سرى الليل واقف و أنتظر وزعةٍ لي ( صياف الحربي و عبدالله المسعودي)

19-03-07, 08:40 AM

سرى الليل واقف وانتظر وزعةٍ لي=وشجعان عصر الجاهليه يلاقون
هـــذي مواقيفـــي وهــــذامحلــي=واهل وادي السرحان عيـوا ينامون
سرى الليل بالاجودي ارحب واهلي= لياأديت حق الناس ماراح لي لون
احييك لامنك تقدى المصلي= واهل وادي السرحان بسلاح يرمون
معزب علي العلم النقي مايملي=ليا نوخت حن منزله مايدون
ترى هالمصلي عالم مايزلي=وترى الذيب لاداين والاهوب مديون
لعللك معزب للذهين المتلي=وراع الكرم يقلاه بقدور وصحون
ماهو قايل للحارمه مار حلي=ياكود انها حلت بخدر ومصيون
أنا ما احسب حساب الزمان المولي=ابحسب لقوم يزرعون ويحصدون
لاواعزتي لك يالكريم المقلي=أنا ابشهد انه طول الايام مغبون
أنا مادرقت الشمس في راس ظلي=ولا اغش صندوق الحلاوه بليمون
أحد جاهل يرعي الحلال المفلي =واحد شايب عاجز يعكز على شون
يهل الشهر وايضا هلاله يهلي=ولاانته مغير شجرة التين زيتون
أحد لاسمع صوت الذيابه يذلي=واحد يختلف قلبه ليا طق جالون
أنا شفت لي عود عيونه تهلي=عياله يعضدونه وهو ماله سنون
ولايرتفع قلب يصير امتدلي=هذي دبرة الله فيه والناس يدرون
عسى قصته ماتنقلب قصة لي=ومن طب نار الجن تلقاه مجنون
أنا شفت ذاك البن وسط المجلي=مع السائق اللي نام فوق الدركسون