إذا مدحت أمدح مجرب ومخبور ، قصيدة

السلام عليكم ورحمة الله وبركاته

ماني على مدح الرجاجيل مجبور
وما للمجامـل في المدايح مجـالي

إذامدحت أمدح مجرب ومخبـور
ليـا أرتكـى خفــت عليــه الثقــالي

دعانـي المعــروف لكتابـة سطـور
في بادي المعــروف بـأول وتالـي*

عديـت فيهـا حــق ماخالطـه زور
ولا هـو على ماقيـل هـرج يقالـي

الناس مثل الوقت والأصل ديجور
والنـور طارئ به علـى أيـات حـالي

وعتمة ظلامه بـدده صبـح بالنـور
ماهي جديـده من عصـور خوالـي

ياصبح يا أهل الربح والرأي والشور
يا أحـرار تكفــخ ياقـروم الرجـالي

أعمكـم وأخـص بالمـدح مشهــور
مـن بينكـم رجـل كـريم السبالـي

طلـق المحيـا دايم الدوم مذكـور
بالخيـر بين النـاس لاجا مجالـي

راعـي مواقـف بالمهمـات له دور
عريـب سـاس بيـن عـم وخـالـي

إذا ضرب كفه على عظمة الـزور
في كايـده قصـر علـوم طـوالـي

كنه علـى نفـع المخاليـق مامـور
فاللي وصلنا من عزيـز الجلالـي

لعل دارك يا ابيض الوجه معمور
دار تضــلـل ضيفــها والمــوالــي

يابو محمد في مساعيك مشكور
تزهابـك أبيـات القصيـد الجـزالي

البيرق

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك اخي البيرق قصيده جزله رايعه
-لعل دارك ياابيض الوجه معمور-
-دارتضلل ضيفهاو المو ا لي --

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
و الله يعافيك ووجهك أبيض

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

	المشاركة الأصلية كتبت بواسطة محمدالعيسى

	صح السانك اخي البيرق قصيده جزله رايعه -لعل دارك ياابيض الوجه معمور- -دارتضلل ضيفهاو المو ا لي --

صح بدنك يالغالي
تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك
وسلم بنانك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

	المشاركة الأصلية كتبت بواسطة حسيـن

	صح لسانك وسلم بنانك

صحت أبدانكم وأعتلى شانكم
والله يعطيكم العافيه
تحياتي

السلام عليكم ورحمة الله وبركاته
سلمت ودمت أخوي الشاعر البيرق على القصيدة .
.
.
جزله ورائعه وصح لسانك
أخوك ابوساره