لابد ماتاصل قوافلك ياعراق // ان كان ماحطمت جسر الرصافه

الاخوه الاعضاء هذه قصيده متواضعه لها موقف
قلتها فيه ارجو ان ترتقي الى ذائقتكم

منشا سحاب الشعر من غب الاعماق = وتياره الساخن يزيده كثافه
وليا تكثف وجّه حروفه وساق = ونسيمه يسابق مواقيع قافه
يعزل سموم الود عن حر الاشواق= بين الطمع والود فرق ومسافه
ترجف رعوده كل مالاح براق = وتخيله عيون الطمع والمخافه
خطير في ضوحه على بعض الاحداق = منها شعاع النور خطر انخطافه
وان هل هماله على بيض الاوراق = اسقى ورق عشب الامل عن جفافه
لاني بمتفلسف ولاني بسراق = ولا اكتب ولا افرا في طلاسم خرافه
خاطب معاني شعر واعطيت مصداق = ودافع مهرها من جنيه الصرافه
وعلى سمي اللي على الماد سباق = نسل الحصان وفي لسانه حصافه
شاعر واديب لراقي العلم ذواق = وموصوف منطوقه بحسن اتصافه
عليه من بعد الولي بعض الاوفاق = وتقريب وجهات النظر باختلافه
وقفت من شانه على ركبه وساق = من دون شك وريب مامن كلافه
والعلم غلفته بما ناسب ولاق = عن نظرة عيون الحسد واللقافه
ولابد ماتاصل قوافلك ياعراق = ان كان ماحطمت جسر الرصافه

سبك رايع

صح لسانك يارامي

	المشاركة الأصلية كتبت بواسطة ابوهليل

	سبك رايع صح لسانك يارامي

صح بدنك ولاهنت
دمت بخير

رامي الجهني شاعرمافيك حيله

تسلم وصح لسانك على القصيده الجزله من الجزل

القصيده مع جزالتها ::::: هادفه بالمعاني والمفردات

ترليون شكر ولايكفون تحياتي للجميع ســــــــــــــــلام

تسجيل تواجد في منبر الجزاله
صح لساانكـ
بيض الله وجهك

	المشاركة الأصلية كتبت بواسطة اللحالي الغيداني

	رامي الجهني شاعرمافيك حيله تسلم وصح لسانك على القصيده الجزله من الجزل القصيده مع جزالتها ::::: هادفه بالمعاني والمفردات ترليون شكر ولايكفون تحياتي للجميع ســــــــــــــــلام

الشاعر اللحالي الغيداني
صح بدنك وبيض الله وجهك
الله يسلمك يالغالي والشكر الجزيل لك
دمت بخير مع خالص تحياتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	تسجيل تواجد في منبر الجزاله صح لساانكـ بيض الله وجهك

الحب الباقي
صح بدنك ووجهك ابيض
تسلم طال عمرك على مرورك

صح لسانك شاعر مبدع