قصيدة في حفل قبيلة الانصار لتكريم شعراءهم

السلام عليكم ورحمة الله وبركاته

هذه القصيدة القيتها مساء يوم الجمعة الموافق 26 / 6 / 1435هـ في حفل قبيلة الانصار لتكريم شعراءهم /

الشاعر محمد بن عاتق الانصاري

الشاعر زيد بن حسين الانصاري

الشاعر فواز بن علي الانصاري

يالله بامرك نبتدي يالله بذكرك نستعين = بك اتكلنا يالعزيز اللي عليه الاتكال

سلام تسليم الوفا ويعم كل الحاضرين = مبني على وضح النقا مايختلف في كل حال

ياهاجسي بحر الشعر غوصه وعجّل بالثمين = اللي ينومس لاوقفت القيه قدام الرجال

جينا نشارك فالحفل لجل الرجال الغانمين = اصحابنا 0بعد الدعية من كريمين السبال

انصار والتاريخ حافل من عصور الاولين = بامجادهم 0 في صفحته كالنار في روس الجبال

لهم مكانة فالقلوب ومنزلة فالعالمين = ماهي عطايا من بشر هذا كرم رب الجلال

هذا وانا شاعر وربعي بشر ذربين اليمين = من روس حرب اهل المواقف والقنا واهل الدلال

واهل الثلاث المعجزات اللي بها العلم اليقين = وكل القبايل وافية وارفع لها دوم العقال

الله يبيض وجه ابن هامل وكل القايمين = بالحفل والتكريم يالانصار ياقوم الجزال

نفخر بابن عاتق محمد راعي الذِكر الحسِين = كلٍ يعرفه مدرسة فالشعر مافيها جدال

وابن علي فواز مثله سيرته فالطيبين = شاعر وراعي معرفة شرواه حماي الثقال

وشاعر الفصحى من الشعار زيد ابن حسين = انا اشهد ان الكل منهم للشرف والعز طال

والعذر فالتقصير مني ياجميع السامعين = وختامها صلوا على المختار باعداد الليال

اللهم صلي وسلم على نبينا محمد

صح لسانك يابومحمد قصيده وافيه في مكانها بيض الله وجهك

صح لسانك ولانصار يستاهلون
ويكفيهم فخراً انهم من سلسله عريقه

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يابومحمد قصيده جزله من شاعر جزل بيض الله وجهك

وتحياتي القلبيه لابن الخاله الشاعر فواز بن علي الانصاري

مع تمنياتي للجميع بالتوفيق ويحفظ الله الجميع ويبارك فيهم