بعض الرفقه ينعاذ منها

السلام عليكم ورحمة الله وبركاته
قصيده متواضعه ارجوان تنال رضاكم

عسى رفقة رفيقا ماثنت بغياب صاحبها=تحل بمن تسمى بإسمها حال خفايفها
تشل ايديه وعيونه يفتح مايشوف إبها=وتصم اسموع تسمع في قفى الغايب حذايفها
حشا ماحاذف المسلم نقي النفس غالبها=ياكود اللي من الثنتين وحده به وصايفها
خبيث النفس في عرفه يغمض عن عواقبها=يسوق إلها البشاير لاصدفت له في صدايفها
يثمنها غنيمه في عقل مرضان كاسبها=بلاذمه مشى يمه بنفسه مع هدايفها
حليف البوق ضواها علي غمرا محسبها=احساب إمناصر الاسود بدعوى انه إمضيفها
عدوالله سميه وان سكت بحجاب حاجبها=تسمى بإسم نور الكون وتنصف في نصايفها
غدرهامن غدر ذمه بسوق البور جالبها=ابووجهين منهاجه تقدابه ضعايفها
فديغاً لاادبكت معها سواء عنده مذاهبها=غرايب ملة الشيعه علي السنه يوصفها
مقلد حامي الشاوي بلا مبرر يزهبها=كبر شمس الضحى لو هو قليل العرف شايفها
اخذها من الوطا بيده وعلي راسه تشقلبها=يحسبه شارب الصافي ومشروبه عذايفها

لكم صادق الود وفائق التقدير
سالم بن ظفر

ايها الراقي

صح لسانك وسلم قلبك

أبيات بمنتهى الإبداع

::

دمت بوافر التقدير

صح لسانك وعلاء شانك يابو فواز جزله من راس جزل لاهنت سلمت ودمت وبيض الله وجهك ياذرب الاولاد وتقبل مني صادق الود والتقدير والاحترام

جريح الفرقا
،
صح لسانك
،
جزل دائما

صح لســــــــــــانــــــــــكـــ

بيض الله وجهك

	المشاركة الأصلية كتبت بواسطة سلافة الحب

	ايها الراقي صح لسانك وسلم قلبك أبيات بمنتهى الإبداع :: دمت بوافر التقدير

صح بدنك وطال عمرك


الروعه والجمال تواجدك العطر لاهنتي اختي

اسعدني تواجدك هنا

جريح الفرقا

ربطت هذا الاسم بالابداع كما عودتنا دائما"

صح لسانك والله يعطيك العافيه يابوفواز

صح لسانك اخوي
و احنا في انتظار مثيلات لها
دمت في حفظ الرحمن

	المشاركة الأصلية كتبت بواسطة مضحي بن جمران

	صح لسانك وعلاء شانك يابو فواز جزله من راس جزل لاهنت سلمت ودمت وبيض الله وجهك ياذرب الاولاد وتقبل مني صادق الود والتقدير والاحترام

صح بدنك وطال عمرك

ربي يسلك ويعافيك والشر يبعد عنك مايجيك


ووجهك ابيض

اسعدني تواجدك المشرف لاهنت

	صح لسانك مليون على القصيده والله يـعـطـيـك الـعـافيـــــــــــة بيض الله وجهك