بين الشاعر عبيد بن داموك الرشيدي والشاعر غازي الزغيبي

لا ياهجوس القيل عودي على العملاق=يبي عرضة الفلم الملون على الشاشه
تحت مجهر اللي فطنته وهبة الخـلاق=يصور هدفها في هواجيـس جياشـه
عبيد الرشيدي سابـحٍ ماهـر فتـاق=ليا اوحيت شعره يعطي اعجاب ودهاشه
يطش الهدف لا غر من جدعه التفـاق=ليا زمه اللي غـر تقنينـه ارماشـه
يجود هدفها لا تسـاوىو فكـره راق=تريع عليه اللي من الغشـم منحاشـه
بعيد عن الهفوات ومضارب الاسـواق=بعصر تحكم بـه موازيـن غشاشـه
تبجح به اسماء يالرشيدي لها عشـاق=وعشاقها ندري بهـا نـاس معتاشـه
الاواحسايف كيف بعض الامور تطـاق=يضيع تراث اجدادنا العضـم وعراشـه
كانه يعيب الشعـر ياطيـب الميثـاق=سمعنا وشفنا مقطع حسين وقماشـه
على ساحة المسرح سفينه بالاسـواق=على جال بحرٍ والهوامير فـي طاشـه
ترسـي علـى سيفـه ويالله يـارزاق=تجيب الخبير اللي حوى العلم في جاشه
مادام انها هاللون سلك الفقيـه دقـاق=مثل قيل ياحـض البنـاد م ومحاشـه
مقضي حياتـه لامضحـي ولاملحـاق=ولاجامعٍ مكسـب ولاارتـاح بفراشـه
اقولة ونيشان القضيه بيـاض الهـاق=يبين به العبـرود يـا عبيـد لاناشـه
يطول الهدف بلجيك والبرنو ام احـلاق=بعيد عن الدقسه لـو جـاب رشاشـه
وضيفه مرتبها نسميه فحص اخـلاق=لها منصبٍ يحتك فـي نـاس قراشـه
يحقق طموحه كل جمعه يحط اسبـاق=يجنب قصير النـاع مايدحـم الباشـه
ولكن يمر ابها زمـن مـرة البـراق=ولايعيش في دورٍ قصر عنه ماعاشـه
ووضيفه مرتبها لمن يستحـق يسـاق=بها من مدير اليـا عمالـه وفراشـه
ولكن فيها عيب والعيب سـوا و فـاق=على حسنةٍ يوخذ بها نـوع فرفاشـه
وتمت معاناتٍ تحيـر بهـا العمـلاق=وخاطب زميله يطلب اسعاف وانعاشـه

ردودالشاعر|عبيد بن داموك الرشيدي

هلا بالطروق ومرحبـا فيـك ياعمـلاق=يافخر القصيد وتاج عـزه وشـو باشـه
هلا فيك ياللي ساق خيل الفزوع سبـاق=وراء الذود من خوف الطماميع تحتاشـه
احييك يااللي صان عهد وحفض ميثـاق=من السالف اللي يحتوي نعصر هواشـه
هدوه يطمع بـه عـدوه وهـو تريـاق=لمـن يستـلـذه ويتـحـرا تنعنـاشـه
يشفه عدوه مادري انـه يبـاس اريـاق=ليالتف سـاق بسـاق يجـدع العكاشـه
سوات البحر هين شواطى وعسر اعماق=خبر دانته ماجابـه اللـي علـى طاشـه
مالي عذر احوفه بالطوارف وبالاشنـاق=واغرفه مع اللي جاب دلـوه ومقطاشـه
الي غبته مركب ولـي داخلـه مـزراق=وهو حيرتاً فيـه اكثرالـروس منداشـه
الايا هجوسي مالـك الاصـدر مشتـاق=اليا طال دربه طـال شوقـه لمطراشـه
على طرق غازي زاح ظل وسطع مشراق=مع الغانمين النفـس شرهـه وشواشـه
عيوني تلـد الشـوف للبـرق والدهـاق=مع اللي يخيلـون النواشـي ورشراشـه
على ديره مافي شجرهـا وخضـر وراق=هطل بالرياح وهواجهـا طيـر قشاشـه
عجاف السنين وقسمه الخالـق الـرزاق=تزيح القراح وسلسبيلـه عـن قشاشـه
يقول الزغيبـي مـورده مـره ماينـذاق=تهـول وهولنـي قطيـنـه وهتـاشـه
واصوات على غازي بلاشي نحا وخنـاق=تـرا السـر خبلـه ماينـوس تفتاشـه
تخير ياغازي بين لامـا وبيـن افـراق=مـادام العمـاوي قـام يكثـر تقهاشـه
فراق الجباير المحـرول كسيـر السـاق=وقبـر زيـد طيـاح النصايـب ونباشـه
هذا اول خيار وصفعه اللي مضا بطـراق=وجحدان من سجـو ولجـو بلـو لاشـه
اذا انك تقول الجـل ناحـل مـن البـواق=انا اقول راس الظبى ماشبـع لعراشعـه
تعال ارسم اشكال الكروكي على الاوراق=لمن يقلعه نجم المريـوه عـن غباشـه
محامي قضيه والمتاعـب بـدون انفـاق=دفاع الرقود بوجـه شرسـه ومهتاشـه
بها اشلع شلوع اللي من الوكر والمسباق=عقب ماشبكوه افلت من يديـن خماشـه
انا وانت بالطمعه وفـي فلقـه الغـلاق=خشر الوعد خشـم الحشيمـه ونواشـه
ترا الذنب صار اكبر من الصرح والعملاق=بعـد قيـل للشايـب يافنـد م وياباشـه

صح السان الشاعر العملاق غازي الزغيبي
ولسان الشاعر عبيد بن داموك الرشيدي

ويعطيك الف عافية اخوي حمد

تحياتي

صح السان الشاعر العملاق ابوطلال غازي الزغيبي

وبيض الله وجهك اخوي حمد

تحياتي وتقديري
عاشق بريده

/
.


السلام عليكم


صح لسان الشاعر / غازي الزغيبي


والف شكر لك اخي حمد النويمي
على هذا الجهد المبارك


تحياتي لك



:
.

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

الشاعر العملاق ابوطلال غازي الزغيبي

صح لسانك

وبيض الله وجهك يالغالي

والف شكر لك اخي حمد النويمي على النقل

اخوك
سلطان

الله يـعـطـيـك الـعـافيـــــــــــة


اخـوك الـحـب الـبـاقـي


دمت بخير

بارك الله فيك على النقل الرائع

بيض الله وجهك

اتمنالك التوفيق إن شاء الله

أخيك ابوروان

0
/

صح لسان الشاعر العملاق


و مشكور يالنويمي

/
0