دنّيت من كن جال المرو هيكلهُ

دنّيت من كن جال المرو هيكلهُ





هذه القصيدة على بحــور الشعــــر القديم

دنّيت من كن جال المرو هيكلهُ = توّه نزل بالجمارك من مصانعهُ
امشمّرٍ عن زبار الأرض مرتفعاٌ = ما دق زوره بجرفٍ كان قاطعهُ
مثل ابيضٍ من كرام الخيل مُقتحمٍ = جمع تضيق الوسيعة من وقايعُهُ
يا ما طوينا عليه موشّمٍ وعرٍ = يعوي به الذئب لسباعٍ تُسابعهُ
متوحّشٍ برتفاع اللال مطّرِدٍ = صعب المعالم خلياتٍ مراتعهُ
حوّل به العصر مزن الغيث ملتعجٍ = رعّاد برقه يضيء الليل لا معهُ
مرتع لصيد الخلا للوحش مُنتجعٍ = مع أول الوسم شق السيل أجارعهُ
عذب النسايم جديد النبت مُرتبعٍ = بيّض به الطير ما ديست مرابعهُ
يسوق ريحه نسانيس الهوا عطِرٍ = عبير وردٍ تنسّم من هوانعهُ
يشرب ا زلالٍ مع الربان مُنسكِبٍ = مخزون غرن تفجّر من منابعهُ
ترسم به الشمس فنٍ قبل مغرِبُها = ويرسم به البدر فنٍ بعد مطلعهُ
يا نفس جوزي عن الأشعار واحتضني = قلبٍ صخيفٍ ثقيل الشعر مزّعهُ
شعرٍ سجنته عن النقاّد من زمنٍ = خمسين عامٍ بصدري لم أُطلّعهُ
أعطيته الوقت والإجهاد في حذرٍ = في زمنٍ ما يزور الناس جايعهُ
وخذت منه العنا والسير مُنفردٌ = أنام وصحا على محكم روا يعهُ
حاولت أنافق بشعر المدح مكتسبٌ = مثل الذي حب جمع المال يدفعهُ
وشعرٍ على غير صايب ما يُطاوِعُني = وأنا على غير صايب ما أُطاوِعُهُ
وحاولت فيه الهوا وقفل نوافذهُ = ستر العفيفات والإسلام يمنعهُ
أنساه ساعة وساعاتٍ يُصاحبني = ولولاي أحفظه بوصف الأرض أضيعه
لقيت وصف الطبيعة من مطالبهُ = وفي غير وصف الطبيعة قل نافعهُ
لا باكر الوسم قفرٍ قل دائجهُ = وخضرّ وحمرّ وصفرّت مزارعهُ
قرّبت جيبٍ يخض الأرض مُفتخرٍ = ترسم له الشمس ضل العصر يتبعهُ
ما له طريقٍ إلى ألوجهه يوصّلهُ = إلا جديدٍ على النوّير يبدعهُ
يمشي على نقطةٍ قبل أمس زارِعُها = في موقعٍ مثل جوف الذئب خايعهُ
دليله القارمن والبوصلة سنداً = يا حي صُنعٍ رفع بالعلم صانعُهُ
لو كنت في دامسٍ غابت كواكبهُ = أمقنّع مثل وجه العبد مقنعهُ
كنك بدارٍ درست أسرارها زمنٍ = ولاّ على واضحٍ تؤمن زوابِعُهُ

نافع الحربي

,
,
,
صح لسانك وعلا شانك
والله يعطيك العافيه على القصيده الجزله
بيض الله وجهك
مع التحيه

صح لسانك
شـكــ وبارك الله فيك ـــرا لك ... لك مني أجمل تحية .

الاخ نافع الحربي
صح لسانك ياين العم
كسرت الروتين وجبت معلقه نعم شاعر تجيد القصيد
بالغه الفصحى والشعر العامي النبطي وهذي الميزه لاتوجد
بالكثير من الشعراء الله يبيض وجهك على الجزاله والعمق الشعري
تحياتي وتقديري

	صح الله لسانك ولاهنت وسلم فكرك وبنانك دمت برعاية الله وحفظة

قصيده وافيه ومن راس وافي
لاهنت ولاهان هذا الحضور
تقبل تحيتي

	المشاركة الأصلية كتبت بواسطة ابوفياض النويمي

	, , , صح لسانك وعلا شانك والله يعطيك العافيه على القصيده الجزله بيض الله وجهك مع التحيه

أبو فياض النويمي صح بدنك ووجهك ابيض
شرفني حضورك لاهنت شكرا لك :

	المشاركة الأصلية كتبت بواسطة ابن بصيص (الكخ)

	صح لسانك شـكــ وبارك الله فيك ـــرا لك ... لك مني أجمل تحية .

ابن بصيص صح بدنك ووجهك ابيض
شرفني حضورك لاهنت شكرا لك :

	المشاركة الأصلية كتبت بواسطة سعد المحمدي

	الاخ نافع الحربي صح لسانك ياين العم كسرت الروتين وجبت معلقه نعم شاعر تجيد القصيد بالغه الفصحى والشعر العامي النبطي وهذي الميزه لاتوجد بالكثير من الشعراء الله يبيض وجهك على الجزاله والعمق الشعري تحياتي وتقديري

الأخ العزيز سعد المحمدي صح بدنك ووجهك ابيض
شرفني حضورك ولا عليك زود يابن العم لاهنت شكرا لك :

اخوي القدير نافع الحربي

صح لسانك وعلا شانك

والله يعطيك العافيه على القصيده الجزله

بيض الله وجهك

تقبل تقديري واحترامي لك