خذيت من وقتي عسى الوقت يكفيك....!!!

السلام عليكم ورحمة الله وبركاته
ـ
ـ
ـ
ـ
ـ
ـ
ـ

خذيت من وقتي عسى الوقت يكفيك=وخذيت من دمي عسى الدمّ كافي
لا فاد وقتي ولا هو الدمّ يرضيك=قلي وش اللي في حياتي يعافي
برحل واخلّي حسرتي بين اياديك=برحل وشوف اللي قبل كان لافي
ذاك الصغير اللي تمنى يناديك=وترد له لبيه في حضن دافي
ترميه في ماضي غدى اليوم..يرميك=شاريك هوّن واصبح اليوم..جافي
بدّل حياته دون بعد وتغليك=وكنّه تعب بالحيل..يا كان وافي
كل السبب دنياك واعظم بلاويك=إنك تقول اعطيك ويصير مافي
شمعي تبع درب السراب ولياليك=واقبل عليّا الحين بالدمع طافي
ولا هو يهون الدمع ما عاد يبغيك=صدق الخسارة فيك ..نظم القوافي

اخووكم/ فهد الصبحي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

فهد الصبحي...

صح لسانك قصيدة رائعة....

تقبل مروري..

صح السانك ودام عزك وبنانك وبيض الله وجهك

تسلم ياالذيب على هذي القصيده الرئعه بروعة حضورك الغالي

دمتم على العزوالتقدير

,
,
,
صح لسانك وعلا شانك اخي الشاعر فهد الصبحي
والله يعطيك العافيه على القصيدة الجزله
بيض الله وجهك
مع التحيه

لله درك

صـح لسـانـك

ولاهنت يالذيب

تقبل مرووري

صح الله لسانك
ولاهنت
وسلم فكرك وبنانك
دمت برعاية الله وحفظة

اخواني الغاليين

صح الله بدنكم...ولاهنتم على التواجد العذب لكم مني ارق تحيه...يعطيك الف عافيه

صح لسانك ..يالشاعر ...فهد الصبحي
ابدعت لاهان راسك

	المشاركة الأصلية كتبت بواسطة تركي العماني

	صح لسانك ..يالشاعر ...فهد الصبحي ابدعت لاهان راسك

صح الله بدنك يالغالي,,,

يعطيك الف عافيه على تواجدك والمرور الجميل ,,ولا هنت يالغالي

لك من اخووك ارق تحيه