رديح الهومي الاربعاء في ينبع قديم

بسم الله الرحمن الرحيم
هذا الرديح أقيم في مدينة ينبع البحر يوم الأربعاء 26/6/1423هـ بمناسبة زفاف الشاب / عبدالعزيز عبدالله الهومي
لحن ليحان وكان من جدة وحضر من الشعار
محمد أبومازن- عواد أبو رقيبة- الشريف محمد بشيبش- مسعد الشطيري- جبارة العروي- الشريف محمد بن هيرون- عطيةالله الفدعاني
ومن ينبع البحر:-
عايش الدميخي- أحمد الدبيش- شتيوي عبدالله- ناصر الحجوري- محمد جميل - محمد راضي




لحن ليحان : -

الطيب بين العرب مطلب = ومنه مشوا فيه يستوفون
سلام من وفد ومجرب = تاريخهم فالوفاء مضمون
هذا ماهو شي مستغرب = عندالذي للوفاء يسعون
ترحيب والطيبة مكسب = تأخذ منه قدر ماتعطون
جانا الوفاء منك واستقطب = قدر الرجال الذي يعنون
هياأسمع اللي بعد يكتب = ونسجله للذي يقرون
درب الوفاء ماعنه محجب = انقدمه والعرب يوحون
وكلاَ حسب مشربه يشرب = والآن هات الذي مكنون
لو قالوا الناس هذا صعب= يبقى على أهل العقول يهون
وأنا من اللى سمعت اطرب = والناس مثلى عنه يثنون
حسن النوايا أمر يغلب = وأهل المحاسن بها يرقون
وكل شي مهما بعد يقرب = مادام وزن العقول يمون
قرت رياح الرفق والحب = من بعد ماعكرت بسكون
والقرب بين العرب مذهب = اللي على عهدهم يبقون
اللي لهم بالتسامح درب = لابد لأهدافهم يصلون
هذا نموذج ولايشطب = لعله البعض يستقدون

وأنكسر اللحن
وفي كسرة اللحن تغنت كسرة للشاب حمد عبدالله العياشي بمناسبة رجوع الشاعر الكبير أحمد عطا للرديح

جوالصفا مكتمل رسمه = وعادت لياليه للماضي
بحضور شاعر غني اسمه = الشاعر أحمد عطا قاضي

تكملة رديح الهومي على الهواء
لحن ســـلام
وشهد هذا اللحن أجمل مناسبة على قلوب أبناء ينبع الا وهي عودة الشاعر الكبير أحمد عطا
للعب بعد غيبة دامت سنوات وقد قابله شعراء صف أملج
صف ينبــــــع :-
أحمد عطا قاضي ورفاقته

أملـــــج : -
محمود العزازي- عبدالرحمن الصيدلاني- سلطان رمضان - عبدالله باخت - محمد جودة – أحمد الصيدلاني لحن سلام :-

أسمع نغم للصفا والأنس = يسريبه الشوق في أعماقي
خلى دموعي نهر من أمس = يجري ونبعه مــن أشواقي
أنا هنا أستمـع وأحـس = أعجبني المنطق الراقي
دموع الأشواق ماتحـبس = مادام باقي لها باقي
أحسب غرامي حفظ للدرس = باقي عـلى عهد ميثاقي
لــكن ظـــهر واقعه بالعكس = ضدي ويسعى على إرهاقي
للمرء فرحه وضيقة نفس = دائم مع الروح في اسباقي
ماأظـــن يخفى شعاع الشمس = يبقى حسب مصدره راقي
روحي وقلبي في وسط الحبس = أقضي المساء فيه وإشراقي
لاأنس عـندي ولا مؤنس = يـطفي لــهيبي وحــراقي
من وحدة الحال لا تيأس = والمرء ياكم بيلاقي
اللــــي مع الوقت متمرس = ما يقول ضاقت بي أخلاقي
من أجهزة فنها باللمـس = يصدر أمر والفكر شاقي
قصده يعذب فؤادي بس = وأنا على هـقوتي هاقي
يمكن حصل فالأوامر لمـس = وحال دون الهدف واقي
أشوف بينك وبينه رمـس = ماأنتم على خط متلاقي
أصفق على ما مضى بالخمس = من قلة العدل يارفاقي
كيف أقضي الليل لاعسعس = والشوق خافي ومّتاقي
أصغيت فكري لذاك الحس = اللي مدون على أوراقي
مواقف العـز ماتبخس = يبقى صداها فالأ فاقي
واللي غرس فالمواقع غرس = يجني منه كل مشتاقي
ومهما ظلام الدجى أدمس = يبقى الأمل شان براقي

لحن زمانين
وكان المشتكى من أهل جدة والرد من أهل ينبع عايش الدميخي - أحمد الدبيش
شتيوي عبدالله - ناصر الحجوري - محمد جميل - محمد راضي–

كل مازمانين غنو فيه = أصغي له السمع لا غنوه
يزعزع القلب من قاصيه = ويذكر ه بالذي عنوه
هذا هوى روح تستهويه = مهما الذي مبتلين أخفوه
يميزه بالنغم شاديه = وأهله على مركزة علوه
عذب النغم كل مانوحيه = يطرق على القلب لا لجوه
لويخفي الشوق مايمديه = لوكان بعد الوسل نسيوه
أنا تمنيتك تعليه = وتسعد به قلوب من حبوه
اللي لنا فاالمثل تطريه= عادي وكل العرب فهموه
أعلى من الرد متحريه = معدود وأهل الفكر عدوه
لكن عليك السؤال القيه = لجل ايش حكم الهوى ماجروه
جالك رفيع المثل بانيه = من مجلس المعرفة قروه
ماشفت فاالقيل ماجاريه = تطوير عن سابقه ضافوه
غزر المثل راح في عاريه = ولاأرسى في مرساه حين أرسوه
وأخاف يومي معك نقضيه = واللي نتمناه ماوصلوه
نص الحكم توجه قاضيه = فاعلى المراتب لكم علوه
بس الذي ماحمو قافيه = فالخانه الضيقة حطوه
عن أوله حرفوا تاليه = قدر الذي نرفعه وطوه
خلاص هذا اللحن بنهيه = في ذمة اللي قدر ماأعطوه
واللي كثير الأسف مشقيه = عما رغب بالمثل نحوه
يبقى لنا حق نستوفيه = لوكان طول العمر ساموه
حجبـت دمـع العيـون أسنـيـن = حـرصـت ماينسـكـب منـهـا
لكـن تحـدى عجـاج العيـن = ومنهـا تهامـل غـصـب عنـهـا
ماأستغـرب ان الدمـوع تبيـن = حتـى ولــو كـنـت صاينـهـا
لكـنـي أســأل سببـهـا منـيـن = وأفتـيـك لابــان باينـهـا
هيـا أستمـع حالـة الشاكـيـن = وجــروح فالقـلـب حاضنـهـا
عيـت عنـه تقـبـل التثمـيـن = ولا بـارحـت عــن أماكنـهـا
لا بـد عسـر الأمـور يلـيـن = وتـبـرح جـروحـك مواطنـهـا
خـط الأمـل يوصـل الساعيـن = ويـرجـع لـروحـك توازنـهـا

مشكور اخوي الله يعطيك العافيه ننتظر جددك

مشكور على جهودك واختيارك

يعطيك العافيه

وبيض الله وجهك

تقبل تحياتي

مشكورين على المرور