متى يشيـــــــــــب الغراب؟؟؟؟؟؟؟؟؟؟؟؟

بسم الله الرحمن الرحيم

متى يشيب الغراب؟

يقول من شـيـّــبه ذا العصر بانشاده=بأهوال آخر زمن مذهول ومتيّه
غرائباً جــاءت مـنـسـاقـه ومن قاده=عجائب العصر مسموعة ومرئيه
أصبح رعاع العرب في عصرنا قاده=والساده أتباع مأموره ومنهيه
ورويـبـض الـقوم أصبح ماله أنداده=في وقت فيه أيدي الفرسان ملويه
زمـان والرجل يورث صفة أجداده=اللؤم ميراث والجودة وراثيه
ثم أخـتـلط نـسـب المـسيود والساده=ماعاد تعرف عديم الأصل وأصليه
صحـيـح لـلـمـتـقـي الفـضل وزياده=لكن الأنساب على أصول جذريه
والرجل شوره مع النسوان وأولاده=ما عاد له شور وأوامره ملغيه
والثعلب أصبح جـواد وجاد بجراده=وجابها من صيود البر منقيه
تجري بدمه صفــات البخـل وقراده=داره من الضيف طول الدهر محميه
تقول ما شاف وبــل الخيــر وبراده=لو جاه نعمة بقت في الكيس مخفيه
وحين تاجـي العطايــا الناس حمّاده=وهو لاجت عطيه قال أحقيه
يفيد من الـمـجـتـمـع وهـو ما فاده=يفرد يد الأخذ ويد الرد مطويه
مثله ما يـنقص عدد قومٍ وما زاده=إن غايباً وإن حاضر كله سواسيه
متى يشيب الغراب ويغير اسواده=والعين البيضا يصير بها سواديه
هنا الأناني يفيق ويترك العاده=يحس بالناس ويبطـّـّل أنانيه
والناس كلا ً لزم في بيته احياده=قرشين بجيبه عن الأقارب مغنيه
لا هو بناشد ولا جا عنه نشـّاده=في أمن ونعمة ماله بالناس لزميه
ثم أصبح القوم سرداده ومرداده=مشغوله الناس بالدنيا ومعميه
يسعوا للأسهم مثيل سيول ورّاده=وعند المصارف كما عسكر نظاميه
على حساب العمل والعلم وعباده=صرنا نميح الدلي في بئر غربيه
نرجوا من الله يزيح الشر وأبعاده=ويعيد للمجتمع سلم العروبيه

أبو هزاع
بـــــــــاني المعانـــــــي

نرجوا من الله يزيح الشر وأبعـاده=ويعيد للمجتمـع سلـم العروبيـه

اللهما آمين ياخوي

صح لسااااااانك

وسلم بنانك

قصيدة جميييييييييييييله

ذااااااااااااات معاااااني

ساااااااااااااااميه

تحيااااااااااااااتي

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك
ونحن بانتظار جديدك
تقبل تحيتي وتقديري

الأخوان: عيسى العوفي و أبو مشعاب الحربي و الحب الباقي و ندا الغيداني.كل واحد منكم يستحق رد منفصل ، لكنني مشغول.
صح الله أبدانكم ونشكركم على شعوركم والقادم أفضل بإذن الله