قصة البشري الحربي مع جاره المطيري

كان هناك رجل من قبيلة مطير نازل عند البشاريه جار لـجري البشري وكان ولد
المطيري ومحمد ولد جري البشري دائما يطلعون للصيد سوا وطلعوا مره من المرات
وتفرقوا للصيد وتواعدوايم شجره معروفه عندهم اللي يصل الاول ينتظر الثاني فيها.محمد تصيد
ويوم تعب راح للشجره اللي متواعد هو وولد المطيري عندها جا تعبان ونام بظل الشجره
علي ظهره وثاني رجل وحاط الرجل الثانيه فوقها .ولد المطيري يوم خلص وهو يجي للشجره
ووصل الشجره شاف منظر رجول ولد البشري وخيل له انها ضبي واقف يوم الله قدر وحل اجل ولد
البشري وادرقه لين زان مرماه وهو يرميه والياه قاتله .وهو يجي يركض ويوم وصله والياه خويه
ولد البشري وهو تكبر مصيبته ويبلش مايدري وش يسوي ويجلس عند جثته لين غابت الشمس
وهو ياخذ البواريد ويشيل خويه علي ظهره ويجي لبيت ابوه بيت المطيري ويوم شافه ابوه قال
عساكم صايدين .قال نعم صدت صيد ماعمري صدت مثله ,قال ابوه وش صدت .قال ذبحت ولد جارنا
جري رميت خطره احسبه ضبي ويعلم ابوه بالسالفه كلها .وياخذه ابوه ويروح به للامير امير
البشاريه .قالوا بهاك الوقت انه الشيخ سمره البشري .ويعلم الامير بسالفة ولده والمصيبه اللي صارت قال هذا ولدي قتل ولد جاري وولدي تحت حسنة جاري وسيته ان إبحت بسداد ولده وان اعتقه جزاه الله خير .ويقوم الشيخ سمره ويشب النار ومن المتعارف عليه بوقتهم اذا شبت عند بيت الامير نار كبيره تأكدوا كل القطين ان فيه حاجه كبيره وامرا مهم لازم يجون كلهم ويوم تجمعوا كلهم عندالامير ومن ضمنهم جري البشري ابو الولد المقتول علمهم الامير بماحدث .وقال ياجري هذا ولد جارك ذباح ولدك استلمه تحت حسناك وسيتك سكت جري لين استوعب الوضع وزال عنه الذهول .ويقوم ويقص من شعر ولد جاره المطيري .قال اشهدكم واشهد الله اني اعتقته لوجه الله
وحق جاري علي .قال سمره لجماعته تسوقون ولد جري قالو حنا جاهزين قال الامير يالله هذي اربعين عقال كل واحد منكم يجيب ناقه ويجيبونها اربعين ناقه عندبيت الامير قالوا هذي دية ولدك ياجري خذها قال ولدي اعتقته لوجه الله ولا ابي له ديه كل واحد ياخذ ناقته ولاقصرتم ياربعي .
طبعا القصه هذي عليها دلايل واجد من القصيد القديم لكن انا ما حفظ منها شي يأهلني اجيبه
ذكر الاستاذ خلف الغالب بــالمختار من قصص واشعار حرب قصيده قديمه للشاعر لم يورد
اسمه

البشـري اللـي قصـتـه تـرفـع الــراس=وافــــــي اليـا بـارالـعـمـيـل بـعـمـيـلــه
قالواولـد جـارك لـفـا عـقـب الادمــاس=قـاتـل ولــدك وفـــوق مـتـنـه يشـيـلـه
وخمسين وضحا نوخن دون هوجاس=وعـطـيـن ولـدجــاره بـسـبـة قـتـيـلـه
ساقو ولدهم حـرب مـن حـر الاكيـاس=حـيـث انـهـم ملـفـا العـلـوم الجمـيـلـه

ومن قصيده للراحل الاديب /محمد العسيلي اسكنه الله فسيح جناته
يعدد بها بعض افعال حرب اختار منها مقطع يخص سالفة البشري

يانورلـنـا معـجـزات مـسـمـاه=ومن دوحة الشيمه لنا فروع واعذوق
الطيـب لنـا فيـه جلـه وعلـيـاه=ماطيبنـا هرجـة بلاعيـم وحلـوق
الجار عـن ميـلات الايـام نـدراه=شف قصة البشري بها العلم ماثـوق
كن المهادي شـق لـه مـن مزايـاه=لولا الخبرمعروف تقـول مسـروق
تشابهة قصـة هـل الحلـم والجـاه=قصه مثل قصـه وقايـع ومنطـوق
بس المهادي جار جاره علي انسـاه=وهذا سبب خطله من ايدين مطفـوق
جار غريب وشاف له ضبي واخطاه=واصاب جاره جعـل يمنـاه للعـوق
وزبن على البشري وخصـه ببلـواه=قدام لايـدري عـن العلـم مخلـوق
وقام الامير اللي ابيض العلم ينصـاه=ونادى على ربعه وقالوا اجمعوا سـوق
ويوم اجمعوا خمسين وضحـى محنـاه=رفع براة الجار فـي راس صعفـوق
وابو القتيل اضفى على الجار حسنـاه=واعاد لربعه ماجمعوا له من النـوق
ونويشي اللي خلـد الوقـت ذكـراه=له مركزٍ فـي قمـة المجـد مرمـوق
راع النقـا زاح المـلامـه بيمـنـاه=دون الخوي مايلحقـه كـل ملحـوق
قص اربعه واثنين والسابـع اعيـاه=بقطع اليمين اللي على الجنب مطروق
ودخيل له جار على الهجـن خـاواه= في غزوة لامـن سلامـه ولاوفـوق
وقال البلالي ذا خويـي وانـا افـداه=موتي بعـز ولاحكـي كـل زاروق
هذا اجنبـي وامـه ورانـا تحـراه=مودعتني واوسط الجوف محـروق
وخلف ربيع اللـي هـزال مطايـاه=بنـا لنـا بيـت مـن المجد منتـوق
لـه بالكـرم ذمـه وقمـه ومثـنـاه=وله به مقاضب سيف بيدين فـاروق
ويوم السنين اللي ماتذبح بهـا الشـاه= مخيمر المطلق قرا الضيف بالنـوق
ذبح معواده ولف غربه علي رشـاه=ولاضيعه من يرزق الخلق من فـوق
وابا الشيم حجـرف قليلـه حلايـاه=اضن مـا سـوى سوايـاه مخلـوق
له بالكرم مشـوار ماتلحـق اخطـاه=ومال يطب امراح ابوزيـد ممحـوق
هاذي نماذج مـن شيمنـا المزكـاه=يشهدبها عاتق على اخـوه معتـوق

كل الشكر والتقديرلك اختي نوارس

علي جهودك الطيبه والمتميزه

لاهنتي

الله يعطيك الف عافيه

البشري اللي قصته ترفـع الـراس وافـي اليـا بارالعميـل بعميـلـه
قالواولد جارك لفا عقـب الادمـاس قاتل ولـدك وفـوق متنـه يشيلـه
وخمسين وضحا نوخن دون هوجاس وعطيـن ولدجـاره بسبـة قتيلـه
الشاعره نوارس الله يعطيك العافيه على هذه القصه الرائعة
وجري البشري مثال للعفو والصفح والكرم
ننتظر منك المزيد

شكراااااااا يانوارس بيض الله وجهك ماقصرتي

والنعم بخوالى البشور000 ماوردتي غير الصحيح اللي يبيض وجهك ووجيههم0

وماقصرتي جبتي مشاركات رائعه نقدر مجهودك ونردهالك فالافراح 00تحياتي ياشاعرتنا المتالقه في كل شى0

الاخت الفاله والشاعره نوارس

تسلمي على نقل هذا الموضوع الجميل والرائع مليء باالوفا بحقوق الجار

تقبي تحياتي وتقديري

حياك الله ياوليف الشوق

اش رايك بالموضوع 0

	المشاركة الأصلية كتبت بواسطة أمير القلعة

	البشري اللي قصته ترفـع الـراس وافـي اليـا بارالعميـل بعميـلـه قالواولد جارك لفا عقـب الادمـاس قاتل ولـدك وفـوق متنـه يشيلـه وخمسين وضحا نوخن دون هوجاس وعطيـن ولدجـاره بسبـة قتيلـه الشاعره نوارس الله يعطيك العافيه على هذه القصه الرائعة وجري البشري مثال للعفو والصفح والكرم ننتظر منك المزيد

مشكور يااميرنا على هالمرور الراقي لاعدمناك

البشري اللي قصته ترفـع الـراس= وافـي اليـا بارالعميـل بعميـلـه
قالواولد جارك لفا عقـب الادمـاس= قاتل ولـدك وفـوق متنـه يشيلـه
وخمسين وضحا نوخن دون هوجاس= وعطيـن ولدجـاره بسبـة قتيلـه
الشاعره نوارس الله يعطيك العافيه على هذه القصه الرائعة
وجري البشري مثال للعفو والصفح والكرم
ننتظر منك المزيد

شكرااااااا لجميع