حربي طرد عشرين عتـــــــــــــــــباني

صيــــــــاف الحربي :-
العازمي قام ينقز و إيتحــــــــــــــــــــــداني
و إليا أنتهى الوقت جـــاب الشاعر الثاني
لكن حربي طرد عشرين عتـــــــــــــــــباني
يالاحي يوم أح يالاحي ياليحاني
العازمي يمشي على ضؤ النجــــوم 000 ضـــؤ اقمر يكبر و لايمشي معه

الليلة الملعبة يازين مذهـــبها
لبت طلبنا و حنا في مطالبهــا
لكن وارد عراوي وين راكبها
يالاحي يوم أح يالاحي ياليحاني
ياليتنا نسرح و نمرح كل يوم 000 هـــذا نفــــــــــــــر قبه و هذا نجمعه

حبيب العـــــــــــــــازمي :-
العازمي من رجال الدين و المله
و الله يالالا يالا لا ماتقـــــــــــابله
ترى عتيبه دواكـــــــــــم ياحريبله
يالاحي يوم أح يالاحي ياليحـــاني
العازمي شاعر لياجات اللـــــزوم 000 يلعب مع الحربي شوي و يسنعه
الملعبة فنها و فنونـــــــــــــها لنا
و أن كان زعلان منها ماتزعلنا
و إليا أنتها قافك الموال هــــونا
ماعاد باقي بيننا حبة خشـــــــــوم 000 تبأ تحط الســـــــــاق و إلا ترفعه

صيــــــــــــــــــــاف الحربي :-
أنته عتيبي و ربعـــــك كانت عتيبه
و اليوم كل الجماعة داخـــل العيبه
هاذي مصيبه وتبقى عندك مصيـبه
الطرقي اللي مايجينا بالعـــــــلوم 000 يقـرب من المشعاب حتى نصقعه
حنا ترانا بعيد و لا تـــــــــــــوالفنا
مير أكثر الناس مايعرف سـوالفنا
أثر عتيبه فنت لعـــــــــــــــلها تفنا
ترى حبيب لاحصــــــله تمر دوم 000 يوعد على صياف و يعض أصبعه

حبيب العازمي :-
ترى عتيبه مكانتها مكـــــــــانتها
بين القبايل بعتها و هيبـــــــــــتها
مانقص الوقت صملتها و قيمتـها
الذيب دايم في طويلات الرجــوم 000 و الارنبه دايم تصـــومع صومعه
حــــــــــــــنا رجــالٍ لياقمنا تكلمنا
لولا الحقايـــــــق ترانا ماتفاهمنا
و أن كان هاذي علومك لاتعلمنا
من عام الاول و أنت فالناس مخدوم 000 ترضى على البراد لو أبو أربعه

صيـــــــــــــاف الحربي :-
عز الله أن الولــــــــد ماهو ولد رخمه
لكن يسراه في يمناه ملتــــــــــــــــحمه
و إليا ركض ينفقع صدره من الفحــمه
عند اللزوم ايقوم و يسد اللـــــــزوم 000 طير يطير إليا كشـــــــفنا برقعه
الله يعيد الخميس و ليلة الجمـــــــــعة
كثر البكاء و الصياح و كبرت الدمعـة
حنا عزاز النفوس و لالــــــــــنا طمعة
فتح عيونك زين يالذيب العـــــــزوم =أما تشوفه شـوف و إلا تسمعه

ألف شكر على المحاوره
بارك الله فيك
يعطيك العافيه ...
تحياتي .

بيض الله وجهك عل المحاوره

لكن حربي طرد عشرين عتـــــــــــــــــباني


أثر عتيبه فنت لعـــــــــــــــلها تفنا

الله يرحمك ياصياف

والله أنك ماقصرت في حق قبيلتك

دافعت عنها وشرفتها في المحافل

جزاك الله خير الجزاء عن قبيلتك

وأقل مانقوم به تخليد اسمه وحفظ قصائده

وبالمناسبة أشكر إدارة هذا الموقع التي جعلت لصياف ملتقى يذكرنا فيه دائما

وهذا أقل ماتقوم فيه قبيلة حرب في رد جمايله الله يرحمه.

اللهم ارحم عبدك صياف الحربي وأجعل قبره روضة من رياض الجنة وأسكنه فسيح جناتك.

اللهم آمين

الله يبيض وجهك يابن فرهود على المحاورة

بارك الله فيك

الله يحمه و يوسع في قبره ،، اللهم نور قبره ،، الله اغسله بالماء و الثلج و البرد


أشهد بالله أنه ماقصر بحق قبيلته و مثلهم خير تمثيل بين القباااااااااااائل و حتى الدول

بيض الله وجهك يا أبن فرهوووووووووووووود

الـلـــــــه يـــرحــــــمـــــك

يــازعـــيــــــم شـــــعــــار حـــــــرب

والله إن العين لتدمع وإن القلب ليحزن وإنا على فراقك ياصياف لمحزنون

وأقل مانقدمه لك تجاه ماقدمته لنا الدعاء

أرجو من كل حربي أن يدعيله بالرحمة والمغفرة وأن يسكنه الفردوس الأعلى من الجنة

ترى هذا دين على كل حربي.

الله يبيض وجهك يابن فرهود على المحاورة

مشكور على النقل