لحن بين الشاعر / سعود المحياوي و ماجد أبومديده ( اتمنى ان يروق للمتصفحين )

*
*
*
*
*
*
*


لحن جرى بين كلآ من الشاعر المبدع / سعود المحياوي

&

ماجد عبدالله أبومديده
الجدعاني

سعود =
حروفـكـم ماعليـهـا زود=ورسم المثل عندكـم إبـداع
سـلام مـن يمْنـا ممـدود=نبغى لحن يطرب الأسمـاع
أبومديده=
حرفي على المنهج المعهود=يرقا معـك ياطويـل البـاع
يامرحبـا والمثـل مشهـود=في ساحة الأُنس بالإجمـاع
سعود=
ماجيتـك إلآ وأنـا ملهـود=أشكي من المُـر والأوجـاع
مدري هـذاك الغـرم يعـود=ولآ الأمل في رجوعه ضـاع
أبومديده=
أنا معـك بابـذِل المجهـود=ياسبْع دونَك رِجـال سبْـاع
لاتقول باب الأمـل مسـدود=لأن فـن الغـرام صــرآع
سعود =
أعرفك راعي وفـا وتـذود=تمشي مع الحق ماتنصـاع
كيف الصديق الحميم يجـود=وياقَف معي فأضيق الأوضاع
أبومديده=
تفـرّعَـت لـلــردود ردود=والحـق دايـم قـوّيْ ذراع
ولو للصداقه أسُس وبنـود=ماتِنحِـدر للوطَـا والقـاع
يبقى صديقك معك موجـود=ولايستِمع هرجـة الخـدّاع
وإن كان عِندك شكّك ياسعود=لجل إيش تفرِد معاه شـراع

تحياتي وأشواقي
ماجد ابومديده

صحة الالسن بدع ورد
على
اعلى
مستوى

صحت الالسن ولاهان المنطوق ابداع من الطرفين بيض الله وجيهكم

صح لسانك يا ابو عبد الله ولسان الشاعر العذب سعود المحياوي

وتسلم على إمتاعنا بهذا اللحن وطابت لك الأيام

محاورة رائعة بالفعل يابو عبدالله

صح الله لسانك ولسان الشاعر سعود المحياوي وأدام عزكما وبيانكما

سعدت بمروري وتصفحي

تقبل ودي واحترامي

¨°o.O ( ×××××××) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم