قصيده بالشيخ منيف بن جازي الوسوس ...نايف بن مياس

الطيف سبع الوان ياثامن الطيف
كلفتني غير الكلايف كلايف
اقضي نهاري فوق روس المشاريف
ارتاح بالرجم الطويل المهايف
ماهو فراق اهل القلوب المواليف
ولاهو غرام معسلات الشفايف
ياحيف من بعض الرياجيل ياحيف
امتونهم ماترتكي للخفايف
هذارة المجلس كبار السواليف
وموكدين ان الاوادم علايف
والا انت شيال الثقيلات يامنيف
على النقاءومكملات العرايف
ارسى من الضلعان عند المواقيف
وامان من جاله من الوقت خايف
الين من الفلين واسطى من السيف
للطيب طيب وللصلايف صلايف
له مجلس ن مايفقد النار والكيف
جمر الغضاء ماشبها بالعسايف
دثر الشحم ومعاقب الضيف للضيف
ماجوبهم لو انها بالحلايف
من جازي المرحوم فيه التواصيف
خير الخلف للراحلين السلايف
والناس كلن يذكره بالمعاريف
مايرجع اللي ياصله بالحسايف
هواه في عفر البكار المشاعيف
مقدارها بين الضلوع النحايف
عاداتها قطع الخرايم مراديف
ماحافها غيره من الناس حايف
اليا ندبها درهمت له مهاديف
طول الرقاب مشابهات الزرايف
في كيفها يمشي وتمشي على الكيف
والناس وارضاء الناس ماهو هدايف
والذود ماهي سلوة للمزاهيف
مقدارها منزالها بالعطايف

نايف بن مياس الفريدي

والنعم بالجميع
وشيوخ حرب كبار
في اسمهم ومواقفهم
ويستحقون المدح والثنا
صح السانك لاهنت
ولاهان منطوقك
ومادامها في حربي
تستحق الفايف
سترز وبجدارة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك
قصيدة رائعة