سلام ردة وفا تنصى عموم الرجال

بعد التحيه على الجميع
نتمنى من المراقبين والمسؤلين ان يتم تكثيف الاهتمام بملتقى المحاوره والقلطه لقلة الشعراء المتواجدين في الساحه حالياً وتقبلوا فائق تحياتي

سلام ردة وفا تنصى عموم الرجال = من هاجس لا بدع ما يبدع الا جزيل
نادوا لنا شاعر يستر به كل بال = ناخذ ونعطي معه ونحط فيه ونشيل

ارحب تراحيب بدوٍ في قدوم الخيال=الي بروقه تكاشف عقب طلة سهيل
العيد من دون شك إلياتبين هلال=وان ماتبين هلال الصبر طبعاً جميل

دام البقا يالمرحب يا كريم السبال = والبرق وسط المزون اللي عليكم تخيل
الله يجيب المطر ويعم سهل وجبال = والصبر طيب لكن الله يذل الذليل

	المشاركة الأصلية كتبت بواسطة ابراهيم القرون

	ما اعرفك لكن بارحب بك على كل حال = والليل يقبل ونعرف وش ورا كل ليل تحمل الشاعر ان جتك الطروق الطوال = وانته تحب القصير ولاتحب الطويل

الاخ ابراهيم القرون كما تعرف ويعرف الجميع المحاوره بدها حفيد الحجوري ورديت انا عليه لكن انا مدري ليه رديت عليه انت احد الامريين اما انك مادريت بردي او ردي ماهو قد المقام ورديت على الحفيد فانا منتظر منك الجواب حالاً

لاهنت لعل لك في كل جزله مجال=وسحابة الصيف ماتملاء مجر المسيل
والغيب يعلم به الخالق عزيز الجلال=الله يعز الكريم ولايعز البخيل

الله يبيض وجيه اللجميع
شعار متمكنين
الاخ مضحي بن جمران انت شاعر كبير ما يلحقنا فيك شك وردك وافي
والاخ براهيم القرون من الشعراء المبدعين
اكيد ماشاف الرد نوب الشاعر مايلاحظ غير رد الشاعر المقابل وتفوت عليه بعض الامور
تحياتي للجميع والله انكم شعار مميزين الله يبيض وجيهكم

الشاعر حفيد الحجيري،

و

الشاعر مضحي بن جمران

صحت ألسنتكم

متابع للنهايه

ونعم بالجميع وكلكم كفو واحنا نتعلم منكم

الحمد لله وهبنا من جزيل الخصال = والسيل ما هو مبقي من كثير وقليل
ما أحد من الناس يعلم خافيات الليال = لكن ما فيه زرع الا يجيله حصيل

راعي وفا دوم يابو أحمد ومثل ماقال سعد المحمدي ونتمنى إكمال المحاورة الرائعة

حفيد الحجيري ملتقى المحاورة والردية عامرٌ بشعرائه ومراقبيه

وأيضاً نتمنى المزيد والمزيد من الشعراء وأنت منهم

صح الله لسانيكما وبيض الله وجهيكما دوماً على العز والطولة

سعدت بمروي على المحاورة وسأتابع بكل شوق

تقبلا ودي واحترامي

	المشاركة الأصلية كتبت بواسطة سعد المحمدي

	الله يبيض وجيه اللجميع شعار متمكنين الاخ مضحي بن جمران انت شاعر كبير ما يلحقنا فيك شك وردك وافي والاخ براهيم القرون من الشعراء المبدعين اكيد ماشاف الرد نوب الشاعر مايلاحض غير رد الشاعر المقابل وتفوت عليه بعض الامور تحياتي للجميع والله انكم شعار مميزين اللله يبيض وجيهكم

وجهك ابيض ياشاعرنا الجزل سعد المحمدي والشك بعيد يابو تركي
وشهاتك وسام فخر واعتزاز لنا لاهنت لكن ليه شرهه على الطيب شرواك وشروا ابراهيم القرون وشروا كل المتواجدين لكن ياسعد انت لقيت رد على الشاعر قبلك فاخبر صاحب الرد بعذرك واذا غذرك وجيه فانت معذور والدعوى كلها سهاله والله ثم والله اني رديت على اخويه الحفيد حيا منه وانا كنت مشغول لكن استحيت اتركه واستحيت اعتذر منه والا دون شك اتشرف باللعب مع كل شعراء الملتقى دون استثناء لااحد وكلهم عندي سواء المبتدي مثلي والمتمكن وابراهيم ابن عم وشاعر ورده جزل واجزل من ردي لكن لو بداء قبلي لايمكن ادخل وارد على الشاعر المقابل مهما يكون الا اذا انسحب وطلب شاعر يحل محله فبهذه الحال معذور لكن الله يحيي الجميع ولاصار الا الخير

والملتقى مايجمع الا الطيبين شرواكم