مجالسية للشاعر هلال السيالي يرحمة الله

يـاقـلــب لاتكـثــر عـلـيــه طــواريـــك
جنبت عـني الـنـــوم يـاقـــلب وشفيك
مــرات حــاديـنـي ومـــرات حـــاديـك
وأنا احسـب انك تحت الأحكـام صبار
أنا ابغـاك تصبـر تحـت حكم الزماني

اصبــر ولــو جـارت عـلاك الجواري
مـــادام مـن فــوقــي تـهـب الـذواري
والورش ينبت في يبوس الشجــاري
حين ماتسيل مزون همال الأمــطـــار
يطيب المريض ليــا نـــواه الأوانـــي

الصبــر زيــن وفـيـــه لـرجـــل ثنتين
تكســب جميـل وتقضي الحق والدين
وليا لطمــت الخشم تبـي تدمع العين
أحرص على عينك وأخذها بالأبصار
وانا ابغــاك ترضـي الله والعمر فاني

يــافـــارج الكــربـات مانـعـلــم الغيب
أونس في قلبـي سعــر مثل اللواهيب
وماليبي الا حـلـتـــي والـمـــواجــيــب
عــلــــم علــى الـرجـــال مافيه معذار
أخــاف إن عـشـــريـنــي تعـود ثماني

لاحــانت الـرحــلة وحـــان الرحـيـلي
طـالـبـــك يــاراع الـكــرم والجميـلـي
ضـاقــت بــي الحـيــلات وانهد حيلي
وانظـر بعينـي يـمــت الأهــل محتــار
وريقي نشف ماعــاد يلحـق لـســاني

صــاح الـولــد والـبـنـت وأم العيـالي
واحط نعشي في جـنـــوب الـرجــالي
وامسيت في حفـرة غـريبٍ لـحــــالي
ومفارق الأصحــاب والأهـــل والـدار
وهـالـــوا عليــه حفــرتي في ثــواني

اقـفــوا وخـلــونــي غـريبٍ وحـيـــدي
لـدفــــع بـرجـلـيـــه ولـدفــع بالأيــدي
وجـونـــي اللي يحسبـون الـرصـيـدي
ويبين راس المــال مكـسـب ومخسار
ســؤال وجــواب وبـعــدهــا علم ثاني

يـــارب ثبتنــــي بـقــــول الـثـبـــاتــي
وبكلمــة الـتــوحـيــد تنطـق شـفــاتي
وارحـم حيــاتــي ثــم ترحــم مماتــي
ياواحــدن دايـــم علـى الخـلــق ستار
تبـدل لنــا سـيــاتـنـــا بـالـحـســـانــي

¨°o.O ( ×××××××) O.o°¨

الله يـعـطـيـك الـعـافيـــــــــــة
بيض الله وجهك