زومالة العرضه أهالي ( حي الرويس وثول )
وفي مقدمتهم عمدة حي الرويس
الشيخ / طلال بن عبدالعزيز بن عمر

جينا ببندُق صوتها مثل الرعود=وتخلي الحري يعقِّب لُه عسام
سلام مالُه حد يتعدى الحدود=كُل العرب توحيه لاقِلنا سلام

الرد ( المعازيب )

يامرحبا وإحنا هِنا عسكر جنود=نِستقبل اللي بالوفا جونا حشام
ميقافكُم معروف من عهد الجدود=متوارثين الطيب يانسل الكرام

لحن في الكسره بين
ماجد أبومديده من جهه
والشاعر جباره العروي وعبدالعزيز بنيه من جهه أخرى

أبومديده=
جينا على دعوة الغالي=اللي دعانا لهذا الشان
سلام مثل الجبل عالي=بحضور الأصحاب والأخوان
جباره *** عبدالعزيز=
مِنك الوفا أول وتالي =وترجح بكم كِفة الميزان
طيبآ على طيب متوالي=يامرحبا والملاقا زان
أبومديده=
هيا إستمع طالع أقوالي=من صادق الحِس والوجدان
قدامي المُر والحالي=وأمسيت مابينهُم حيران
جباره *** عبدالعزيز=
لاتقول فالمسأله بالي=مسؤول وإنته صبي لُقمان
إنته على دربك الوالي=الفرق مابينم شتان
أبومديده=
أخاف لايضيع رسمالي=وأسير في ذا الأمر خسران
آياتُهم ينعِش أمالي =مادِمت حايز على النيشان
جباره *** عبدالعزيز=
دققت في وضعك الحالي=حسب الذي فالمعاني بان
من يدخُل السوق مايبالي=لمؤشِر الزود والنُقصان
أبومديده =
أظُن تدري عن إشكالي=وتشاهِد الحال بالأعيان
إما أمل حي يبقالي=وألا نقفِل على الدُكان
جباره *** عبدالعزيز=
جعلتها صعاب وطوالي =بخلاف ماكان في الحسبان
لاتشاغل قلوب وتغالي =وعِندك على وِدها بُرهان

ويصحابنا سامحونا
والف الف الف مبروك للعريس وذويه عامه
وللشيخ / عبدالمحسن بن عوده الربياوي خاصه

عزيز وغالي يا ابو مديده ..

والأخ الغالي والزميل/ بندر الجهني ..

ما يسعني إلا اني ازف له .. أسمى ايات التبريكات والفرح ..

وجمع الله بينهما بخير ..

ولولا أن الظروف اجبرتني .. لكنت من أولى الحاضرين..

والف شكر لك يا ابو مديده ..

لإتحافنا بهذه الروائع .. وكلمة شكر ما تكفيك ..

لك مني .. كل الود والتقدير ..





اابو بتال

سلمت اخوي ماجد على اتحافنا بهذا النقل الجميل

و الله يديم الأفراح

و صحت السنتكم جميع و بيض الله وجيهكم

تسلم أخي ماجد

على هذا المجهود

وهذا النقل الذي يجعل القارئ يعيش الحدث

وكلك وفا وذوق

وعافاك الله ورعاك

صحت السنتكم
..
..
أسجل اعجابي
..
ويعطيكم العافيه ..
..

صحــت السنتكــم
دمتم برعاية الله وحفظة