محاوره بين عيد بن مربح وصياف الحربي

09-09-06, 09:35 AM

عيد=
سلام ياهل الحفل وابغى صفوف يسمعنـى=ثم ازهموا لى على صياف يثبت فى مكا نه
اللى يقابـل وسيـع المعرفـة مايستمنـى=اللى يبا الملعبة يقلط وله شيـك بضمانـه
صياف=
قلب المولع تولع فيك ياصوت المغنـى=لكن ابو زيد لولا الفيد ما تعّب حصانـه
انا تبعـت الليالـى والليالـى عذبنـى=والرجل يطلق لسانه لين يتعب فى زمانه
عيد=
اليا كسبتم عوايدكـم سباعـن يكسبنـى=ذا اليل قدمك جبل يابن العرب ماهو ليانه
انا مورى بكم يوم السو الـف ياصلنـى=والله لا قلد مغير الذيب وامشى بمشيانـه
صياف=
كم واحد يحمس القهوه ونجره مايدنـى=مدرى يباها سياسـة غافيـه ولا لعانـه
اسمع كلامى وعلم به ورد العلـم عنـى=ان كان حصلت خاين قول له خل الخيانه
عيد=
نجورنا قلطت يـوم النجـور يقلطنـى=واهل القلوب الذهينه طيبها بس الذهانـه
انا احسب ان المهندس قبل بالتصميم فنى=واثره يبوز مساميـر التريلـه بالسبانـه
صياف=
راع الغنم يزرع الحنى ويعرف للتحنى=يشوفه احمر يحسبنه عصير البر تقانه
من راح زعلان لعله يروح ولا يثنـى=حتى لقيناك يالبارود وسـط الجبخانـه
عيد=
الله يساعدك واللى غابـن(ن) قلبـك غبنـى=من لحقه الحف يدهن شاربه بأتلـى دهانـه
ليت الليالي عن اهـل المعرفـة مابرزنـى=اظني اكسب من اهل المعرفه عرف وحصانه
صياف=
قابلت شهب السباع مع الطريق وقابلنـي=واللى قليبه صخيف كيف يلقى له متانـه
لعل قلب العنا يصل البحور ويرجهنـي=اما صحى القلب والا امرجت فيه الجبانه
عيد=
اناقريت الحيايـا الرقـط حتـى صاحبنـي=ولقيت درب الشجاعه خير من درب الجبانه
سبحت سبع البحور بقدرة الله مـا غرقنـي=والعرف ما هو يا راع المعرفه بالخيزرانه