في حاجة ٍ نحتاجها واستحينا - نحتال فيها كل ماطيفها حام .!

السلام عليكم ورحمة الله وبركاته ..

قصيده من الجديد اتمنى ان تلقى القبول ..

الله واكبر يازمان ٍ علينا = ماكمل الناقص الا جاوز التااام
لاقلت هانت يازمان ونسينا =رجعتنا للعام وامعافر العام
لكننا بالسابقين اقتدينا = والله يعوضنا بمقبلة الايام
مافيه دمعه في نواضر حدينا = الا عزفناها ترانيم وانغام
رغم الشقا وامعانده ماشكينا = نضحك ونخفي عبرة العين بلثام
نخفي مواجعنا وعنها لهينا = ماكنها فينا تلاويع وآلام
واليا انتهينا يازمان ابتدينا = ماجفت الدمعه من عيون الايتام
ولمين لامنا بغينا حكينا = يامن على درب الشقا درع وحزام
في ساعة ٍ من عمرنا مااهتنينا = دنيا مصارعها عطيبات واجسام
في مدرستها كاتبين وقرينا = وامجوّدين احروفها اظهار وادغام
ولامشت فينا على مابغينا = على مشاعرنا قضت حكم الاعدام
نعطي ومن لذاتها ماخذينا = على مواردها مقلّين واحيام
ياليتنا في قاعها ماوطينا = ولامشينا دربها غبن وايلام
دنيا شربنا مرها وارتوينا = والحظ فيها راقد ٍ مابعد قام
نسهر ولاعن فاجعتنا غفينا = عن الكرى مازالت العين بصيام
يالايمين بلومكم مادرينا = عن لومكم من دون لانقصد نيام
على طريق المنتحين انتحينا = لو انها ماتقدر المشي الاقدام
وبحل معضلة الليالي سعينا = ولانفعنا العزم فيها والاقدام
ياعونة الله وشبقى مالقينا = مع كل درب يلازمه عض الابهام
في حاجة ٍ نحتاجها واستحينا = نحتال فيها كل ماطيفها حام
على فرجها كل ساع احترينا = والحكمه ان الشر والخير مادام

أطيب الأوقات ..

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر القدير
بدر الهبيري
صح لسانك وعتلا شانك
شاعر جزل
لك حظورك المميز
والراااااااااااااااائع

قصيدتك كفو وانت نوماس وعلمك غانم
صح لسانك وانا اخوك على هلقصيدة الأكثر من رائعة
من شاعر جزل ومتمكن ..
شكرا ً لك من الأعماق على هذا الحضور وهذا الابداع
وتقبل خالص تحياتي وتقديري

صح لسانك وعلا شانك
والله يعطيك العافيه على القصيدة الجزله
بيض الله وجهك

الشاعر الجزل

والمبدع

بدر الهبيري

صح لسااانك مليون وقصيده أشتملت على الجزاله والمعنى

نخـفـي مواجـعـنـا وعـنـهـا لهـيـنـا
مـاكـنـهــا فـيــنــا تــلاويـــع وآلام
والـيــا انتهـيـنـا يـازمــان ابـتـديـنـا
ماجفت الدمعـه مـن عيـون الايتـام


قصيده كلها جزله

وصح لسااانك مره اخرى

العزيز رابح الجحدلي ..

لاهنت على حضورك وصح بدنك ..

الشاعر القدير سعد المحمدي ..

لاهنت وصح بدنك يالغالي ..

العزيز ابوفياض النويمي ..

لاهنت يالقرم على حضورك الجميل وصح بدنك
تشرفت بمرورك العطر ..

الاخ العزيز نديم المجره ..
صح بدنك والله يعافيك على هالحضور الرائع ..