يانخبة النخبه على الزين والزين (بمناسبة فوز الطهيمي بنخبة النخبة)

السلام عليكم ورحمة الله وبركاته

مشاعر بمناسبة فوز الشيخ عليان الطهيمي بنخبة النخبه ومبروك لحرب عامه

يانخبة النخبه على الزين والزين=لاباعرن لابن الطهيمي وحدها
وضح الطهيمي سرت الوجه والعين=يالله تكفيها العيون وحسدها
ندخل بصنف الوضح وايضا امتحدين=ونصعد على القمه ولاحدن صعدها
لاطبت الميدان ترجح موازين=وتحط ذيدان العرب من بعدها
مع دبكها تهتز منها ميادين=وتصف صف الجيش كامل عددها
الذود كنه روس مزن الودادين=بوسط المزاين والجوايز وعدها
أرقابها تاخذ من الطول ثلثين =ماتلتفت للناس واللي حقدها
الكنق في وزنه يعادل ملايين=للجايزه بالذود سار ووردها
معرو فة(ن)بالزين مايذكرالشين=بهاماتها يلين تاصل ليدها
سبحان ياخالق جميع الثقالين=تقول كل الزين بس بوحدها
يامنافسين أبن الطهيمي على وين=تراجعوا من قبل يفتر جهدها
تراجعوا لايظهر العلم ويبين=من قبل حرب اتدق فيهم وتدها
تستاهل النخبه ولافيه تخمين =كفولها كفولها وأعتمدها
كفولها ياللي دحرت الشياطين=وأخلال في عين العدو مع رمدها
كفولها ياذخر حرب الميامين=الناس تنطق سطر تكفى وزدها
كفولها يالين يالين يالين=ترضي وترضى حرب باين سعدها
الابل غلاها من مضى لين بعدين=خيمة غلاها مجودين بعمدها
ترا الغلا يزداد حين ورا حين=في قلب حربي كل واحد وجدها
حنا أهل الدنيا وحنا أهل الدين=ميزه بحرب وقل منهو جحدها
اليا هرجنا نثمن العلم تثمين=من هرجه الحربي نبي من نقدها
حنا بضل ال السعود السلاطين=ملوكنا تعتز منها بلدها
دوله ولاتمشي بحكم القوانين=تحكم بشرع الله وحنا سندها
وأختامها بأختم بالابيات بيتين=في حرب ربعي ماتخون بوعدها
اليا أعترضكم واحدن من رديين=صرتوا بنادق يوم تقدح زندها
واليا عرفكم واحدن من وفيين=صرتوا سحابه هل ماها ببلدها

وسلامتكم

واللــه يابدر حاولت اطلع كم بيت حلو بالقصــيده

لكن لقيت كل القصــيده بقمـة الجمـال

وقصـيده لها طـرب خاص

ولها نقها بكلماتها وزنها

ويكفي صياغت القصــيده

وصح السـانك

وتستاهل ابل الطهيمي النخبـه

وماينلامون اللي انسحبو من المزاين

من شيين شافــوه

من يوم حضر الطهيمي وابله

وصح اللــه السـانك

على هالجــزله

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح السانك
وعلا شانك



وتستاهل وضح الطهيمي والطهيمي المدح والثناء




لاعدمناك


تحيتي وتقديري

يستاااهل ابووو فواز كل علم غااانم

نومسنا ورفع روسنا بيض الله وجهه

اشهد بالله انه فخر كل حربي

	المشاركة الأصلية كتبت بواسطة لازم اسجل

	واللــه يابدر حاولت اطلع كم بيت حلو بالقصــيده لكن لقيت كل القصــيده بقمـة الجمـال وقصـيده لها طـرب خاص ولها نقها بكلماتها وزنها ويكفي صياغت القصــيده وصح السـانك وتستاهل ابل الطهيمي النخبـه وماينلامون اللي انسحبو من المزاين من شيين شافــوه من يوم حضر الطهيمي وابله وصح اللــه السـانك على هالجــزله

صح بدنك ياعوض ومشكور على مرورك الجزل


الطهيمي يستاهل النخبه السنه هذي والسنين الجايه لامنافس للطهيمي

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك
..
..
أسجل اعجابي بالقصيدة
..
ويعطيك العافيه
..

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

رابح مشكور على مرورك الجزل ياجزل