هذة القصيدة مجاراه لقصيدة الشاعر/ فايز موسى البشري.(مير الرجاء بعد الولي بالحلاحيل...

بسم الله الرحمن الرحيم
هذة الأبيات مجاراه لأبيات
الشاعر/فايز بن موسى البشري

يافايز أبدعتم بجزل التماثيل =
=طرقت موضوعٍ على الناس شامل
فيروس يوجد بالنساء والرجاجيل=
=تحليــل وضعه تبتلش به معـامـل
ماينعرف وش مصدره والتحاليل=
=والـدور هـذا دور زيـدي وعـامـل
ضفو مصالحنا وحنا مكابيـل =
=تـقـول هــوبٍ طـوقـنه فـرامـل
شبابنا حقين رشه وتضليل =
=والاجنبي سيطر على السوق هامل
صحيح قالو فيه مهله وترحيل =
=ولا راح عامل يطلب السوق عامل
مير الرجاء بعد الولي بالحلاحيل =
=حـكامنا والشعب ناتـج تكامـل
للضد ضد وللموالي هماليل =
=يمطر هللها في حساب الأرامل
وختامها الكمبود والبن والهيل =
=أختم به الموضوع للكل شامل

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر القدير سند العريمه صح لسانك على الجزالة والابداع الله يعافيك
شرفتني مجاراتك الله لايهينك ويبيض وجهك

الشاعر
سند العريمه
صح لسانك وعتلا شانك
مجاراه جزله من شاعر جزل

الشاعرسعدالمحمدي صح بدنك ومشكو مشكور ياشاعرحرب.
وإشادتكم تاج على راسي...

صح الله اللسنتكم

لاهنتم

الحب الباقي صح بدنك وبيض الله وجهك ومشكور يامستشارنا المتابع بجديه
تحياتي لكم...

الشاعر فايز البشري صح بدنك والله يشرفك بالتقوى واﻹيمان.
وشكرا يامستشارنا . تحياتي لكم...

الكحيله صح بدنك ودمتي بخير..

صح الله لسانك
ولاهنت
وسلم فكرك وبنانك
دمت برعاية الله وحفظة