طاروق غريب وعجيب

13-01-08, 03:31 PM

أخيراً تبقى المحاورة القوية والتي جمعت بين الرياحي و أبو ناب والتى بدعها أبو ناب في طاروق غريب وعجيب وبالحق قد جاراه الرياحي وإن دل عن ذلك فإنما يدل على قوة كلا الشاعرين بيد أن ماأفسد ذلك الطاروق هو خروج المحاورة عن السيطرة وكانت بالفعل تصفية حسابات لها تداعياتها ولا داعي لذكرها علماً بأن المحاورة بأكملها لدي وموثقة ولكن سأحذف بعض الابيات لآن المقام يتنزه عن ذكرها :

@مبروك أبو ناب :=
كريم يا بارقاً عليه الطير حايـم=أدرى به الخلاق عـلام الغيـوب
خلا لاهل تربه لا ثياب ولا عمايم=يلبسون السرح عن صفق الهبوب
الضيف ضيف الله عسى عمره طويل=والضيف باغـي لهاعلومـاً تقنعـه
حنا كسبنـا الاولـه يـوم الغنايـم=فزنا واخذنا الكاس من حظ الحروب
إن كان عنها يا أحمرالعينين نايـم=أنشد كبار القـوم عدليـن القلـوب
إن كان باغي الفوز هذا مستحيل=ماهو بخادعني ولاني بخادعـه
@ الرد من الرياحي :=
هذا زمـان اللـي يحبـون الخرايـم=والكذب جاء له دور والصدق محروب
وأهل تربه قوم الوفاء والحـظ قايـم=ما سيروا بين الزرايـب والـزروب
ضيف الكرم ما هو بضيفا للبخيل=لا تستريب ولا يجيلـك لعلعلـه
الدرب ممدود ياحصان الصرايـم=مد القدم في شرق ولا في غروب
لو مسفرة تظلمك تصبر بالظلايـم=أسقتك من كاس الهنا عشرين كوب
إن كان عندك سالفه هات الدليل=ماهي بدايم بعبعه فـي بعبعـه
@ مبروك أبو ناب :=
حنا على درب النقا دايم ودايـم=أنشد رجال الشام ورجال الجنوب
مانستمع في أهل النميمة والنم=ايمالله مجنبا المصايـب والذنـوب
نهار حملناك بالحمـل الثقيـل=ودموع عينك جت ثلاثة وأربعة
يوم أن لزمناك يالرياحي والف دايم=حنا نجحنا يوم ربعك في الرسوب
وش أنت خابر يوم نعطيكم قسايـم=قابلت غيب الناس وامسيت مغلوب
كم واحداً كفن بثوبه في المسيل=جدك طويل الذيل وأنت تتبعه
@ الرياحي :=
أنا على اللي يجرح الصيام صايم=وأصب لك سماً على قلبك يـذوب
وليا ذبحت من الدبش ماأذبح هلايم=مانذبح إلا من كبيرات العصـوب
والفرق ما بين اللفيفة والاصيل=يالطرطعان اللي تحب الطرطعة
ياجمالا في العقال مكسرة القوايـم=الكذب ما يضفي على العربان ثوب
أفعالنا ما هـي بتجميـع الفحايـم=حسبي عليك الله كذوب ولا تتـوب
والله ما أخبر لك كثير ولا قليل=إلا نهار أبليس غزك باصبعه
@ مبروك أبو ناب :=
تسمعو فـي أجابتـه يااهـل الوسايـم=ربعاً تعرف الحق واللي تعرف الدروب
المشكلة بانـت فـي زنبيـل القمايـم=الخايـن الكـذاب نفـاخ الــذروب
ماني قبيلك روح دور لـك قبيـل=دايم على الفاضى تطرطع طرطعه