القنوات تستغل الشعراء الشباب

في أاحد الايام وقبل اسبوع كلمني احد شعراءالمحاوره الشباب ومن نفس القبيله
وقال انا بالرياض وهو من سكان ضواحي المدينه وقابلته ورحنا للبيت
وعند ما وصلنا البيت واستمرت السوالف كلمه واحد على الجوال وطالت المكالمه
وحبيت اتطفل بالسؤال وقلت له وشفيه عسى ما شر وقا ل
اكلونا با السلام وقلت منهم قال اصحاب القنوات
قلت كيف قال انا اتفقت معهم على مبلغ وعند ما وصلت
الرياض وشافوني صامل زادو المبلغ
قلت له مافهمت حتى الان قال قناة المرقاب بصلحو معي لقاء ومتفق معهم
على مبلغ وقدره خمسة الاف والان زادو المبلغ
وقلت له انت مجنون تدفع فلوس علشان تطلع في القناه قال جميع الشعراء
الذين ترونهم يطلعون على حسابهم ماعدا أربعة شعراء فقط
وأنا مثل ماتعرف شاعر محاوره وأحتاج إلى بروز بؤقت قياسي
مثل الشعراء الشباب الذين ترونهم ولازلت في حيرة من الأمر مع أني مصدق الرجال
بما قال هل وصل الأمر إلى أن الشاعر يدفع رسوم مقابل إعطائه الضوء الإعلامي
وماهو رأيكم بهذا الوضع ؟ وأنتظر مشاركاتكم وآرائكم النيره
وتقبلوا تحيات أخوكم الصغير طلال العمري

القنوات هي سبب ظهور الشاعر غير المعروف اعلاميا ولكن يدفع فلوس من شان يطلع هذها أمر غير مرغوب فيه يشارك في المراحل القادمه في أحد المسابقات الشعر يه مثل قلطة الوطن شاعر المعنى ويكون له شهر بعدها هذا راي وفي انتظار أرء الاخوان ..

الاخ\ طلال العمري

اسمحلي انا اجهل هذة الامور ..ولاكان من كلامك ان القنوات تستغل وضع الشاعر الجديد فهذا كلام غريب

واخيرا شكرا لك ويعطيك الله العافيه

دمت بخير

الاخ طلال العمري
اشكر على الهتمام وتنويه
وهذ هو الصحيح واكبر الدلايل وجود شعراء غير متمكنين
وقصايد غير لايقه لذايقة المتذوق ووجودها دليل الدفع مقابل طلوعها
وهلابك اخي العمري

العاقل
هلا فيك وتشرفت بحضورك الكريم

ابو صقر الحربي
هلا فيك وتشرفت بتواجدك الكريم

نادر الحربي
هلا فيك وكلام في محله اشكرك على تواجدك الكريم

حياك الله يابن العم الكريم ...


بالنسبه لرايي الشخصي اقول ..


اذا كان الشاعر يعلم من نفسه انه ذو ملكة شعريه وقدره على ان يقدم شي يرقى لسمعة الشعر ويعلم انه لن يجد من الاعلام انصافا


ولن ياتيه احد ويقول له تعال عندنا وحنا نقدمك للجمهور في هذه الحاله ما فيه مانع ان يدفع عشان


يقول ها انا ذا .... وبعد كذا خلاص ماراح يحتاج انه يدفع للقنوات متى ماثبت اقدامه وفرض على المستمع ان يسمع له . . .


ولكن ان كان من هالشله اللي ازعجوا المسامع بقصايد ومواويل فهذا والله مالومه انه يدفع عشره الاف عشان يطلع لانه عارف وضعه وانه ضعيف ولا يمكن ان يجذب الاذن لسماعه ... مثل هذولا هم عباره عن عامل ضعف على القناه اللي يطلعون بها ودليل على ان ذوق القناه فااشل في تلك الماده ...

فواز مشهور الحربي
اشكرك على الصراحه والله انك قلت الحقيقه
والصحيح يصح لو بعد حين بيض الله وجهك على ماقلت

أخي العزيز طلال العمري
هذ الشي ما هو جديد بارك الله فيك ومجهوداتك
ويقول المثل منخدم الناس بلاش اتهموه بسرقه

اشكرك على اجتهادك الملحوض وغيرتك على الشعر لاهنت وبيض الله وجهك